КШ · Śivastotrāvalī · Словарь терминов · Поиск по сайту · Эта часть у источника
← Гимн 10 — Avicchedabhaṅgākhyaṁ daśamaṁ stotram · Гимн 12 — Rahasyanirdeśanāma dvādaśaṁ stotram →
जगदिदमथवा सुहृदो बन्धुजनो वा न भवति मम किमपि।
Jagadidamathavā suhṛdo bandhujano vā na bhavati mama kimapi|
त्वं पुनरेतत्सर्वं यदा तदा कोऽपरो मेऽस्तु॥११.१॥
Tvaṁ punaretatsarvaṁ yadā tadā ko'paro me'stu||11.1||
Ни этот мир, ни друзья, ни родня не значат для меня ничего. А раз Ты — всё это, — тогда кто мне ещё нужен?||11.1||
स्वामिन्महेश्वरस्त्वं साक्षात्सर्वं जगत्त्वमेवेति।
Svāminmaheśvarastvaṁ sākṣātsarvaṁ jagattvameveti|
वस्त्वेव सिद्धिमेत्विति याच्ञा तत्रापि याच्ञैव॥११.२॥
Vastveva siddhimetviti yācñā tatrāpi yācñaiva||11.2||
«Владыка, Ты — Maheśvara воочию, Ты один — весь мир», — так. А просьба, чтобы сама эта вещь сбылась, — и она всё та же просьба||11.2||
त्रिभुवनाधिपतित्वमपीह यत्तृणमिव प्रतिभाति भवज्जुषः।
Tribhuvanādhipatitvamapīha yattṛṇamiva pratibhāti bhavajjuṣaḥ|
किमिव तस्य फलं शुभकर्मणो भवति नाथ भवत्स्मरणादृते॥११.३॥
Kimiva tasya phalaṁ śubhakarmaṇo bhavati nātha bhavatsmaraṇādṛte||11.3||
Владыка, если даже владычество над тремя мирами кажется здесь травинкой тому, кто предан Тебе, — то какой же плод есть у его благих дел, кроме памятования о Тебе?||11.3||
येन नैव भवतोऽस्ति विभिन्नं किञ्चनापि जगतां प्रभवश्च।
Yena naiva bhavato'sti vibhinnaṁ kiñcanāpi jagatāṁ prabhavaśca|
त्वद्विजृम्भितमतोऽद्भुतकर्मस्वप्युदेति न तव स्तुतिबन्धः॥११.४॥
Tvadvijṛmbhitamato'dbhutakarmasvapyudeti na tava stutibandhaḥ||11.4||
Раз отдельного от Тебя нет ничего (kiñcana api… na eva asti), и рождение миров — Твоё раскрытие, — оттого и на дивных Твоих делах не складывается Тебе хвалебная речь||11.4||
त्वन्मयोऽस्मि भवदर्चननिष्ठः सर्वदाहमिति चाप्यविरामम्।
Tvanmayo'smi bhavadarcananiṣṭhaḥ sarvadāhamiti cāpyavirāmam|
भावयन्नपि विभो स्वरसेन स्वप्नगोऽपि न तथा किमिव स्याम्॥११.५॥
Bhāvayannapi vibho svarasena svapnago'pi na tathā kimiva syām||11.5||
«Я состою из Тебя, я всегда предан почитанию Тебя» — и хоть я и созерцаю это без перерыва, — отчего же, Всепроникающий, я не таков собственным вкусом, даже уходя в сон?||11.5||
ये मनागपि भवच्चरणाब्जोद्भूतसौरभलवेन विमृष्टः।
Ye manāgapi bhavaccaraṇābjodbhūtasaurabhalavena vimṛṣṭaḥ|
तेषु विस्रमिव भवति समस्तं भोगजातममरैरपि मृग्यम्॥११.६॥
Teṣu visramiva bhavati samastaṁ bhogajātamamarairapi mṛgyam||11.6||
У тех, кто хоть чуть-чуть отёрт крупицей благоухания, поднявшегося от Твоих лотосов-стоп, всё множество наслаждений, какого ищут и бессмертные, становится словно сырое мясо||11.6||
हृदि ते न तु विद्यतेऽन्यदन्यद्वचने कर्मणि चान्यदेव शम्भो।
Hṛdi te na tu vidyate'nyadanyadvacane karmaṇi cānyadeva śambho|
परमार्थसतोऽप्य् अनुग्रहो वा यदि वा निग्रह एक एव कार्यः॥११.७॥
Paramārthasato'py anugraho vā yadi vā nigraha eka eva kāryaḥ||11.7||
Śambhu, у Тебя не (na tu) бывает одного в сердце, другого в речи и третьего в деле. Раз Ты сущ по высшей истине, то и делать следует что-нибудь одно: милость или кару||11.7||
मूढोऽस्मि दुःखकलितोऽस्मि जरादिदोषभीतोऽस्मि शक्तिरहितोऽस्मि तवाश्रितोऽस्मि।
Mūḍho'smi duḥkhakalito'smi jarādidoṣabhīto'smi śaktirahito'smi tavāśrito'smi|
शम्भो तथा कलय शीघ्रमुपैमि येन सर्वोत्तमां धुरमपोज्झितदुःखमार्गः॥११.८॥
Śambho tathā kalaya śīghramupaimi yena sarvottamāṁ dhuramapojjhitaduḥkhamārgaḥ||11.8||
Я глуп, я измучен горем, я в страхе перед старостью и прочими бедами, я без сил, я прибегнул к Тебе. Śambhu, сделай так, чтобы я скорее поднял самое высокое ярмо, оставив дорогу горя||11.8||
त्वत्कर्णदेशमधिशय्य महार्घभावमाक्रन्दितानि मम तुच्छतराणि यान्ति।
Tvatkarṇadeśamadhiśayya mahārghabhāvamākranditāni mama tucchatarāṇi yānti|
वंशान्तरालपतितानि जलैकदेशखण्डानि मौक्तिकमणित्वमिवोद्वहन्ति॥११.९॥
Vaṁśāntarālapatitāni jalaikadeśakhaṇḍāni mauktikamaṇitvamivodvahanti||11.9||
Мои вопли, самые ничтожные, лёгши у Твоего уха, становятся многоценными — как капли воды, упавшие в междоузлие бамбука, обретают достоинство жемчужины||11.9||
किमिव च लभ्यते बत न तैरपि नाथ जनैः क्षणमपि कैतवादपि च ये तव नाम्नि रताः।
Kimiva ca labhyate bata na tairapi nātha janaiḥ kṣaṇamapi kaitavādapi ca ye tava nāmni ratāḥ|
शिशिरमयूखशेखर तथा कुरु येन मम क्षतमरणोऽणिमादिकमुपैमि यथा विभवम्॥११.१०॥
Śiśiramayūkhaśekhara tathā kuru yena mama kṣatamaraṇo'ṇimādikamupaimi yathā vibhavam||11.10||
Владыка, ах, чего не обретают и те люди, кто хоть на миг и хоть притворно привержен Твоему имени? Носящий в венце прохладнолучего, сделай так, чтобы я, с уничтоженной смертью, пришёл к богатству — аниме и прочим совершенствам||11.10||
शम्भो शर्व शशङ्कशेखर शिव त्र्यक्षाक्षमालाधर श्रीमन्नुग्रकपाललाञ्छन लसद्भीमत्रिशूलायुध।
Śambho śarva śaśaṅkaśekhara śiva tryakṣākṣamālādhara śrīmannugrakapālalāñchana lasadbhīmatriśūlāyudha|
कारुण्याम्बुनिधे त्रिलोकरचनाशीलोग्रशक्त्यात्मक श्रीकण्ठाशु विनाशयाशुभभरानाधत्स्वसिद्धिं पराम्॥११.११॥
Kāruṇyāmbunidhe trilokaracanāśīlograśaktyātmaka śrīkaṇṭhāśu vināśayāśubhabharānādhatsvasiddhiṁ parām||11.11||
Śambhu, Śarva, носящий месяц в венце, Śiva, Трёхокий, держащий чётки, благословенный, отмеченный страшным черепом, с блистающим грозным трезубцем (śambho śarva śaśāṅka-śekhara śiva tri-akṣa akṣa-mālā-dhara śrīmat ugra-kapāla-lāñchana lasat-bhīma-triśūla-āyudha)! Океан милосердия, состоящий из грозной Силы, чей обычай — строить три мира, Śrīkaṇṭha! Скорее уничтожь груз недоброго и дай высшее совершенство||11.11||
तत्किं नाथ भवेन्न यत्र भगवान्निर्मातृतामश्नुते भावः स्यात्किमु तस्य चेतनवतो नाशास्ति यं शङ्करः।
Tatkiṁ nātha bhavenna yatra bhagavānnirmātṛtāmaśnute bhāvaḥ syātkimu tasya cetanavato nāśāsti yaṁ śaṅkaraḥ|
इत्थं ते परमेश्वराक्षतमहाशक्तेः सदा संश्रितः संसारेऽत्र निरन्तराधिविधुरः क्लिश्याम्यहं केवलम्॥११.१२॥
Itthaṁ te parameśvarākṣatamahāśakteḥ sadā saṁśritaḥ saṁsāre'tra nirantarādhividhuraḥ kliśyāmyahaṁ kevalam||11.12||
Владыка, что есть такое, в чём Господь не обретал бы творящей силы? И есть ли одушевлённое существо, которого не было бы у Śaṅkara? Вот так, Высший Владыка, Тебя, чья великая Сила нерушима, я всегда держусь, — а в этом круговороте мучаюсь я непрестанной тоскою||11.12||
यद्यप्यत्र वरप्रदोद्धततमाः पीडाजरामृत्यव एते वा क्षणमासतां बहुमतः शब्दादिरेवास्थिरः।
Yadyapyatra varapradoddhatatamāḥ pīḍājarāmṛtyava ete vā kṣaṇamāsatāṁ bahumataḥ śabdādirevāsthiraḥ|
तत्रापि स्पृहयामि सन्ततसुखाकाङ्क्षी चिरं स्थास्नवे भोगास्वादयुतत्वदङ्घ्रिकमलध्यानाग्र्य जीवातवे॥११.१३॥
Tatrāpi spṛhayāmi santatasukhākāṅkṣī ciraṁ sthāsnave bhogāsvādayutatvadaṅghrikamaladhyānāgrya jīvātave||11.13||
Пусть (yadi api) здесь боль, старость и смерть — самые свирепые из тех, кто раздаёт дары, — вот они; или пусть на миг останется многоценным непостоянный звук и прочее. И всё же я, жаждущий непрерывного счастья, долго тянусь к тому, что стоит прочно, — к той жизни, первое в которой созерцание Твоих лотосов-стоп вместе со вкусом наслаждений — строфа тёмная: связь второй половины с первой допускает и другое членение — (bhoga-āsvāda-yuta-tvat-aṅghri-kamala-dhyāna-agrya)||11.13||
हे नाथ प्रणतार्तिनाशनपटो श्रेयोनिधे धूर्जटे दुःखैकायतनस्य जन्ममरणत्रस्तस्य मे साम्प्रतम्।
He nātha praṇatārtināśanapaṭo śreyonidhe dhūrjaṭe duḥkhaikāyatanasya janmamaraṇatrastasya me sāmpratam|
तच्चेष्टस्व यथा मनोज्ञविषयास्वादप्रदा उत्तमा जीवन्नेव समश्नुवेऽहमचलाः सिद्धीस्त्वदर्चापरः॥११.१४॥
Tacceṣṭasva yathā manojñaviṣayāsvādapradā uttamā jīvanneva samaśnuve'hamacalāḥ siddhīstvadarcāparaḥ||11.14||
О Владыка, искусный в уничтожении горя припавших, сокровищница блага, Dhūrjaṭi! Ныне для меня, единственного вместилища горя, напуганного рождением и смертью, — постарайся о том, чтобы я, предавшись почитанию Тебя, ещё живым обрёл высшие, неколебимые совершенства, дающие вкус милых сердцу предметов||11.14||
नमो मोहमहाध्वान्तध्वंसनानन्यकर्मणे।
Namo mohamahādhvāntadhvaṁsanānanyakarmaṇe|
सर्वप्रकाशातिशयप्रकाशायेन्दुलक्ष्मणे॥११.१५॥
Sarvaprakāśātiśayaprakāśāyendulakṣmaṇe||11.15||
Поклон Тому, чьё дело — единственное: разбивать великую тьму заблуждения, Свету, что превосходит всякий свет, отмеченному месяцем||11.15||
← Гимн 10 — Avicchedabhaṅgākhyaṁ daśamaṁ stotram · Гимн 12 — Rahasyanirdeśanāma dvādaśaṁ stotram →
Санскрит (деванагари и IAST) перенесён без изменений с сайта Габриэля Pradīpaka: Гимн 11 — Autsukyaviśvasitanāmaikādaśaṁ stotram. Строфы 11.1–11.15 переведены прямо с санскрита, для этого сайта: изложения, на которое можно было бы опереться, для них у источника нет.