КШ · Pratyabhijñāhṛdayam · Словарь терминов · Поиск по сайту · Эта часть у источника
मध्यविकासे युक्तिमाह
Madhyavikāse yuktimāha
विकल्पक्षयशक्तिसङ्कोचविकासवाहच्छेदाद्यन्तकोटिनिभालनादय इहोपायाः॥१८॥
Vikalpakṣayaśaktisaṅkocavikāsavāhacchedādyantakoṭinibhālanādaya ihopāyāḥ||18||
इह मध्यशक्तिविकासे विकल्पक्षयादय उपायाः। प्रागुपदिष्टपञ्चविधकृत्यकारित्वाद्यनुसरणेन सर्वमध्यभूतायाः संविदो विकासो जायते - इत्यभिहितप्रायम्। उपायान्तरमपि तूच्यते - प्राणायाममुद्राबन्धादिसमस्तयन्त्रणातन्त्रत्रोटनेन सुखोपायमेव हृदये निहितचित्त उक्तयुक्त्या स्वस्थितिप्रतिबन्धकं विकल्पमकिञ्चिच्चिन्तकत्वेन प्रशमयन्नविकल्पपरामर्शेन देहाद्यकलुषस्वचित्प्रमातृतानिभालनप्रवणोऽचिरादेवोन्मिषद्विकासां तुर्यतुर्यातीतसमावेशदशामासादयति। यथोक्तम्
Iha madhyaśaktivikāse vikalpakṣayādaya upāyāḥ| Prāgupadiṣṭapañcavidhakṛtyakāritvādyanusaraṇena sarvamadhyabhūtāyāḥ saṁvido vikāso jāyate - ityabhihitaprāyam| Upāyāntaramapi tūcyate - prāṇāyāmamudrābandhādisamastayantraṇātantratroṭanena sukhopāyameva hṛdaye nihitacitta uktayuktyā svasthitipratibandhakaṁ vikalpamakiñciccintakatvena praśamayannavikalpaparāmarśena dehādyakaluṣasvacitpramātṛtānibhālanapravaṇo'cirādevonmiṣadvikāsāṁ turyaturyātītasamāveśadaśāmāsādayati| Yathoktam
विकल्पहानेनैकाग्र्यात्क्रमेणेश्वरतापदम्।
Vikalpahānenaikāgryātkrameṇeśvaratāpadam|
इति श्रीप्रत्यभिज्ञायाम्। श्रीस्पन्देऽपि
iti śrīpratyabhijñāyām| Śrīspande'pi
यदा क्षोभः प्रलीयेत तदा स्यात्परमं पदम्॥
Yadā kṣobhaḥ pralīyeta tadā syātparamaṁ padam||
इति। श्रीज्ञानगर्भेऽपि
iti| Śrījñānagarbhe'pi
विहाय सकलाः क्रिया जननि मानसीः सर्वतो विमुक्तकरणक्रियानुसृतिपारतन्त्र्योज्ज्वलम्।
Vihāya sakalāḥ kriyā janani mānasīḥ sarvato vimuktakaraṇakriyānusṛtipāratantryojjvalam|
स्थितैस्त्वदनुभावतः सपदि वेद्यते सा परा दशा नृभिरतन्द्रितासमसुखामृतस्यन्दिनी॥
Sthitaistvadanubhāvataḥ sapadi vedyate sā parā daśā nṛbhiratandritāsamasukhāmṛtasyandinī||
इति। अयं चोपायो मूर्धन्यत्वात्प्रत्यभिज्ञायां प्रतिपादितत्वादादावुक्तः। शक्तिसङ्कोचादयस्तु यद्यपि प्रत्यभिज्ञायां न प्रतिपादितास्तथाप्याम्नायिकत्वादस्माभिः प्रसङ्गात्प्रदर्श्यन्ते बहुषु हि प्रदर्शितेषु कश्चित्केनचित्प्रवेक्ष्यतीति।
iti| Ayaṁ copāyo mūrdhanyatvātpratyabhijñāyāṁ pratipāditatvādādāvuktaḥ| Śaktisaṅkocādayastu yadyapi pratyabhijñāyāṁ na pratipāditāstathāpyāmnāyikatvādasmābhiḥ prasaṅgātpradarśyante bahuṣu hi pradarśiteṣu kaścitkenacitpravekṣyatīti|
शक्तेः सङ्कोच - इन्द्रियद्वारेण प्रसरन्त्या एवाकुञ्चनक्रमेणोन्मुखीकरणम्। यथोक्तमाथर्वणिकोपनिषत्सु कठवल्ल्यां चतुर्थवल्लिप्रथममन्त्रे
Śakteḥ saṅkoca - indriyadvāreṇa prasarantyā evākuñcanakrameṇonmukhīkaraṇam| Yathoktamātharvaṇikopaniṣatsu kaṭhavallyāṁ caturthavalliprathamamantre
पराञ्चि खानि व्यतृणत्स्वयम्भूस्तस्मात्पराङ्पश्यति नान्तरात्मन्।
Parāñci khāni vyatṛṇatsvayambhūstasmātparāṅpaśyati nāntarātman|
कश्चिद्धीरः प्रत्यगात्मानमैक्षदावृत्तचक्षुरमृतत्वमश्नन्॥
Kaściddhīraḥ pratyagātmānamaikṣadāvṛttacakṣuramṛtatvamaśnan||
इति। प्रसृताया अपि वा कूर्माङ्गसङ्कोचवत्त्राससमये हृत्प्रवेशवच्च सर्वतो निवर्तनम्। यथोक्तम्
iti| Prasṛtāyā api vā kūrmāṅgasaṅkocavattrāsasamaye hṛtpraveśavacca sarvato nivartanam| Yathoktam
तदपोद्धृते नित्योदितस्थितिः।
Tadapoddhṛte nityoditasthitiḥ|
इति।
iti|
शक्तेर्विकासोऽन्तर्निगूढाया अक्रममेव सकलकरणचक्रविस्फारणेन
Śaktervikāso'ntarnigūḍhāyā akramameva sakalakaraṇacakravisphāraṇena
अन्तर्लक्ष्यो बहिर्दृष्टिर्निमेषोन्मेषवर्जितः।
Antarlakṣyo bahirdṛṣṭirnimeṣonmeṣavarjitaḥ|
इति। भैरवीयमुद्रानुप्रवेशयुक्त्या बहिः प्रसरणम्। यथोक्तं कक्ष्यास्तोत्रे
iti| Bhairavīyamudrānupraveśayuktyā bahiḥ prasaraṇam| Yathoktaṁ kakṣyāstotre
सर्वाः शक्तीश्चेतसा दर्शनाद्याः स्वे स्वे वेद्ये यौगपद्येन विष्वक्।
Sarvāḥ śaktīścetasā darśanādyāḥ sve sve vedye yaugapadyena viṣvak|
क्षिप्त्वा मध्ये हाटकस्तम्भभूतस्तिष्ठन्विश्वाधार एकोऽवभासि॥
Kṣiptvā madhye hāṭakastambhabhūtastiṣṭhanviśvādhāra eko'vabhāsi||
इति। श्रीभट्टकल्लटेनाप्युक्तम्
iti| Śrībhaṭṭakallaṭenāpyuktam
रूपादिषु परिणामात्तत्सिद्धिः।
Rūpādiṣu pariṇāmāttatsiddhiḥ|
इति। शक्तेश्च सङ्कोचविकासौ नासापुटस्पन्दनक्रमोन्मिषत्सूक्ष्मप्राणशक्त्या भ्रूभेदनेन क्रमासादितोर्ध्वकुण्डलिनीपदे प्रसरविश्रान्तिदशापरिशीलनमधःकुण्डलिन्यां च षष्ठवक्त्ररूपायां प्रगुणीकृत्य शक्तिं तन्मूलतदग्रतन्मध्यभूमिस्पर्शावेशः। यथोक्तं विज्ञानभट्टारके
iti| Śakteśca saṅkocavikāsau nāsāpuṭaspandanakramonmiṣatsūkṣmaprāṇaśaktyā bhrūbhedanena kramāsāditordhvakuṇḍalinīpade prasaraviśrāntidaśāpariśīlanamadhaḥkuṇḍalinyāṁ ca ṣaṣṭhavaktrarūpāyāṁ praguṇīkṛtya śaktiṁ tanmūlatadagratanmadhyabhūmisparśāveśaḥ| Yathoktaṁ vijñānabhaṭṭārake
वह्नेर्विषस्य मध्ये तु चित्तं सुखमयं क्षिपेत्।
Vahnerviṣasya madhye tu cittaṁ sukhamayaṁ kṣipet|
केवलं वायुपूर्णं वा स्मरानन्देन युज्यते॥
Kevalaṁ vāyupūrṇaṁ vā smarānandena yujyate||
इति। अत्र वह्निरनुप्रवेशक्रमेण सङ्कोचभूर्विषस्थानं प्रसरयुक्त्या विकासपदं विषॢ व्याप्तावित्यर्थानुगमात्।
iti| Atra vahniranupraveśakrameṇa saṅkocabhūrviṣasthānaṁ prasarayuktyā vikāsapadaṁ viṣḷ vyāptāvityarthānugamāt|
वाहयोः - वामदक्षिणगतयोः प्राणापानयोश्छेदो - हृदयविश्रान्तिपुरःसरमन्तः ककारहकारादिप्रायानच्कवर्णोच्चारेण विच्छेदनम्। यथोक्तं ज्ञानगर्भे
Vāhayoḥ - vāmadakṣiṇagatayoḥ prāṇāpānayośchedo - hṛdayaviśrāntipuraḥsaramantaḥ kakārahakārādiprāyānackavarṇoccāreṇa vicchedanam| Yathoktaṁ jñānagarbhe
अनच्कककृतायतिप्रसृतपार्श्वनाडीद्वयच्छिदो विधृतचेतसो हृदयपङ्कजस्योदरे।
Anackakakṛtāyatiprasṛtapārśvanāḍīdvayacchido vidhṛtacetaso hṛdayapaṅkajasyodare|
उदेति तव दारितान्धतमसः स विद्याङ्कुरो य एष परमेशतां जनयितुं पशोरप्यलम्॥
Udeti tava dāritāndhatamasaḥ sa vidyāṅkuro ya eṣa parameśatāṁ janayituṁ paśorapyalam||
इति।
iti|
आदिकोटिर्हृदयमन्तकोटिर्द्वादशान्तस्तयोः प्राणोल्लासविश्रान्त्यवसरे निभालनं - चित्तनिवेशनेन परिशीलनम्। यथोक्तं विज्ञानभैरवे
Ādikoṭirhṛdayamantakoṭirdvādaśāntastayoḥ prāṇollāsaviśrāntyavasare nibhālanaṁ - cittaniveśanena pariśīlanam| Yathoktaṁ vijñānabhairave
हृद्याकाशे निलीनाक्षः पद्मसम्पुटमध्यगः।
Hṛdyākāśe nilīnākṣaḥ padmasampuṭamadhyagaḥ|
अनन्यचेताः सुभगे परं सौभाग्यमाप्नुयात्॥
Ananyacetāḥ subhage paraṁ saubhāgyamāpnuyāt||
इति। तथा
iti| Tathā
यथा तथा यत्र तत्र द्वादशान्ते मनः क्षिपेत्।
Yathā tathā yatra tatra dvādaśānte manaḥ kṣipet|
प्रतिक्षणं क्षीणवृत्तेर्वैलक्षण्यं दिनैर्भवेत्॥
Pratikṣaṇaṁ kṣīṇavṛttervailakṣaṇyaṁ dinairbhavet||
इति। आदिपदादुन्मेषदशानिषेवणम्। यथोक्तम्
iti| Ādipadādunmeṣadaśāniṣevaṇam| Yathoktam
उन्मेषः स तु विज्ञेयः स्वयं तमुपलक्षयेत्॥
Unmeṣaḥ sa tu vijñeyaḥ svayaṁ tamupalakṣayet||
इति स्पन्दे। तथा रमणीयविषयचर्वणादयश्च सङ्गृहीताः। यथोक्तं श्रीविज्ञानभैरव एव
iti spande| Tathā ramaṇīyaviṣayacarvaṇādayaśca saṅgṛhītāḥ| Yathoktaṁ śrīvijñānabhairava eva
जग्धिपानकृतोल्लासरसानन्दविजृम्भणात्।
Jagdhipānakṛtollāsarasānandavijṛmbhaṇāt|
भावयेद्भरितावस्थां महानन्दमयो भवेत्॥
Bhāvayedbharitāvasthāṁ mahānandamayo bhavet||
गीतादिविषयास्वादासमसौख्यैकतात्मनः।
Gītādiviṣayāsvādāsamasaukhyaikatātmanaḥ|
योगिनस्तन्मयत्वेन मनोरूढेस्तदात्मता॥
Yoginastanmayatvena manorūḍhestadātmatā||
यत्र यत्र मनस्तुष्टिर्मनस्तत्रैव धारयेत्।
Yatra yatra manastuṣṭirmanastatraiva dhārayet|
तत्र तत्र परानन्दस्वरूपं सम्प्रकाशते॥
Tatra tatra parānandasvarūpaṁ samprakāśate||
इति। एवमन्यदप्यानन्दपूर्णस्वात्मभावनादिकमनुमन्तव्यम्। इत्येवमादयोऽत्र मध्यविकास उपायाः॥१८॥
iti| Evamanyadapyānandapūrṇasvātmabhāvanādikamanumantavyam| Ityevamādayo'tra madhyavikāsa upāyāḥ||18||
(Сочинитель) сказал средство к раскрытию середины:
Здесь (приводятся) (iha) методы (для этого раскрытия, или развития) (upāyāḥ): 1) растворение, или исчезновение (всех) vikalpa-s, или мыслей, 2) раскрытие (и) сжатие (saṅkoca Śakti, или Силы, 3) прекращение потока prāṇa и apāna через повторение “anacka” — т.e. “без гласных” — звуков и т.д., (и) 4) восприятие dvādaśānta и т.д.||18||
Здесь, в раскрытии Срединной Силы, средства — растворение vikalpa (то есть мыслей) и прочее. Уже по большей части сказано, что раскрытие Сознания, что есть Середина всего, происходит следованием тому авторству пятеричного действия, о котором учили выше. Но называется и другое средство. (Есть) лёгкое средство, рвущее всю основу стеснений, налагаемых prāṇāyāma, mudrā, bandha и прочим. (Для этого йогину надо сперва) утвердить ум в Сердце «в Срединном Сознании», (затем), ни о чём не думая, унять — также «утишить» — (praśamayan) помянутым приёмом те vikalpa, что заслоняют Состояние Бытия — или «собственное Состояние» — (sva-sthiti-pratibandhakam). Ухватив состояние без мыслей, он склоняется к тому, чтобы усматривать собственное Сознание, не замутнённое телом и прочим. (И так) в самое короткое время он достигает состояния поглощённости в Turya и Turyātīta, которое — это состояние — расцветает — букв. «которое есть раскрывающееся расширение» — (unmiṣat-vikāsām). Как сказано в досточтимой Īśvarapratyabhijñā (4.11) (śrī-pratyabhijñāyām):
«С прекращением vikalpa — мыслей — (vikalpa-hānena) через сосредоточенность (обретается) Состояние Владычества — постепенно»
Сказано и в досточтимых Spandakārikā (1.9) (śrī-spande):
«Когда волнение растворяется до конца, тогда наступает Высшее Состояние»
(И) в досточтимой Jñānagarbha (сказано) (api):
«О Мать! Оставив вовсе все действия ума, (являет себя) сияющее состояние, свободное от подначальности тому, чтобы гнаться за действиями чувств. То высшее Состояние, что источает нектар несравненного счастья, где нет ни отупения, ни морока, познаётся тотчас, Твоею Милостью, людьми, которые (в этом сияющем состоянии и) пребывают (sthitaiḥ… nṛbhiḥ… iti)»
Это (ayam ca) средство описано первым, потому что оно самое высокое, (а также) потому что оно объяснено в (школе) Pratyabhijñā. И хотя (yadi api) saṅkoca Śakti и прочее в (школе) Pratyabhijñā не объяснены, всё же мы их показываем попутно, раз они принадлежат священному письменному преданию. Когда показано много (средств) (bahuṣu hi pradarśiteṣu), кто-нибудь «войдёт» через одно (из них) (kenacid).
Saṅkoca Śakti (есть) обращение (к Самости) (unmukhīkaraṇam) чередою стяжений той (Śakti), что разлилась вратами чувств. Как сказано в первой мантре четвёртого раздела Kaṭhavallī в Упанишадах Атхарваведы:
«Саморождённый пробил отверстия (чувств) (khāni) вовне. Оттого человек глядит наружу, а не на внутреннюю Самость — ожидалось бы «antarātmānam» — (antar-ātman). Некий мудрец, желая вкусить — букв. вкушая — (aśnan) нектар бессмертия, узрел — ожидалось бы «aikṣata» — (aikṣat) внутреннюю Самость взором, обращённым внутрь»
Или (saṅkoca Śakti есть) и отдёргивание отовсюду той (Śakti), что рассеялась вовне, — как черепаха втягивает члены в миг испуга, и как вхождение в сердце. Как сказано (в одном писании) (yathā uktam):
«При обращении вспять есть пребывание во всегда восходящей (Самости) (nitya-udita-sthitiḥ… iti)»
Vikāsa той Śakti, что скрыта внутри, (происходит) раскрытием всего круга чувств разом.
«Со вниманием, обращённым внутрь, (и) взором, обращённым вовне, не смыкая и не размыкая век»
Bhairavamudrā (есть) разлитие вовне вкупе с вхождением внутрь. Как сказано в Kakṣyāstotra:
«Забросив умом все силы — силу зрения и прочие — каждую в её (собственный) предмет (sve sve vedye) —разом (и) во все стороны—, оставаясь в середине золотым столпом, Ты один и являешься опорой вселенной!»
Сказал и досточтимейший Kallaṭa:
«Совершенство в том — в развитии madhyaśakti — (tad) (достигается) превращением (собственного сознания) (pariṇāmāt) (и) при наличии форм и прочего»
Saṅkoca и vikāsa –то есть стяжение и раскрытие– Śakti (означают) упражнение в состояниях покоя и развёртывания (Śakti) на ступени ūrdhvakuṇḍalinī –Kuṇḍalinī, идущая от Mūlādhāra к Brahmarandhra, — постепенно достигаемой через пробитие межбровья тонкой prāṇaśakti, что мало-помалу раскрывается от трепета в ноздрях. А в adhaḥkuṇḍalinī –той же Kuṇḍalinī, но идущей вниз, от lambikā (схождения четырёх тонких протоков близ нёба) к Mūlādhāra–, чей облик есть шестой рот –речь об органе чуть ниже Mūlādhāra–, после того как prāṇaśakti напитана, (бывает) вхождение в ступени корня, острия и середины того (adhaḥkuṇḍalinī) и соприкосновение с ними. Как сказано в досточтимой Vijñānabhairava (68) (vijñāna-bhaṭṭārake):
«Пусть он забросит (свой) ум, полный услады, в середину (madhye tu) vahni — то есть saṅkoca, стяжения — и viṣa — оно же vikāsa, раскрытие — (vahneḥ viṣasya), (либо) один — то есть один ум — (kevalam), либо наполненный жизненным воздухом. (И тогда) он наделяется любовным блаженством»
Здесь vahni — букв. огонь — (vahniḥ) (есть) ступень saṅkoca через ход вхождения (prāṇaśakti в помянутый шестой рот) (anupraveśa-krameṇa). Место viṣa — букв. яда — (viṣa-sthānam) (есть) ступень vikāsa через приём разлития — prasara — (prasara-yuktyā), по смыслу (корня) «viṣ — проникать».
(«Vāhaccheda» в афоризме значит): прекращение —(или) пресечение внутренним произнесением звуков «anacka» — без гласных — по преимуществу ka, ha и подобных, вместе с упокоением в сердце— двух токов —prāṇa и apāna, что идут справа и слева—. Как сказано в Jñānagarbha:
«Внутри лотоса сердца у того, кто обуздал ум (и) кто пресёк (ток жизненной силы) по двум тонким протокам, тянущимся по бокам, стеснением от бесгласного звука «ka», — восходит тот самый Твой росток Знания —чья густая тьма рассеяна—, который в силах породить Состояние Высшего Господа даже у paśu — у ограниченного существа — (paśoḥ… iti)»
Начальная точка (есть) сердце, конечная точка (есть) dvādaśānta. Nibhālana — букв. усматривание — (nibhālanam) (есть) упражнение в утверждении ума в тот миг, когда жизненная сила являет себя и упокоивается, между этими двумя — между сердцем и dvādaśānta — (tayoḥ). Как сказано в Vijñānabhairava:
«О прекрасная, тот, чьи чувства растворены в эфире в сердце, кто пребывает посреди полушарий (того) лотоса — то есть пребывает в Pramātā, познающем, тогда как в верхнем полушарии Pramāṇa, средство познания, а в нижнем Prameya, познаваемое — (padma-sampuṭa-madhyagaḥ) (и) кто всецело однонаправлен — то есть ум его не занят ничем, что отлично от Сознания, или Bhairava — (ananya-cetāḥ), обретает Высшее Благо — то есть владычество над вселенной, Высшее Блаженство и прелесть — (saubhāgyam… iti)»
Так же:
«Как угодно (и) где угодно (yatra tatra) пусть он забрасывает (свой) ум в dvādaśānta каждый миг. У того, чьё умственное колебание (так) убыло, явится необычайная природа Parabhairava — букв. неописуемость — (vailakṣaṇyam) через несколько дней»
Из слова «ādi» — букв. и прочее — (ādi-padāt) (следует и) упражнение в состоянии Unmeṣa — о нём учил Vasugupta в Spandakārikā — (unmeṣa-daśā-niṣevaṇam). Как сказано в Spandakārikā (3.9) (spande):
«Его и следует знать как Unmeṣa… Пусть он усмотрит его сам (svayam… iti)»
Так же сюда сведены вкушение приятных вещей и прочее. Как сказано в досточтимой Vijñānabhairava (72–74) (śrī-vijñānabhairave eva):
«Из разлива услады вкуса, что является от еды и питья, пусть он созерцает состояние полноты. И тогда наступает великая услада»
«Когда йогин становится един с несравненным блаженством от наслаждения в области песнопений и прочего, то от слияния с ним — с несравненным блаженством — (tad-mayatvena) (наступает) слияние с Тем (Высшим Брахманом) (tad-ātmatā) через возрастание, то есть раскрытие ума»
«Где бы (yatra yatra) (ни было) удовлетворение ума, там (tatra eva) ум и следует держать. В этих самых обстоятельствах (tatra tatra) сущностная природа Высшего Блаженства и является»
| Так следует заключить (api… anumantavyam) и о другом (упражнении, например) о созерцании собственной Самости, полной Блаженства, и прочем. Итак (iti evam), здесь (слово) «и прочее» (указывает на) средства к раскрытию середины | 18 |
Санскрит и транслитерация перенесены с сайта Габриэля Pradīpaka без изменений: Афоризм 18. Перевод самих сутр — тоже его, со страницы двадцати сутр. Перевод разбора Кшемараджи сделан для этого сайта по его английскому изложению: по-русски этого разбора нет больше нигде.