КШ · Mālinīvijayottaratantra · Словарь терминов · Поиск по сайту · Эта часть у источника
← Глава 7 — Mudrādhikāraḥ · Глава 9 — Kriyādīkṣādhikāraḥ →
На этой странице
Строфы 1–10 — санскрит · перевод
Строфы 11–20 — санскрит · перевод
Строфы 21–30 — санскрит · перевод
Строфы 31–40 — санскрит · перевод
Строфы 41–50 — санскрит · перевод
Строфы 51–60 — санскрит · перевод
Строфы 61–70 — санскрит · перевод
Строфы 71–80 — санскрит · перевод
Строфы 81–90 — санскрит · перевод
Строфы 91–100 — санскрит · перевод
Строфы 101–110 — санскрит · перевод
Строфы 111–120 — санскрит · перевод
Строфы 121–130 — санскрит · перевод
Строфы 131–135 — санскрит · перевод
अथ अष्टमोऽधिकारः।
Atha Aṣṭamo'dhikāraḥ|
И вот восьмая глава|
अथातः सम्प्रवक्ष्यामि यजनं सर्वकामदम्।
Athātaḥ sampravakṣyāmi yajanaṁ sarvakāmadam|
यस्य दर्शनमात्रेण योगिनीसंमतो भवेत्॥१॥
Yasya darśanamātreṇa yoginīsaṁmato bhavet||1||
А ныне я изложу вполне поклонение, дарующее все желания, от одного вида которого человек становится угодным йогиням||1||
तत्रादौ यागसदनं शुभक्षेत्रे मनोरमम्।
Tatrādau yāgasadanaṁ śubhakṣetre manoramam|
कारयेदग्निकुण्डेन वर्तुलेन समन्वितम्॥२॥
Kārayedagnikuṇḍena vartulena samanvitam||2||
Сперва да велит он выстроить дом для обряда — отрадный, на благом месте, — снабжённый круглым очагом для огня||2||
पञ्चविंशतिपर्वेण समन्तादर्धनाभिना।
Pañcaviṁśatiparveṇa samantādardhanābhinā|
तुर्यांशमेखलेनापि पर्वौष्ठेन सुशोभिना॥३॥
Turyāṁśamekhalenāpi parvauṣṭhena suśobhinā||3||
В двадцать пять суставов, с полупупом кругом, с поясом в четверть доли и с прекрасной губою в сустав||3||
ततः स्नात्वा जितद्वन्द्वो भावस्नानेन मन्त्रवित्।
Tataḥ snātvā jitadvandvo bhāvasnānena mantravit|
तच्च षड्विधमुद्दिष्टं भस्मस्नानाद्यनुक्रमात्॥४॥
Tacca ṣaḍvidhamuddiṣṭaṁ bhasmasnānādyanukramāt||4||
Затем знаток мантры, омывшись и одолев двойственность, (омывается) омовением бытия. И оно объявлено шестичастным, по порядку начиная с омовения пеплом||4||
भस्मस्नानं महास्त्रेण भस्म सप्ताभिमन्त्रितम्।
Bhasmasnānaṁ mahāstreṇa bhasma saptābhimantritam|
मलस्नानाय संहारक्रमेणोद्धूलयेत्तनुम्॥५॥
Malasnānāya saṁhārakrameṇoddhūlayettanum||5||
Омовение пеплом: пепел, семикратно освящённый Великим оружием; ради омовения от грязи да осыплет он тело в порядке вбирания||5||
विद्याङ्गैः पञ्चभिः पश्चाच्छिरः प्रभृति गुण्ठयेत्।
Vidyāṅgaiḥ pañcabhiḥ paścācchiraḥ prabhṛti guṇṭhayet|
अभिषेकं तु कुर्वीत मूलेनैव षडङ्गिना॥६॥
Abhiṣekaṁ tu kurvīta mūlenaiva ṣaḍaṅginā||6||
Затем пятью членами видьи да покроет он (себя), начиная с головы. А окропление да совершит он самою коренною мантрою, с её шестью членами||6||
ततोऽवासाः सुवासा वा हस्तौ पादौ च धावयेत्।
Tato'vāsāḥ suvāsā vā hastau pādau ca dhāvayet|
आचम्य मार्जनं कुर्याद्विद्यया भूरिवर्णया॥७॥
Ācamya mārjanaṁ kuryādvidyayā bhūrivarṇayā||7||
Затем, нагой или хорошо одетый, да омоет он руки и стопы. Пригубив воды, да совершит он отирание многосложною видьёй||7||
न्यासं कृत्वा तु सामान्यमघमर्षं द्वितीयया।
Nyāsaṁ kṛtvā tu sāmānyamaghamarṣaṁ dvitīyayā|
उपस्थानं च मालिन्या जपेच्चैकाक्षरां पराम्॥८॥
Upasthānaṁ ca mālinyā japeccaikākṣarāṁ parām||8||
Совершив общее размещение, (да совершит он) смывание греха второю, а предстояние — при помощи Mālinī, и да произнесёт он высшую односложную||8||
जलस्नानेऽपि चास्त्रेण मृदं सप्ताभिमन्त्रिताम्।
Jalasnāne'pi cāstreṇa mṛdaṁ saptābhimantritām|
पूर्ववत्तनुमालभ्य मलस्नानं समाचरेत्॥९॥
Pūrvavattanumālabhya malasnānaṁ samācaret||9||
И при омовении водою да возьмёт он землю, семикратно освящённую оружием, и, умастив тело как и прежде, да совершит омовение от грязи||9||
विधिस्नानादिकं चात्र पूर्ववत् किन्तु वारिणा।
Vidhisnānādikaṁ cātra pūrvavat kintu vāriṇā|
साधारणविधिस्नातो विद्यात्रितयमन्त्रितम्॥१०॥
Sādhāraṇavidhisnāto vidyātritayamantritam||10||
И уставное омовение и прочее здесь — как и прежде, но водою. Омывшийся по общему уставу (берёт) воду, освящённую троицею видий||10||
तोयं विनिक्षिपेन्मूर्ध्नि मन्त्रस्नानाय मन्त्रवित्।
Toyaṁ vinikṣipenmūrdhni mantrasnānāya mantravit|
रजसा गोधुतेनैव वायव्यं स्नानमाचरेत्॥११॥
Rajasā godhutenaiva vāyavyaṁ snānamācaret||11||
Знаток мантры да возольёт эту воду себе на темя ради омовения мантрой. А омовение ветром да совершит он пылью, поднятой коровами||11||
महास्त्रमुच्चरन् गच्छेद्ध्यानयुक् पदसप्तकम्।
Mahāstramuccaran gaccheddhyānayuk padasaptakam|
तदेव पुनरागच्छेदनुस्मृत्य परापराम्॥१२॥
Tadeva punarāgacchedanusmṛtya parāparām||12||
Произнося Великое оружие и пребывая в созерцании, да пройдёт он семь шагов; и (tad eva) да воротится он, помянув Parāparā||12||
वर्षातपसमायोगाद्दिव्योऽप्येवंविधो मतः।
Varṣātapasamāyogāddivyo'pyevaṁvidho mataḥ|
किन्तु तत्र परां मन्त्री स्रवन्तीममृतं स्मरेत्॥१३॥
Kintu tatra parāṁ mantrī sravantīmamṛtaṁ smaret||13||
Таким же почитается и божественное (омовение) (divyaḥ) — от совпадения дождя с солнцем. Но там знаток мантры да помянет Parā, струящую бессмертие||13||
अस्त्रेणाङ्गुष्ठमूलात्तु वह्निमुत्थाप्य निर्दहेत्।
Astreṇāṅguṣṭhamūlāttu vahnimutthāpya nirdahet|
स्वतनुं प्लावयेत्पश्चात्परयैवामृतेन तु॥१४॥
Svatanuṁ plāvayetpaścātparayaivāmṛtena tu||14||
А оружием да поднимет он огонь от корня большого пальца и да сожжёт собственное тело; после же да омоет его бессмертием самой Parā||14||
सूर्यादौ मन्त्रमादाय गच्छेदस्त्रमनुस्मरन्।
Sūryādau mantramādāya gacchedastramanusmaran|
यागवेश्मास्त्रसंशुद्धं विशेच्छुचिरनाकुलः॥१५॥
Yāgaveśmāstrasaṁśuddhaṁ viśecchuciranākulaḥ||15||
На восходе солнца и в прочие часы да возьмёт он мантру и да идёт, поминая оружие. Чистый и невозмутимый, да войдёт он в дом обряда, очищенный оружием||15||
तत्र द्वारपतीन् पूज्य महास्त्रेणाभिमन्त्रितम्।
Tatra dvārapatīn pūjya mahāstreṇābhimantritam|
पुष्पं विनिक्षिपेद्ध्यात्वा ज्वलद्विघ्नप्रशान्तये॥१६॥
Puṣpaṁ vinikṣipeddhyātvā jvaladvighnapraśāntaye||16||
Там, почтив владык дверей, да бросит он цветок, освящённый Великим оружием, помыслив его пылающим — ради утоления помех||16||
दशस्वपि ततोऽस्त्रेण दिक्षु सङ्कल्प्य रक्षणम्।
Daśasvapi tato'streṇa dikṣu saṅkalpya rakṣaṇam|
प्रविशेद्यागसदनं वह्निवद्वह्निसंयुतम्॥१७॥
Praviśedyāgasadanaṁ vahnivadvahnisaṁyutam||17||
Затем, утвердив оружием охрану во всех десяти сторонах, да войдёт он в дом обряда, подобный огню и с огнём соединённый||17||
पूर्वास्यः सौम्यवक्त्रो वा विशेषन्यासमारभेत्।
Pūrvāsyaḥ saumyavaktro vā viśeṣanyāsamārabhet|
तत्रादावस्त्रमन्त्रेण कालानलसमत्विषा॥१८॥
Tatrādāvastramantreṇa kālānalasamatviṣā||18||
Обратившись лицом к востоку или к северу, да начнёт он особое размещение. Сперва — мантрою оружия, сияющей, как огонь времени||18||
अङ्गुष्ठाग्रात्तनुं दग्धां सबाह्याभ्यन्तरां स्मरेत्।
Aṅguṣṭhāgrāttanuṁ dagdhāṁ sabāhyābhyantarāṁ smaret|
विकीर्यमाणं तद्भस्म ध्यात्वा कवचवायुना॥१९॥
Vikīryamāṇaṁ tadbhasma dhyātvā kavacavāyunā||19||
да помянет он тело сожжённым от кончика большого пальца, и снаружи, и внутри. Помыслив тот пепел развеваемым ветром брони||19||
शिवबिन्दुसमाकारमात्मानमनुचिन्तयेत्।
Śivabindusamākāramātmānamanucintayet|
ततोऽस्य योजयेच्छक्तिं सोऽहमित्यपराजितः॥२०॥
Tato'sya yojayecchaktiṁ so'hamityaparājitaḥ||20||
да помыслит он себя видом подобным точке Śiva. Затем да соединит он с нею Силу (со словами): «Он есмь я» — непобедимый||20||
विद्यामूर्तिं ततो दध्यान्मन्त्रेणानेन शाङ्करि।
Vidyāmūrtiṁ tato dadhyānmantreṇānena śāṅkari|
दण्डाक्रान्तं महाप्राणं दण्डारूढं सनाभिकम्॥२१॥
Daṇḍākrāntaṁ mahāprāṇaṁ daṇḍārūḍhaṁ sanābhikam||21||
Затем да помыслит он облик видьи вот этою мантрой, о Śāṅkarī: великое дыхание, одержимое жезлом, на жезл взошедшее, с пупом||21||
नितम्बं तदधस्ताच्च वामस्तनमधः पुनः।
Nitambaṁ tadadhastācca vāmastanamadhaḥ punaḥ|
कण्ठं च वामशिखरं वाममुद्राविभूषितम्॥२२॥
Kaṇṭhaṁ ca vāmaśikharaṁ vāmamudrāvibhūṣitam||22||
бедро и то, что под ним, и снова то, что ниже левой груди, и горло, и левую вершину, украшенную левою печатью||22||
बिन्द्वर्धचन्द्रखं नादशक्तिबिन्दुविभूषितम्।
Bindvardhacandrakhaṁ nādaśaktibinduvibhūṣitam|
एष पिण्डवरो देवि नवात्मक इति श्रुतः॥२३॥
Eṣa piṇḍavaro devi navātmaka iti śrutaḥ||23||
с точкою, полумесяцем и пустотою, украшенное звучанием, силою и точкою. Вот лучший ком слогов, о Богиня, слывущий Девятичастным||23||
सर्वसिद्धिकरश्चायं सरहस्यमुदाहृतः।
Sarvasiddhikaraścāyaṁ sarahasyamudāhṛtaḥ|
एष त्र्यर्णोज्झितोऽधस्ताद्दीर्घैः षड्भिः स्वरैर्युतः॥२४॥
Eṣa tryarṇojjhito'dhastāddīrghaiḥ ṣaḍbhiḥ svarairyutaḥ||24||
И он, изложенный вместе с тайною, творит всякое совершенство. Он же, лишённый трёх звуков, внизу соединён с шестью долгими гласными||24||
षडङ्गानि हृदादीनि जातिभेदेन कल्पयेत्।
Ṣaḍaṅgāni hṛdādīni jātibhedena kalpayet|
क्षयरवलबीजैश्च दीप्तैर्बिन्दुविभूषितैः॥२५॥
Kṣayaravalabījaiśca dīptairbinduvibhūṣitaiḥ||25||
Шесть членов, начиная с сердца, да образует он различием окончаний. И семенами «kṣa, ra, va, la», пылающими и украшенными точкою||25||
वक्त्राणि कल्पयेत्पूर्वमूर्ध्ववक्त्रादितः क्रमात्।
Vaktrāṇi kalpayetpūrvamūrdhvavaktrāditaḥ kramāt|
प्रत्यङ्गविधिसिद्ध्यर्थं ललाटादिष्वथो न्यसेत्॥२६॥
Pratyaṅgavidhisiddhyarthaṁ lalāṭādiṣvatho nyaset||26||
да образует он сперва лики, по порядку начиная с верхнего лика. А затем (atha u) да разместит он их на лбу и далее — ради успеха в чине приделов||26||
अ ललाटे द्वितीयं च वक्त्रे सम्परिकल्पयेत्।
A lalāṭe dvitīyaṁ ca vaktre samparikalpayet|
इ ई नेत्रद्वये दत्त्वा उ ऊ कर्णद्वये न्यसेत्॥२७॥
I ī netradvaye dattvā u ū karṇadvaye nyaset||27||
«A» — на лбу, и второй да образует он на лице. Поставив «i, ī» на оба глаза, да разместит он «u, ū» на оба уха||27||
ऋ ॠ नासापुटे तद्वन्त् ऌ ॡ गण्डद्वये तथा।
Ṛ ṝ nāsāpuṭe tadvant ḷ ḹ gaṇḍadvaye tathā|
ए ऐ अधोर्ध्वदन्तेषु ओऔकारौ तथोऽष्ठयोः॥२८॥
E ai adhordhvadanteṣu oaukārau tatho'ṣṭhayoḥ||28||
«ṛ, ṝ» — на крылья носа так же, «ḷ, ḹ» — так же на обе щеки. «e, ai» — на нижние и верхние зубы, «o, au» — так же на губы||28||
अं शिखायां विसर्गेण जिह्वां सम्परिकल्पयेत्।
Aṁ śikhāyāṁ visargeṇa jihvāṁ samparikalpayet|
दक्षिणस्कन्धदोर्दण्डकराङ्गुलिनखेषु च॥२९॥
Dakṣiṇaskandhadordaṇḍakarāṅgulinakheṣu ca||29||
«aṁ» — на темянную прядь, а висаргой да образует он язык. И на правое плечо, руку, кисть, пальцы и ногти||29||
कवर्गं विन्यसेद्वामे तद्वच्चाद्यमनुक्रमात्।
Kavargaṁ vinyasedvāme tadvaccādyamanukramāt|
टताद्यौ पूर्ववद्वर्गौ नितम्बोर्वादिषु न्यसेत्॥३०॥
Ṭatādyau pūrvavadvargau nitamborvādiṣu nyaset||30||
да разместит он разряд «ka», а на левой стороне так же — первый, по порядку. Разряды «ṭa» и «ta», как и прежде, да разместит он на бёдрах, ляжках и прочем||30||
पाद्यं पार्श्वद्वये पृष्ठे जठरे हृद्यनुक्रमात्।
Pādyaṁ pārśvadvaye pṛṣṭhe jaṭhare hṛdyanukramāt|
त्वग्रक्तमांसमूत्रेषु यवर्गं परिकल्पयेत्॥३१॥
Tvagraktamāṁsamūtreṣu yavargaṁ parikalpayet||31||
Разряд «pa» — по порядку на оба бока, спину, чрево и сердце. На коже, крови, плоти и моче да образует он разряд «ya»||31||
शाद्यमस्थिवसाशुक्रप्राणकूपेषु पञ्चकम्।
Śādyamasthivasāśukraprāṇakūpeṣu pañcakam|
मूर्त्यङ्गानि ततो दत्त्वा शिवमावाहयेद्बुधः॥३२॥
Mūrtyaṅgāni tato dattvā śivamāvāhayedbudhaḥ||32||
Пятерицу, начинающуюся с «śa», — на кости, жире, семени, дыхании и порах. Затем, дав члены облика, мудрый да призовёт Śiva||32||
प्राणोपरि न्यसेन्नाभिं तदूर्ध्वे दक्षिणाङ्गुलिम्।
Prāṇopari nyasennābhiṁ tadūrdhve dakṣiṇāṅgulim|
वामकर्णप्रमेयोतः सर्वसिद्धिप्रदः शिवः॥३३॥
Vāmakarṇaprameyotaḥ sarvasiddhipradaḥ śivaḥ||33||
Да разместит он пуп над дыханием, а выше того — правый палец; левое ухо… — строфа записана скрытыми именами букв; чтение неверно — — Śiva, дарующий всякое совершенство||33||
सद्भावः परमो ह्येष भैरवस्य महात्मनः।
Sadbhāvaḥ paramo hyeṣa bhairavasya mahātmanaḥ|
अङ्गान्यनेन कार्याणि पूर्ववत्स्वरभेदतः॥३४॥
Aṅgānyanena kāryāṇi pūrvavatsvarabhedataḥ||34||
Ибо вот высшее истинное бытие великого духом Bhairava. Члены им должно творить как и прежде, различием гласных||34||
मूर्तिः सृष्टिस्त्रितत्त्वं च अष्टौ मूर्त्यङ्गसंयुताः।
Mūrtiḥ sṛṣṭistritattvaṁ ca aṣṭau mūrtyaṅgasaṁyutāḥ|
शिवः साङ्गश्च षोढैव न्यासः सम्परिकीर्तितः॥३५॥
Śivaḥ sāṅgaśca ṣoḍhaiva nyāsaḥ samparikīrtitaḥ||35||
Облик, излияние и троица таттв, восьмерица, соединённая с членами облика, и Śiva с членами — так размещение объявлено шестичастным||35||
अस्योपरि ततः शाक्तं कुर्यान्न्यासं यथा शृणु।
Asyopari tataḥ śāktaṁ kuryānnyāsaṁ yathā śṛṇu|
मूर्तौ परापरां न्यस्य तद्वक्त्राणि च मालिनीम्॥३६॥
Mūrtau parāparāṁ nyasya tadvaktrāṇi ca mālinīm||36||
Поверх него (asya upari) да совершит он затем шактическое размещение — слушай как. Разместив Parāparā в облике, а Mālinī — в его ликах||36||
परादित्रितयं पश्चाच्छिखाहृत्पादगं न्यसेत्।
Parāditritayaṁ paścācchikhāhṛtpādagaṁ nyaset|
कवक्त्रकण्ठहृन्नाभिगुह्योरूपादगं क्रमात्॥३७॥
Kavaktrakaṇṭhahṛnnābhiguhyorūpādagaṁ kramāt||37||
затем да разместит он троицу, начинающуюся с Parā, на пряди, сердце и стопах; на лике «ka», горле, сердце, пупе, тайном месте, бёдрах и стопах по порядку||37||
अघोर्याद्यष्टकं न्यस्य विद्याङ्गानि तु पूर्ववत्।
Aghoryādyaṣṭakaṁ nyasya vidyāṅgāni tu pūrvavat|
ततस्त्वावाहयेच्छक्तिं सर्वयोगिनमस्कृताम्॥३८॥
Tatastvāvāhayecchaktiṁ sarvayoginamaskṛtām||38||
разместив восьмерицу, начинающуюся с Aghorī, а члены видьи — как и прежде, да призовёт он затем Силу, чтимую всеми йогинями||38||
जीवः प्राणपुटान्तस्थः कालानलसमद्युतिः।
Jīvaḥ prāṇapuṭāntasthaḥ kālānalasamadyutiḥ|
अतिदीप्तस्तु वामाङ्घ्रिभूषितो मूर्ध्नि बिन्दुना॥३९॥
Atidīptastu vāmāṅghribhūṣito mūrdhni bindunā||39||
Жизнь, стоящая в конце полости дыхания, сияющая, как огонь времени, сверх меры пылающая, украшенная левою стопою, с точкою на темени||39||
दक्षजानुयुतश्चायं सर्वमातृगणान्वितः।
Dakṣajānuyutaścāyaṁ sarvamātṛgaṇānvitaḥ|
अनेन प्रीणिताः सर्वा ददते वाञ्छितं फलम्॥४०॥
Anena prīṇitāḥ sarvā dadate vāñchitaṁ phalam||40||
и она же, соединённая с правым коленом и сопровождаемая всем сонмом Матерей. Ублажённые ею, все они дают желанный плод||40||
सद्भावः परमो ह्येष मातॄणां परिपठ्यते।
Sadbhāvaḥ paramo hyeṣa mātṝṇāṁ paripaṭhyate|
तस्मादेनां जपेन्मन्त्री य इच्छेत्सिद्धिमुत्तमाम्॥४१॥
Tasmādenāṁ japenmantrī ya icchetsiddhimuttamām||41||
Ибо вот что провозглашается высшим истинным бытием Матерей. А потому да произносит её тот знаток мантры, кто желает высшего совершенства||41||
रुद्रशक्तिसमावेशो नित्यमत्र प्रतिष्ठितः।
Rudraśaktisamāveśo nityamatra pratiṣṭhitaḥ|
यस्मादेषा पराशक्तिर्भेदेनानेन कीर्तिता॥४२॥
Yasmādeṣā parāśaktirbhedenānena kīrtitā||42||
Вхождение в Силу Rudra всегда утверждено здесь, ибо она — Высшая Сила, возвещённая этим самым различием (anena bhedena)||42||
यावत्यः सिद्धयस्तन्त्रे सर्वाः स्युरनया कृताः।
Yāvatyaḥ siddhayastantre sarvāḥ syuranayā kṛtāḥ|
अङ्गानि कल्पयेदस्याः पूर्ववत्स्वरभेदतः॥४३॥
Aṅgāni kalpayedasyāḥ pūrvavatsvarabhedataḥ||43||
Сколько ни есть совершенств в тантре, все они сотворяются ею. Члены её да образует он как и прежде, различием гласных||43||
मूर्तिः सवक्त्रा शक्तिश्च विद्यात्रितय एव च।
Mūrtiḥ savaktrā śaktiśca vidyātritaya eva ca|
अघोर्याद्यष्टकं चेति तथा विद्याङ्गपञ्चकम्॥४४॥
Aghoryādyaṣṭakaṁ ceti tathā vidyāṅgapañcakam||44||
Облик с ликами, и Сила, и (eva ca) троица видий, и восьмерица, начинающаяся с Aghorī, и так же пятерица членов видьи||44||
साङ्गा चैव परा शक्तिर्न्यासः प्रोक्तोऽथ षड्विधः।
Sāṅgā caiva parā śaktirnyāsaḥ prokto'tha ṣaḍvidhaḥ|
यामलोऽयमतो न्यासः सर्वसिद्धिप्रसिद्धये॥४५॥
Yāmalo'yamato nyāsaḥ sarvasiddhiprasiddhaye||45||
и (eva ca) Высшая Сила с членами — так размещение изложено шестичастным. Оттого это размещение — парное, ради достижения всякого совершенства||45||
वामो वायं विधिः कार्यो मुक्तिमार्गावलम्बिभिः।
Vāmo vāyaṁ vidhiḥ kāryo muktimārgāvalambibhiḥ|
वर्णमन्त्रविभेदेन पृथग्वा तत्फलार्थिभिः॥४६॥
Varṇamantravibhedena pṛthagvā tatphalārthibhiḥ||46||
Или этот левый чин должен быть совершаем держащимися пути Освобождения; или порознь, различением звуков и мантр, — теми, кто ищет его плода||46||
यावन्तः कीर्तिता भेदैः शम्भुशक्त्यणुवाचकाः।
Yāvantaḥ kīrtitā bhedaiḥ śambhuśaktyaṇuvācakāḥ|
तावत्स्वप्येवमेवायं न्यासः पञ्चविधो मतः॥४७॥
Tāvatsvapyevamevāyaṁ nyāsaḥ pañcavidho mataḥ||47||
Сколько ни возвещено по разделениям выговаривающих Śambhu, Силу и малую душу, во всех них это размещение точно так же (evam eva) почитается пятичастным||47||
किन्तु बाह्यस्तु यो यत्र स तत्राङ्गसमन्वितः।
Kintu bāhyastu yo yatra sa tatrāṅgasamanvitaḥ|
षष्ठः स्यादिति सर्वत्र षोढैवायमुदाहृतः॥४८॥
Ṣaṣṭhaḥ syāditi sarvatra ṣoḍhaivāyamudāhṛtaḥ||48||
Но внешнее, какое где, там соединённое с членами будет шестым — так везде оно объявлено шестичастным||48||
स्वानुष्ठानाविरोधेन भावाभावविकल्पनैः।
Svānuṣṭhānāvirodhena bhāvābhāvavikalpanaiḥ|
यागद्रव्याणि सर्वाणि कार्याणि विधिवद्बुधैः॥४९॥
Yāgadravyāṇi sarvāṇi kāryāṇi vidhivadbudhaiḥ||49||
Не вступая в спор с собственным уставом, мысленным различением бытия и небытия, мудрым должно по чину изготовить все вещества обряда||49||
ततोऽर्घपात्रमादाय भावाभावाविकल्पितम्।
Tato'rghapātramādāya bhāvābhāvāvikalpitam|
ततश्चास्त्राग्निसन्दग्धं शक्त्यम्बुप्लावितं शुवि॥५०॥
Tataścāstrāgnisandagdhaṁ śaktyambuplāvitaṁ śuvi||50||
Затем, взяв сосуд для подношения, помысленный бытием и небытием, затем сожжённый огнём оружия и омытый водою Силы, чистый||50||
कर्तव्या यस्य संशुद्धिरन्यस्याप्यत्र वस्तुनः।
Kartavyā yasya saṁśuddhiranyasyāpyatra vastunaḥ|
तस्यानेनैव मार्गेण प्रकर्तव्या विजानता॥५१॥
Tasyānenaiva mārgeṇa prakartavyā vijānatā||51||
А какая иная вещь здесь требует очищения, ту знающий должен очистить этим же самым путём||51||
ना चासंशोधितं वस्तु किञ्चिदप्यत्र कल्पयेत्।
Nā cāsaṁśodhitaṁ vastu kiñcidapyatra kalpayet|
तेन शुद्धं तु सर्वं यदशुद्धमपि तच्छुचि॥५२॥
Tena śuddhaṁ tu sarvaṁ yadaśuddhamapi tacchuci||52||
И да не употребит он (na kalpayet) здесь ни единой неочищенной вещи. Им же очищено всё, и что нечисто, то становится чистым||52||
तदम्बुना समापूर्य षड्भिरङ्गैः समर्प्य च।
Tadambunā samāpūrya ṣaḍbhiraṅgaiḥ samarpya ca|
अमृतीकृत्य सर्वाणि तेन द्रव्याणि शोधयेत्॥५३॥
Amṛtīkṛtya sarvāṇi tena dravyāṇi śodhayet||53||
Наполнив его водою и поднеся (samarpya ca) шестью членами, обратив всё в бессмертие, да очистит он им вещества||53||
आत्मानं पूजयित्वा तु कुर्यादन्तः कृतिं यथा।
Ātmānaṁ pūjayitvā tu kuryādantaḥ kṛtiṁ yathā|
तथा ते कथयिष्यामि सर्वयोगिगणार्चिते॥५४॥
Tathā te kathayiṣyāmi sarvayogigaṇārcite||54||
А почтив Самость, да совершит он внутреннее делание. Как — то я поведаю тебе, о чтимая всем сонмом йогинов||54||
आदावाधारशक्तिं तु नाभ्यधश्चतुरङ्गुलाम्।
Ādāvādhāraśaktiṁ tu nābhyadhaścaturaṅgulām|
धरां सुरोदं पोतं च कन्दश्चेति चतुष्टयम्॥५५॥
Dharāṁ surodaṁ potaṁ ca kandaśceti catuṣṭayam||55||
Сперва — держащая Сила, в четырёх пальцах ниже пупа; земля, море хмельного, ладья и луковица — вот четверица||55||
एकैकाङ्गुलमेतत्स्याच्छूलस्यामलसारकम्।
Ekaikāṅgulametatsyācchūlasyāmalasārakam|
ततो नालमनन्ताख्यं दण्डमस्य प्रकल्पयेत्॥५६॥
Tato nālamanantākhyaṁ daṇḍamasya prakalpayet||56||
Каждое да будет в один палец — это чистая сердцевина трезубца. Затем да образует он его стебель — жезл, зовущийся Ananta||56||
लम्बिकावधितश्चात्र शूलोर्ध्वं ग्रन्थिरिष्यते।
Lambikāvadhitaścātra śūlordhvaṁ granthiriṣyate|
अभित्त्वैनं महादेवि पाशजालमहार्णवम्॥५७॥
Abhittvainaṁ mahādevi pāśajālamahārṇavam||57||
И здесь, вплоть до нёбного язычка, выше трезубца, полагается узел. Не пронзив его, о великая Богиня, — великое море сетей и пут||57||
न स योगमवाप्नोति शिवेन सह मानवः।
Na sa yogamavāpnoti śivena saha mānavaḥ|
धर्मं ज्ञानं च वैराग्यमैश्वर्यं च चतुष्टयम्॥५८॥
Dharmaṁ jñānaṁ ca vairāgyamaiśvaryaṁ ca catuṣṭayam||58||
не обретает человек единения с Śiva. Праведность, знание и бесстрастие, и владычество — четверицу||58||
कोणेषु चिन्तयेन्मन्त्री आग्नेयादिष्वनुक्रमात्।
Koṇeṣu cintayenmantrī āgneyādiṣvanukramāt|
गात्रकाणां चतुष्कं च दिक्षु पूर्वादिषु स्मरेत्॥५९॥
Gātrakāṇāṁ catuṣkaṁ ca dikṣu pūrvādiṣu smaret||59||
да помыслит знаток мантры в углах, по порядку начиная с юго-восточного. И четверицу их противностей да помянет он в сторонах, начиная с восточной||59||
ग्रन्थेरूर्ध्वं त्रीशूलाधो भवितव्या चतुष्किका।
Grantherūrdhvaṁ trīśūlādho bhavitavyā catuṣkikā|
विद्यातत्त्वं तदेवाहुश्छन्दनत्रयसंयुतम्॥६०॥
Vidyātattvaṁ tadevāhuśchandanatrayasaṁyutam||60||
Выше узла и ниже трезубца должно быть четырёхугольное (седалище) (catuṣkikā). Его же (tat eva) называют таттвою видьи, соединённою с тремя покровами||60||
कखलम्बिकयोर्मध्ये तत्तत्त्वमनुचिन्तयेत्।
Kakhalambikayormadhye tattattvamanucintayet|
पद्माकृति कखतत्त्वमैश्वरं चिन्तयेद्बुधः॥६१॥
Padmākṛti kakhatattvamaiśvaraṁ cintayedbudhaḥ||61||
Меж пустотою и нёбным язычком да помыслит он ту таттву. Мудрый да помыслит таттву пустоты, таттву Īśvara, лотосовидною||61||
कर्णिकाकेसरोपेतं सबीजं विकसत्सितम्।
Karṇikākesaropetaṁ sabījaṁ vikasatsitam|
पूर्वपत्रादितः पश्चाद्वामादिनवकं न्यसेत्॥६२॥
Pūrvapatrāditaḥ paścādvāmādinavakaṁ nyaset||62||
с завязью и тычинками, с семенем, белую и распустившуюся. Затем, начиная с восточного лепестка, да разместит он девятерицу, начинающуюся с Vāmā||62||
वामा ज्येष्ठा च रौद्री च काली चेति तथा परा।
Vāmā jyeṣṭhā ca raudrī ca kālī ceti tathā parā|
कलविकरणी चैव बलविकरणी तथा॥६३॥
Kalavikaraṇī caiva balavikaraṇī tathā||63||
Vāmā, Jyeṣṭhā и Raudrī, и Kālī, и так же иная — Kalavikaraṇī, и так же Balavikaraṇī||63||
बलप्रमथनी चान्या सर्वभूतदमन्यपि।
Balapramathanī cānyā sarvabhūtadamanyapi|
मनोन्मनी च मध्येऽपि भानुमार्गेण विन्यसेत्॥६४॥
Manonmanī ca madhye'pi bhānumārgeṇa vinyaset||64||
и иная — Balapramathanī, а также Sarvabhūtadamanī, и Manonmanī — посредине; да разместит он их путём солнца||64||
विभ्वादिनवकं चान्यद्विलोमात्परिकल्पयेत्।
Vibhvādinavakaṁ cānyadvilomātparikalpayet|
विभुर्ज्ञानी क्रिया चेच्छ्वा वागीशी ज्वालिनी तथा॥६५॥
Vibhurjñānī kriyā cecchvā vāgīśī jvālinī tathā||65||
И иную девятерицу, начинающуюся с Vibhu, да образует он в обратном порядке: Vibhu, Jñānī, Kriyā, Icchā, Vāgīśī, и так же Jvālinī||65||
वामा ज्येष्ठा च रौद्री च सर्वाः कालानलप्रभाः।
Vāmā jyeṣṭhā ca raudrī ca sarvāḥ kālānalaprabhāḥ|
ब्रह्मविष्णुहराः पूर्वं ये शाक्ताः प्रतिपादिताः॥६६॥
Brahmaviṣṇuharāḥ pūrvaṁ ye śāktāḥ pratipāditāḥ||66||
Vāmā, Jyeṣṭhā и Raudrī — все с сиянием огня времени. Brahmā, Viṣṇu и Hara, что прежде изложены как принадлежащие Силе||66||
दलकेसरमध्यस्था मण्डलानां त ईश्वराः।
Dalakesaramadhyasthā maṇḍalānāṁ ta īśvarāḥ|
ध्वनि? चार्केन्दुवह्नीनां सञ्ज्ञया परिभावयेत्॥६७॥
Dhvani? cārkenduvahnīnāṁ sañjñayā paribhāvayet||67||
стоят посреди лепестков и тычинок и суть владыки кругов. Да помыслит он их под именем звучания, солнца, луны и огня||67||
ईश्वरं च महाप्रेतं प्रहसन्तं सचेतनम्।
Īśvaraṁ ca mahāpretaṁ prahasantaṁ sacetanam|
कालाग्निकोटिवपुषमित्येवं सर्वमासनम्॥६८॥
Kālāgnikoṭivapuṣamityevaṁ sarvamāsanam||68||
и Īśvara — как Великого мертвеца, смеющегося, сознающего, телом подобного мириаду огней времени. Таково (iti evam) всё седалище||68||
तस्य नाभ्युत्थितं शक्तिशूलशृङ्गत्रयं स्मरेत्।
Tasya nābhyutthitaṁ śaktiśūlaśṛṅgatrayaṁ smaret|
कखत्रयेण निर्यातं द्वादशान्तावसानकम्॥६९॥
Kakhatrayeṇa niryātaṁ dvādaśāntāvasānakam||69||
Да помянет он три рога трезубца Силы, поднявшиеся из его пупа, вышедшие сквозь три пустоты и кончающиеся на двенадцатиперстии||69||
चिन्तयेत्तस्य शृङ्गेषु शाक्तं पद्मत्रयं ततः।
Cintayettasya śṛṅgeṣu śāktaṁ padmatrayaṁ tataḥ|
सर्वाधिष्ठायकं शुक्लमित्येतत्परमासनम्॥७०॥
Sarvādhiṣṭhāyakaṁ śuklamityetatparamāsanam||70||
Затем да помыслит он на его рогах шактическую троицу лотосов, над всем стоящую и белую — вот оно (iti etat), высшее седалище||70||
तत्रोपरि ततो मूर्ति विद्याख्यामनुचिन्तयेत्।
Tatropari tato mūrti vidyākhyāmanucintayet|
आत्माख्यां च ततस्तस्यां पूर्वन्यासं शिवात्मकम्॥७१॥
Ātmākhyāṁ ca tatastasyāṁ pūrvanyāsaṁ śivātmakam||71||
Затем поверх того (tatra upari) да помыслит он облик, зовущийся видьей, и зовущийся Самостью, а затем в нём — прежнее размещение, сущее Śiva||71||
ततो मध्ये परां शक्तिं दक्षिणोत्तरयोर्द्वयम्।
Tato madhye parāṁ śaktiṁ dakṣiṇottarayordvayam|
परापरां स्वरूपेण रक्तवर्णां महाबलाम्॥७२॥
Parāparāṁ svarūpeṇa raktavarṇāṁ mahābalām||72||
Затем посредине — Высшую Силу, а на юге и на севере — двоицу: Parāparā в собственном облике, красную видом, великомощную||72||
इच्छारूपधरां ध्यात्वा किञ्चिदुग्रां न भीषणाम्।
Icchārūpadharāṁ dhyātvā kiñcidugrāṁ na bhīṣaṇām|
अपरां वामशृङ्गे तु भीषणां कृष्णपिङ्गलाम्॥७३॥
Aparāṁ vāmaśṛṅge tu bhīṣaṇāṁ kṛṣṇapiṅgalām||73||
носящую образ воли, помыслив её несколько грозною, но не страшною; а Aparā — на левом роге, страшную, чёрно-рыжую||73||
इच्छारूपधरां देवीं प्रणतार्तिविनाशिनीम्।
Icchārūpadharāṁ devīṁ praṇatārtivināśinīm|
परां चाप्यायनीं देवीं चन्द्रकोट्ययुतप्रभाम्॥७४॥
Parāṁ cāpyāyanīṁ devīṁ candrakoṭyayutaprabhām||74||
богиню, носящую образ воли, уничтожающую скорбь припадающих; и (ca api) Parā — богиню питающую, сияющую, как мириады лун||74||
षड्विधेऽपि कृते शाक्ते मूर्त्यादावपि चिन्तयेत्।
Ṣaḍvidhe'pi kṛte śākte mūrtyādāvapi cintayet|
विद्याङ्गपञ्चकं पश्चादाग्नेय्यादिषु विन्यसेत्॥७५॥
Vidyāṅgapañcakaṁ paścādāgneyyādiṣu vinyaset||75||
Когда шестичастное шактическое (размещение) совершено, да помыслит он его и в облике и прочем. Затем да разместит он пятерицу членов видьи на юго-востоке и далее||75||
अग्नीशरक्षोवायूनां दक्षिणे च यथाक्रमम्।
Agnīśarakṣovāyūnāṁ dakṣiṇe ca yathākramam|
शक्त्यङ्गानि शिवाङ्गानि तथैव विधिना स्मरेत्॥७६॥
Śaktyaṅgāni śivāṅgāni tathaiva vidhinā smaret||76||
Огня, Īśa, ракшасов и ветра, и на юге, в должном порядке, — так же точно по чину да помянет он члены Силы и члены Śiva||76||
किन्तु शक्रादिदिक्ष्वस्त्रमन्त्रं मध्ये च लोचनम्।
Kintu śakrādidikṣvastramantraṁ madhye ca locanam|
अघोराद्यष्टकं ध्यायेदघोर्याद्यष्टकान्वितम्॥७७॥
Aghorādyaṣṭakaṁ dhyāyedaghoryādyaṣṭakānvitam||77||
Но в сторонах, начиная с Indra, — мантру оружия, а посредине — око. Да созерцает он восьмерицу, начинающуюся с Aghora, вместе с восьмерицею, начинающейся с Aghorī||77||
सर्वासामावृतत्वेन लोकपालांश्च बाह्यतः।
Sarvāsāmāvṛtatvena lokapālāṁśca bāhyataḥ|
सास्त्रान्स्वमन्त्रैः सञ्चिन्त्य जपं पश्चात्समारभेत्॥७८॥
Sāstrānsvamantraiḥ sañcintya japaṁ paścātsamārabhet||78||
Помыслив хранителей мира с их оружием собственными их мантрами — как объемлющих их всех снаружи, — да приступит он затем к произнесению||78||
स्वरूपे तल्लयो भूत्वा एकैकां दशधा स्मरेत्।
Svarūpe tallayo bhūtvā ekaikāṁ daśadhā smaret|
ज्वलत्पावकसङ्काशां ध्यात्वा स्वाहान्तमुच्चरेत्॥७९॥
Jvalatpāvakasaṅkāśāṁ dhyātvā svāhāntamuccaret||79||
Растворившись в них в собственном облике, да помянет он каждую десятикратно; помыслив её подобною пылающему огню, да произнесёт он её с окончанием «svāhā»||79||
सकृदेकैकशो मन्त्री होमकर्मप्रसिद्धये।
Sakṛdekaikaśo mantrī homakarmaprasiddhaye|
इत्येव मानसो यागः कथितः सामुदायिकः॥८०॥
Ityeva mānaso yāgaḥ kathitaḥ sāmudāyikaḥ||80||
по единому разу каждую, — знаток мантры, ради успеха в деле возлияния. Таково (iti evam) мысленное поклонение, изложенное в совокупности||80||
एतत्त्रिशूलमुद्दिष्टमेकदण्डं त्रिशक्तिकम्।
Etattriśūlamuddiṣṭamekadaṇḍaṁ triśaktikam|
इत्थमेतदविज्ञाय शक्तिशूलं वरानने॥८१॥
Itthametadavijñāya śaktiśūlaṁ varānane||81||
Этот трезубец объявлен как единый жезл с тремя силами. Не познав вот так этот трезубец Силы, о прекрасноликая||81||
बद्ध्वापि खेचरीं मुद्रां नोत्पतत्यवनीतलात्।
Baddhvāpi khecarīṁ mudrāṁ notpatatyavanītalāt|
इत्येतच्छाम्भवं प्रोक्तमष्टान्तं शाक्तमिष्यते॥८२॥
Ityetacchāmbhavaṁ proktamaṣṭāntaṁ śāktamiṣyate||82||
человек, даже связав печать khecarī, не взлетает (na utpatati) от поверхности земли. Так (iti etat) изложено шамбхавское; шактическое полагается кончающимся на восьмом||82||
तुर्यान्तमाणवं विद्यादिति शूलत्रयं मतम्।
Turyāntamāṇavaṁ vidyāditi śūlatrayaṁ matam|
पृथग्यागविधानेन शक्तिचक्रं विचिन्तयेत्॥८३॥
Pṛthagyāgavidhānena śakticakraṁ vicintayet||83||
а āṇava-видья — на четвёртом; так почитается троица трезубцев. Да помыслит он круг сил по отдельному чину поклонения||83||
तेनापि खेचरीं बद्ध्वा त्यजत्येवं महीतलम्।
Tenāpi khecarīṁ baddhvā tyajatyevaṁ mahītalam|
ततोऽभिमन्त्र्य धान्यानि महास्त्रेण त्रिसप्तधा॥८४॥
Tato'bhimantrya dhānyāni mahāstreṇa trisaptadhā||84||
И им связав khecarī, человек так покидает поверхность земли. Затем, освятив зёрна Великим оружием трижды по семи раз||84||
निक्षिपेद्दिक्षु सर्वासु ज्वलत्पावकवत्स्मरेत्।
Nikṣipeddikṣu sarvāsu jvalatpāvakavatsmaret|
निर्विघ्नं तद्गृहं ध्यात्वा संहृत्येशदिशं नयेत्॥८५॥
Nirvighnaṁ tadgṛhaṁ dhyātvā saṁhṛtyeśadiśaṁ nayet||85||
да разбросает он их во все стороны и да помянет их подобными пылающему огню. Помыслив тот дом свободным от помех, да сведёт он их воедино и да направит в сторону Īśa||85||
पञ्चगव्यं ततः कुर्याद्वदनैः पञ्चभिर्बुधः।
Pañcagavyaṁ tataḥ kuryādvadanaiḥ pañcabhirbudhaḥ|
गोमूत्रं गोमयं चैव क्षीरं दधि घृतं तथा॥८६॥
Gomūtraṁ gomayaṁ caiva kṣīraṁ dadhi ghṛtaṁ tathā||86||
Затем мудрый да сотворит пятерицу коровьего пятью ликами: коровью мочу, коровий помёт, и (eva ca) молоко, простоквашу и так же топлёное масло||86||
मन्त्रयेदूर्ध्वपर्यन्तैः षडङ्गेन कुशोदकम्।
Mantrayedūrdhvaparyantaiḥ ṣaḍaṅgena kuśodakam|
मुद्रे द्रव्यामृते बद्ध्वा तत्त्वं तस्य विचिन्तयेत्॥८७॥
Mudre dravyāmṛte baddhvā tattvaṁ tasya vicintayet||87||
Да освятит он воду с травою kuśa шестью членами, кончая верхним. Связав две печати — вещества и бессмертия, — да помыслит он его таттву (tasya tattvam)||87||
तेन सम्प्रोक्षयेद्भूमिं स्वल्पेनान्यन्निधापयेत्।
Tena samprokṣayedbhūmiṁ svalpenānyannidhāpayet|
वास्तुयागं ततः कुर्यान्मालिन्युच्चारयोगतः॥८८॥
Vāstuyāgaṁ tataḥ kuryānmālinyuccārayogataḥ||88||
Ею да окропит он землю, а малым остатком да оросит прочее. Затем да совершит он поклонение месту, соединяя это с произнесением Mālinī||88||
पुष्पैरञ्जलिमापूर्य फकारादि समुच्चरन्।
Puṣpairañjalimāpūrya phakārādi samuccaran|
ध्यात्वा शक्त्यन्तमध्वानं नकारान्ते विनिक्षिपेत्॥८९॥
Dhyātvā śaktyantamadhvānaṁ nakārānte vinikṣipet||89||
Наполнив пригоршню цветами, произнося звуки, начиная с «pha», и помыслив путь вплоть до Силы, да рассыплет он их на звуке «na»||89||
गन्धधूपादिकं दत्वा गणेशानं प्रपूजयेत्।
Gandhadhūpādikaṁ datvā gaṇeśānaṁ prapūjayet|
षडुत्थमासनं न्यस्य प्रणवेन ततोपरि॥९०॥
Ṣaḍutthamāsanaṁ nyasya praṇavena tatopari||90||
Дав благовоние, курение и прочее, да почтит он Gaṇeśa. Разместив шестичастное седалище, затем поверх него мантрою «oṁ»||90||
गामित्यनेन विघ्नेशं गन्धधूपादिभिर्यजेत्।
Gāmityanena vighneśaṁ gandhadhūpādibhiryajet|
अस्याङ्गानि गकारेण षड्दीर्घस्वरयोगतः॥९१॥
Asyāṅgāni gakāreṇa ṣaḍdīrghasvarayogataḥ||91||
слогом «gaṁ» да почтит он Владыку помех благовонием, курением и прочим. Члены его — звуком «ga» в соединении с шестью долгими гласными||91||
त्रिनेत्रमुदितं ध्यात्वा गजास्यं वामनाकृतिम्।
Trinetramuditaṁ dhyātvā gajāsyaṁ vāmanākṛtim|
विसर्ज्य सिद्धिकायस्तु महास्त्रमनुपूजयेत्॥९२॥
Visarjya siddhikāyastu mahāstramanupūjayet||92||
Помыслив его трёхоким, радостным, слоновьеликим, с телом карлика, и отпустив его, да почтит он Великое оружие, сам став телом совершенства||92||
दत्त्वानन्तं तथा धर्मं ज्ञानं वैराग्यमेव च।
Dattvānantaṁ tathā dharmaṁ jñānaṁ vairāgyameva ca|
ऐश्वर्यं कर्णिकायां च षडुत्थमिदमासनम्॥९३॥
Aiśvaryaṁ karṇikāyāṁ ca ṣaḍutthamidamāsanam||93||
Дав Ananta, а также праведность, знание и (eva ca) бесстрастие, и владычество — на завязи, — вот шестичастное седалище||93||
अस्योपरि न्यसेद्ध्यात्वा खड्गखेटकधारिणम्।
Asyopari nyaseddhyātvā khaḍgakheṭakadhāriṇam|
विकरालं महादंष्ट्रं महोग्रं भ्रुकुटीमुखम्॥९४॥
Vikarālaṁ mahādaṁṣṭraṁ mahograṁ bhrukuṭīmukham||94||
Поверх него (asya upari) да разместит он, помыслив, (того), кто держит меч и щит, — ужасающего, с великими клыками, премного грозного, с нахмуренным ликом||94||
स्वाङ्गषट्कसमोपेतं दिङ्मातृपरिवारितम्।
Svāṅgaṣaṭkasamopetaṁ diṅmātṛparivāritam|
स्वार्णैरेवाङ्गषट्कं तु फट्कारपरिदीपितम्॥९५॥
Svārṇairevāṅgaṣaṭkaṁ tu phaṭkāraparidīpitam||95||
снабжённого своею шестерицею членов, окружённого Матерями сторон света; а шестерицу членов — собственными их звуками, озарённую возгласом «phaṭ»||95||
तद्रूपमेव सञ्चिन्त्य ततो मात्रष्टकं यजेत्।
Tadrūpameva sañcintya tato mātraṣṭakaṁ yajet|
इन्द्राणीं पूर्वपत्रे तु सवज्रां युगपत्स्मरेत्॥९६॥
Indrāṇīṁ pūrvapatre tu savajrāṁ yugapatsmaret||96||
Помыслив именно этот облик, да почтит он затем восьмерицу Матерей. Indrāṇī с ваджрою да помянет он на восточном лепестке — всех разом||96||
आग्नेयीं शक्तिहस्तां च याम्यां दण्डकरां ततः।
Āgneyīṁ śaktihastāṁ ca yāmyāṁ daṇḍakarāṁ tataḥ|
नैरृतीं वरुणानीं च वायवीं च विचक्षणः॥९७॥
Nairṛtīṁ varuṇānīṁ ca vāyavīṁ ca vicakṣaṇaḥ||97||
и Āgneyī с копьём в руке, затем Yāmyā с жезлом в руке, Nairṛtī, и Vāruṇī, и Vāyavī — прозорливый||97||
खड्गपाशध्वजैर्युक्तां चिन्तयेद्युगपत्प्रिये।
Khaḍgapāśadhvajairyuktāṁ cintayedyugapatpriye|
कौवेरीं मुद्गरकरामीशानीं शूलसंयुताम्॥९८॥
Kauverīṁ mudgarakarāmīśānīṁ śūlasaṁyutām||98||
да помыслит их с мечом, петлёю и стягом, всех разом, о любезная; Kauberī с молотом в руке, Īśānī с трезубцем||98||
गन्धपुष्पादिभिः पूज्य स्वतन्त्रे होममाचरेत्।
Gandhapuṣpādibhiḥ pūjya svatantre homamācaret|
आदौ च कलशं कुर्यात्सहस्राधिकमन्त्रितम्॥९९॥
Ādau ca kalaśaṁ kuryātsahasrādhikamantritam||99||
Почтив их благовонием, цветами и прочим, да совершит он возлияние по собственной тантре. И сперва да изготовит он кувшин, освящённый более чем тысячею (произнесений) (sahasra-adhika-mantritam)||99||
सहस्रं होमयेत्तत्र ततो जप्त्वा विसर्जयेत्।
Sahasraṁ homayettatra tato japtvā visarjayet|
शतमष्टोत्तरं पूर्णं पश्चाद्यजनमारभेत्॥१००॥
Śatamaṣṭottaraṁ pūrṇaṁ paścādyajanamārabhet||100||
Тысячу (возлияний) (sahasram) да возольёт он в него, затем, произнеся (мантры) (japtvā), да отпустит. Полных сто восемь — а после да начнёт он поклонение||100||
तत्रादौ कुम्भमादाय हेमादिमयमव्रणम्।
Tatrādau kumbhamādāya hemādimayamavraṇam|
सर्वमन्न्त्रौषधीगर्भं गन्धाम्बुपरिपूरितम्॥१०१॥
Sarvamanntrauṣadhīgarbhaṁ gandhāmbuparipūritam||101||
Сперва там да возьмёт он сосуд из золота или иного, без трещины, со всеми мантрами и травами внутри, наполненный благовонною водою||101||
चूतपल्लववक्त्रं च स्रक्सूत्रसितङ्कण्ठकम्।
Cūtapallavavaktraṁ ca sraksūtrasitaṅkaṇṭhakam|
रक्षोघ्रतिलकाक्रान्तं सितवस्त्रयुगावृतम्॥१०२॥
Rakṣoghratilakākrāntaṁ sitavastrayugāvṛtam||102||
и с устьем из манговых побегов, с нитью-венком и выбеленным горлом, помеченный тилаком, отгоняющим ракшасов, обёрнутый парою белых одежд||102||
शताष्टोत्तरसञ्जप्त मूलमन्त्रप्रपूजितम्।
Śatāṣṭottarasañjapta mūlamantraprapūjitam|
वार्धान्यपि तथाभूता किन्तु सस्त्रेण पूजिता॥१०३॥
Vārdhānyapi tathābhūtā kintu sastreṇa pūjitā||103||
над которым сто восемь раз произнесена (мантра) (śata-aṣṭa-uttara-sañjaptam) и который почтён коренною мантрою. И vardhanī — такая же, но почтённая оружием||103||
विकिरैरासनं दत्त्वा पूर्वोक्तं तु विचक्षणः।
Vikirairāsanaṁ dattvā pūrvoktaṁ tu vicakṣaṇaḥ|
इन्द्रादीन्पूजयेत्पश्चात्स्वदिक्षु प्रोक्तस्वस्वरैः॥१०४॥
Indrādīnpūjayetpaścātsvadikṣu proktasvasvaraiḥ||104||
Дав седалище рассыпанными зёрнами, как сказано прежде, прозорливый затем да почтит Indra и прочих в их сторонах изречёнными для каждого гласными||104||
अविच्छिन्नां ततो धारां वार्धान्या प्रतिपादयेत्।
Avicchinnāṁ tato dhārāṁ vārdhānyā pratipādayet|
भ्रामयेत्कलशं पश्चाद्ब्रूयाल्लोकेश्वरानिदम्॥१०५॥
Bhrāmayetkalaśaṁ paścādbrūyāllokeśvarānidam||105||
Затем да подаст он из vardhanī непрерывную струю. Затем да обнесёт он кувшин кругом и да скажет владыкам мира вот что||105||
भो भोः शक्र त्वया स्वस्यां दिशि विघ्नप्रशान्तये।
Bho bhoḥ śakra tvayā svasyāṁ diśi vighnapraśāntaye|
सावधानेन कर्मान्तं भवितव्यं शिवाज्ञया॥१०६॥
Sāvadhānena karmāntaṁ bhavitavyaṁ śivājñayā||106||
«Эй, эй, Śakra! Тебе в собственной твоей стороне надлежит со тщанием (блюсти) конец обряда ради утоления помех, по повелению Śiva»||106||
नीत्वा तत्रासने पूर्वं मूर्तिभूतं घटं न्यसेत्।
Nītvā tatrāsane pūrvaṁ mūrtibhūtaṁ ghaṭaṁ nyaset|
तस्य दक्षिणदिग्भागे वार्धानीं विनिवेशयेत्॥१०७॥
Tasya dakṣiṇadigbhāge vārdhānīṁ viniveśayet||107||
Принеся (его) (nītvā) туда, да поставит он на седалище сперва сосуд, ставший обликом. В южной его части да утвердит он vardhanī||107||
आत्ममूर्त्यादिपूज्यान्तं कुम्भे विन्यस्य मन्त्रवित्।
Ātmamūrtyādipūjyāntaṁ kumbhe vinyasya mantravit|
गन्धपुष्पादिभिः पूज्य वार्धान्यां पूजयेदिमम्॥१०८॥
Gandhapuṣpādibhiḥ pūjya vārdhānyāṁ pūjayedimam||108||
Разместив в сосуде всё — от Самости и облика до чтимого, — знаток мантры, почтив благовонием, цветами и прочим, да почтит это же в vardhanī||108||
गन्धैर्मण्डलकं कृत्वा ब्रह्मस्थाने विचक्षणः।
Gandhairmaṇḍalakaṁ kṛtvā brahmasthāne vicakṣaṇaḥ|
तत्र सम्पूजयेत्षट्कं त्रिकं वाप्येकमेव वा॥१०९॥
Tatra sampūjayetṣaṭkaṁ trikaṁ vāpyekameva vā||109||
Сделав благовониями малый круг на месте Brahmā, прозорливый да почтит там шестерицу, или троицу, или хотя бы одного (ekam eva)||109||
कुण्डस्योल्लेखनं लेखः कुट्टनं चोपलेपनम्।
Kuṇḍasyollekhanaṁ lekhaḥ kuṭṭanaṁ copalepanam|
चतुष्पथाक्षवाटं च वज्रसंस्थापनं तथा॥११०॥
Catuṣpathākṣavāṭaṁ ca vajrasaṁsthāpanaṁ tathā||110||
Прочерчивание очага, начертание, уплотнение и обмазывание, перекрестье и ограда, и так же установление ваджры||110||
कुशास्तरणपरिधिविष्टराणां च कल्पनम्।
Kuśāstaraṇaparidhiviṣṭarāṇāṁ ca kalpanam|
सर्वमस्त्रेण कुर्वीत विद्यार्मोहीमिति न्यसेत्॥१११॥
Sarvamastreṇa kurvīta vidyārmohīmiti nyaset||111||
и устроение настила из kuśa, ограждения и сидений — всё да совершит он оружием, и да разместит видью — строка испорчена у источника — (mohīm iti)||111||
शिवमोमिति विन्यस्य सम्पूज्य द्वितयं पुनः।
Śivamomiti vinyasya sampūjya dvitayaṁ punaḥ|
ताम्रपात्रे शरावे वा आनयेज्जातवेदसम्॥११२॥
Tāmrapātre śarāve vā ānayejjātavedasam||112||
Разместив Śiva слогом «oṁ» (om iti) и почтив двоицу снова, да внесёт он огонь в медный сосуд или в черепицу||112||
शिवशुक्रमिति ध्यात्वा विद्यायोनौ विनिक्षिपेत्।
Śivaśukramiti dhyātvā vidyāyonau vinikṣipet|
ततस्त्वाहुतयः पञ्च विद्याङ्गैरेव होमयेत्॥११३॥
Tatastvāhutayaḥ pañca vidyāṅgaireva homayet||113||
Помыслив «семя Śiva», да ввергнет он его в лоно видьи. Затем да возольёт он пять возлияний самими членами видьи||113||
जननादि ततः कर्म सर्वमेवं कृते कृतम्।
Jananādi tataḥ karma sarvamevaṁ kṛte kṛtam|
परापरामनुस्मृत्य दद्यात्पूर्णाहुतिं पुनः॥११४॥
Parāparāmanusmṛtya dadyātpūrṇāhutiṁ punaḥ||114||
Затем обряд рождения и прочее — всё исполнено, когда исполнено это. Помянув Parāparā, да подаст он снова полное возлияние||114||
सम्पूज्य मातरं वह्नेः पितरं च विसर्जयेत्।
Sampūjya mātaraṁ vahneḥ pitaraṁ ca visarjayet|
चर्वादिसाधनायाग्निं समुद्धृत्य ततः पुनः॥११५॥
Carvādisādhanāyāgniṁ samuddhṛtya tataḥ punaḥ||115||
Почтив мать и отца огня, да отпустит он их. Затем снова да извлечёт он огонь ради изготовления caru и прочего||115||
ज्वलितस्याथवा वह्नेश्चितिं वामेन वायुना।
Jvalitasyāthavā vahneścitiṁ vāmena vāyunā|
आकृष्य हृदि सङ्कुम्भ्य दक्षिणेन पुनः क्षिपेत्॥११६॥
Ākṛṣya hṛdi saṅkumbhya dakṣiṇena punaḥ kṣipet||116||
или же, притянув левым ветром пламя горящего огня, задержав его в сердце, да извергнет он его снова правым||116||
पूर्णां च पूर्ववद्दद्याच्छिवाग्नेरपरो विधिः।
Pūrṇāṁ ca pūrvavaddadyācchivāgneraparo vidhiḥ|
शिवरूपं तमालोक्य तस्यात्मान्तः कृतिः क्रमात्॥११७॥
Śivarūpaṁ tamālokya tasyātmāntaḥ kṛtiḥ kramāt||117||
И полное (возлияние) (pūrṇām) да подаст он как и прежде — таков иной чин огня Śiva. Узрев его как образ Śiva, (совершает он) по порядку внутреннее делание своей самости||117||
कुर्यादन्तः कृतिं मन्त्री ततो होमं समारभेत्।
Kuryādantaḥ kṛtiṁ mantrī tato homaṁ samārabhet|
मूलं शतेन सन्तर्प्य तदङ्गानि षडङ्गतः॥११८॥
Mūlaṁ śatena santarpya tadaṅgāni ṣaḍaṅgataḥ||118||
Да совершит знаток мантры внутреннее делание, а затем да приступит к возлиянию. Насытив коренную (мантру) (mūlam) сотнею, а её члены — по шести членам||118||
शेषाणां मन्त्रजातीनां दशांशेनैव तर्पणम्।
Śeṣāṇāṁ mantrajātīnāṁ daśāṁśenaiva tarpaṇam|
ततः प्रवेसयेच्छिष्याञ्शुचीन्स्नातानुपोषितान्॥११९॥
Tataḥ pravesayecchiṣyāñśucīnsnātānupoṣitān||119||
насыщение прочих родов мантр — десятою долей. Затем да введёт он учеников — чистых, омывшихся, постившихся||119||
प्रणम्य देवदेवेशं चतुष्टयगतं क्रमात्।
Praṇamya devadeveśaṁ catuṣṭayagataṁ kramāt|
पञ्चगव्यं चरुं दद्याद्दन्तधावनमेव च॥१२०॥
Pañcagavyaṁ caruṁ dadyāddantadhāvanameva ca||120||
Поклонившись Богу богов, пребывающему в четверице, по порядку да подаст он пятерицу коровьего, caru и (eva ca) зубочистку||120||
हृदयेन चरोः सिद्धिर्याज्ञिकैः क्षीरतण्डुलैः।
Hṛdayena caroḥ siddhiryājñikaiḥ kṣīrataṇḍulaiḥ|
सम्पातं सप्तभिर्मन्त्रैस्ततः षड्भागभाजितम्॥१२१॥
Sampātaṁ saptabhirmantraistataḥ ṣaḍbhāgabhājitam||121||
Успех caru — сердечною (мантрой) (hṛdayena), с жертвенным молоком и рисом. Соединение — семью мантрами; затем разделённое на шесть долей||121||
शिवाग्निगुरुशिष्याणां वार्धानीकुम्भयोः समम्।
Śivāgniguruśiṣyāṇāṁ vārdhānīkumbhayoḥ samam|
दन्तकाष्ठं ततो दद्यात्क्षीरवृक्षसमुद्भवम्॥१२२॥
Dantakāṣṭhaṁ tato dadyātkṣīravṛkṣasamudbhavam||122||
поровну — Śiva, огню, учителю, ученикам, vardhanī и кувшину. Затем да подаст он зубочистку, выросшую с млечного древа||122||
तस्य पातः शुभः प्राचीसौम्यैशाप्योर्ध्वदिग्गतः।
Tasya pātaḥ śubhaḥ prācīsaumyaiśāpyordhvadiggataḥ|
अशुभोऽन्यत्र तत्रापि होमोऽष्टशतिको भवेत्॥१२३॥
Aśubho'nyatra tatrāpi homo'ṣṭaśatiko bhavet||123||
Падение её благоприятно, если обращено к востоку, северу, северо-востоку или вверх; в ином месте неблагоприятно, и тогда (tatra api) да будет возлияние в сто восемь||123||
बहिःकर्म ततः कुर्याद्दिक्षु सर्वासु दैशिकः।
Bahiḥkarma tataḥ kuryāddikṣu sarvāsu daiśikaḥ|
ॐ क्षः क्षः सर्वभूतेभ्यः स्वाहेति मनुनामुना॥१२४॥
Oṁ kṣaḥ kṣaḥ sarvabhūtebhyaḥ svāheti manunāmunā||124||
Затем наставник да совершит внешнее дело во всех сторонах вот этим речением: «oṁ kṣaḥ kṣaḥ — всем существам — svāhā»||124||
समाचम्य कृतन्यासः समभ्यर्च्य च शङ्करम्।
Samācamya kṛtanyāsaḥ samabhyarcya ca śaṅkaram|
... गृहे शुचिः॥१२५॥
... gṛhe śuciḥ||125||
Пригубив воды, совершив размещение и почтив Śaṅkara… — здесь у источника пропуск — …в доме, чистый||125||
न्यासं कृत्वा तु शिष्याणामात्मनश्च विशेषतः।
Nyāsaṁ kṛtvā tu śiṣyāṇāmātmanaśca viśeṣataḥ|
प्रभाते नित्यकर्मादि कृत्वा स्वप्नं विचारयेत्॥१२६॥
Prabhāte nityakarmādi kṛtvā svapnaṁ vicārayet||126||
А совершив размещение для учеников и особо для себя, поутру, совершив ежедневный обряд и прочее, да рассудит он сон||126||
शुभं प्रकाशयेत्तेषामशुभे होममाचरेत्।
Śubhaṁ prakāśayetteṣāmaśubhe homamācaret|
ततः पुष्पफलादीनां सुवेशाभरणाः स्त्रियः॥१२७॥
Tataḥ puṣpaphalādīnāṁ suveśābharaṇāḥ striyaḥ||127||
Благой (сон) (śubham) да откроет он им, а при неблагом да совершит возлияние. Затем (сны) о цветах, плодах и прочем, о женщинах в добрых уборах и украшениях||127||
आपदुत्तरणं चैव शुभदेशावरोहणम्।
Āpaduttaraṇaṁ caiva śubhadeśāvarohaṇam|
मद्यपानं शिरश्छेदमाममांसस्य भक्षणम्॥१२८॥
Madyapānaṁ śiraśchedamāmamāṁsasya bhakṣaṇam||128||
и (eva ca) о выходе из беды, о нисхождении в благое место, о питии хмельного, об отсечении головы, о вкушении сырого мяса||128||
देवतादर्शनं साक्षात्तथा विष्ठानुलेपनम्।
Devatādarśanaṁ sākṣāttathā viṣṭhānulepanam|
एवं विधं शुभं दृष्ट्वा सिद्धिं प्राप्नोत्यभीप्सिताम्॥१२९॥
Evaṁ vidhaṁ śubhaṁ dṛṣṭvā siddhiṁ prāpnotyabhīpsitām||129||
о лицезрении божества воочию и так же об умащении нечистотами: увидев благой сон такого рода, человек обретает желанное совершенство||129||
एतदेवान्यथाभूतं दुःस्वप्न इति कीर्त्यते।
Etadevānyathābhūtaṁ duḥsvapna iti kīrtyate|
पक्वमांसाशनाभ्यङ्गगर्तादिपतनादिकम्॥१३०॥
Pakvamāṁsāśanābhyaṅgagartādipatanādikam||130||
Оно же (etat eva), обернувшееся иначе, зовётся дурным сном: вкушение варёного мяса, умащение, падение в яму и прочее||130||
तन्त्रोक्तां निष्कृतिं कृत्वा द्विजत्वापादनं ततः।
Tantroktāṁ niṣkṛtiṁ kṛtvā dvijatvāpādanaṁ tataḥ|
देवाग्निगुरुदेवीनां पूजां कृत्वा सदा बुधः॥१३१॥
Devāgnigurudevīnāṁ pūjāṁ kṛtvā sadā budhaḥ||131||
Совершив искупление, указанное в тантре, а затем возведение в дваждырождённость, — мудрый, всегда совершая поклонение божеству, огню, учителю и Богине||131||
एतेषामनिवेद्यैव न किञ्चिदपि भक्षयेत्।
Eteṣāmanivedyaiva na kiñcidapi bhakṣayet|
देवद्रव्यं गुरुद्रव्यं चण्डीद्रव्यं च वर्जयेत्॥१३२॥
Devadravyaṁ gurudravyaṁ caṇḍīdravyaṁ ca varjayet||132||
да не вкусит он ничего, не поднеся сперва им. Да избегает он достояния божества, достояния учителя и достояния Caṇḍī||132||
निष्फलं नैव चेष्टेत मुहूर्तमपि मन्त्रवित्।
Niṣphalaṁ naiva ceṣṭeta muhūrtamapi mantravit|
योगाभ्यासरतो भूयान्मन्त्राभ्यासरतोऽपि वा॥१३३॥
Yogābhyāsarato bhūyānmantrābhyāsarato'pi vā||133||
Да не действует знаток мантры бесплодно даже на миг. Да будет он предан упражнению в Йоге или упражнению в мантре||133||
इत्येवमादिसमयाञ्श्रावयित्वा विसर्जयेत्।
Ityevamādisamayāñśrāvayitvā visarjayet|
देवदेवं ततः स्नानं शिष्याणामात्मनोऽपि वा॥१३४॥
Devadevaṁ tataḥ snānaṁ śiṣyāṇāmātmano'pi vā||134||
Дав им выслушать уставы, начинающиеся вот так, да отпустит он их. Затем омовение Бога богов, учеников или самого себя||134||
कारयेच्छिवकुम्भेन सर्वदुष्कृतहारिणा।
Kārayecchivakumbhena sarvaduṣkṛtahāriṇā|
इत्येतत्सामयं कर्म समासात्परिकीर्तितम्॥१३५॥
Ityetatsāmayaṁ karma samāsātparikīrtitam||135||
да велит он совершить кувшином Śiva, уносящим все злые дела. Так (iti etat) вкратце возвещено уставное дело||135||
इति श्रीमालिनीविजयोत्तरे तन्त्रे समयाधिकारोऽष्टमः॥८॥
Iti śrīmālinīvijayottare tantre samayādhikāro'ṣṭamaḥ||8||
Здесь кончается восьмая глава, толкующая об уставе, достопочтенной Mālinīvijayottaratantra||8||
← Глава 7 — Mudrādhikāraḥ · Глава 9 — Kriyādīkṣādhikāraḥ →
Санскрит (деванагари и IAST) перенесён без изменений с сайта Габриэля Pradīpaka: Глава 8 — Samayādhikāraḥ. Английского изложения для этой главы у него нет — под каждой строфой стоит пометка «Untranslated yet». Перевод сделан здесь прямо с санскрита, при поддержке Claude Code, и опоры в чужом разборе у него нет: санскритское слово стоит над русским, чтобы читатель мог проверить каждое.