КШ · Mālinīvijayottaratantra · Словарь терминов · Поиск по сайту · Эта часть у источника
← Глава 15 — Akṣadhāraṇādhikāraḥ · Глава 17 →
На этой странице
Строфы 1–10 — санскрит · перевод
Строфы 11–20 — санскрит · перевод
Строфы 21–30 — санскрит · перевод
Строфы 31–40 — санскрит · перевод
Строфы 41–50 — санскрит · перевод
Строфы 51–60 — санскрит · перевод
Строфы 61–68 — санскрит · перевод
अथ षोडशोऽधिकारः।
Atha Ṣoḍaśo'dhikāraḥ|
И вот шестнадцатая глава|
अथ गर्वमयीं दिव्यां धारणां धारणोत्तमाम्।
Atha garvamayīṁ divyāṁ dhāraṇāṁ dhāraṇottamām|
महागर्वकरीं वक्ष्ये योगिनां योगवन्दिते॥१॥
Mahāgarvakarīṁ vakṣye yogināṁ yogavandite||1||
А ныне я поведаю, о чтимая Йогою, божественную дхарану, состоящую из самости, лучшую из дхаран, творящую йогинам великое самостояние||1||
षोडशारं स्मरेच्चक्रमात्मदेहमनन्यधीः।
Ṣoḍaśāraṁ smareccakramātmadehamananyadhīḥ|
एषोऽहमिति सञ्चिन्त्य स्वकार्यपरिवारितम्॥२॥
Eṣo'hamiti sañcintya svakāryaparivāritam||2||
Да помянет он своё тело как круг о шестнадцати спицах, не отвлекаясь мыслью, помышляя: «вот это — я», — окружённый собственными делами||2||
अप्रधृष्यो भवेद्योगी वत्सरत्रितयेन तु।
Apradhṛṣyo bhavedyogī vatsaratritayena tu|
ममत्वमच्युतं तस्य भवेत्सर्वत्र कुत्रचित्॥३॥
Mamatvamacyutaṁ tasya bhavetsarvatra kutracit||3||
Йогин станет неодолим через три года. Чувство «моё» у него станет неотпадающим везде и повсюду||3||
तादृग्रूपस्य चक्रस्य नाभिं मूर्तिं स्वकां स्मरन्।
Tādṛgrūpasya cakrasya nābhiṁ mūrtiṁ svakāṁ smaran|
चिन्तयेत्सर्वमेवाहं मयि सर्वमवस्थितम्॥४॥
Cintayetsarvamevāhaṁ mayi sarvamavasthitam||4||
Поминая собственный облик как ступицу такого круга, да помыслит он: «Всё (sarvam eva) — я; во мне утверждено всё»||4||
ततोऽहङ्कारविज्ञानं प्राप्नोतीति किमद्भुतम्।
Tato'haṅkāravijñānaṁ prāpnotīti kimadbhutam|
हृच्चक्रे समनुध्यायन्मत्स्वरूपमतन्द्रितः॥५॥
Hṛccakre samanudhyāyanmatsvarūpamatandritaḥ||5||
Тогда он обретает знание самости — что тут (iti kim) удивительного? Неусыпно созерцая мой собственный облик в круге сердца||5||
अर्कलोकमवाप्नोति गर्वावरणजं फलम्।
Arkalokamavāpnoti garvāvaraṇajaṁ phalam|
बिम्बादिकं क्रमात्सर्वं चिन्तयन्नीललोहितम्॥६॥
Bimbādikaṁ kramātsarvaṁ cintayannīlalohitam||6||
он обретает мир солнца — плод, рождённый покровом самости. Помышляя по порядку всё, начиная с круга, тёмно-красным||6||
तद्भवं सर्वमाप्नोति दशावस्थाप्रचोदितम्।
Tadbhavaṁ sarvamāpnoti daśāvasthāpracoditam|
इति गर्वमयी प्रोक्ता प्रजापतिगुणप्रदा॥७॥
Iti garvamayī proktā prajāpatiguṇapradā||7||
он обретает всё, от того рождённое, движимое десятью состояниями. Такова изложенная (дхарана), состоящая из самости, дарующая свойство Prajāpati||7||
उद्यदादित्यबिम्बाभं हृदि पद्ममनुस्मरन्।
Udyadādityabimbābhaṁ hṛdi padmamanusmaran|
धर्मादिभावसंयुक्तमष्टपत्रं सकर्णिकम्॥८॥
Dharmādibhāvasaṁyuktamaṣṭapatraṁ sakarṇikam||8||
Поминая в сердце лотос, подобный кругу восходящего солнца, соединённый с состояниями, начиная с праведности, осьмилепестковый, с завязью||8||
मासेन स्थिरबुद्धिः स्यात्षड्भिः श्रुतिधरो भवेत्।
Māsena sthirabuddhiḥ syātṣaḍbhiḥ śrutidharo bhavet|
त्रिभिरब्दैः स्वयं कर्ता शास्त्राणां सम्प्रजायते॥९॥
Tribhirabdaiḥ svayaṁ kartā śāstrāṇāṁ samprajāyate||9||
через месяц он да будет твёрд разумом, через шесть становится держателем услышанного, а через три года сам становится творцом писаний||9||
स्वां तत्र चिन्तयेन्मूर्तिं बुद्धितत्त्वं प्रपश्यति।
Svāṁ tatra cintayenmūrtiṁ buddhitattvaṁ prapaśyati|
तदीशज्ञानमाप्नोति ब्रह्माणमनुचिन्तयन्॥१०॥
Tadīśajñānamāpnoti brahmāṇamanucintayan||10||
Помыслив там свой облик, он узревает таттву разума. Помышляя Brahmā, он обретает знание его Владыки||10||
वेदानुद्गिरते सप्त समाधिस्थोऽथवा मुनिः।
Vedānudgirate sapta samādhistho'thavā muniḥ|
सुस्थिरास्ते सदाभ्यासादनधीता अपि स्फुटम्॥११॥
Susthirāste sadābhyāsādanadhītā api sphuṭam||11||
Или же молчальник, стоящий в самадхи, изрыгает семь Вед; стоя твёрдо от постоянного упражнения, явственно — и не учив их||11||
बिम्बादिकं क्रमात्सर्वं पूर्वोक्तमनुचिन्तयन्।
Bimbādikaṁ kramātsarvaṁ pūrvoktamanucintayan|
प्राप्नोति ब्राह्ममैश्वर्यं बुद्ध्यावरणमाश्रितम्॥१२॥
Prāpnoti brāhmamaiśvaryaṁ buddhyāvaraṇamāśritam||12||
Помышляя по порядку всё, начиная с круга, как сказано прежде, он обретает владычество Brahmā, что держится в покрове разума||12||
हृदि बिम्बं रवेर्ध्यायंस्तदन्तः सोममण्डलम्।
Hṛdi bimbaṁ raverdhyāyaṁstadantaḥ somamaṇḍalam|
एवमभ्यसतस्तस्य षण्मासादुपजायते॥१३॥
Evamabhyasatastasya ṣaṇmāsādupajāyate||13||
Созерцая в сердце круг солнца, а внутри него — круг луны, — у того, кто так упражняется, через шесть месяцев рождается||13||
दिव्यचक्षुरजायासात्सिद्धिः स्याद्वत्सरत्रयात्।
Divyacakṣurajāyāsātsiddhiḥ syādvatsaratrayāt|
स्वदेहं चिन्तयंस्तत्र गुणज्ञानमवाप्स्यति॥१४॥
Svadehaṁ cintayaṁstatra guṇajñānamavāpsyati||14||
божественное зрение без труда; а совершенство придёт через три года. Помышляя там своё тело, он обретёт знание гун||14||
लिङ्गाकारं स्मरन्दीप्तं तदीशत्वमवाप्नुयात्।
Liṅgākāraṁ smarandīptaṁ tadīśatvamavāpnuyāt|
बिम्बादि पूर्ववद्ध्यायन्दशकं दशकात्मकम्॥१५॥
Bimbādi pūrvavaddhyāyandaśakaṁ daśakātmakam||15||
Поминая (его) пылающим, в образе liṅga, он обретёт владычество над тем. Созерцая круг и прочее как и прежде — десятерицу, состоящую из десяти||15||
फलमाप्नोत्यसन्देहाद्गुणावरणसंस्थितम्।
Phalamāpnotyasandehādguṇāvaraṇasaṁsthitam|
चतुर्विंशत्यमी प्रोक्ताः प्रत्येकं दशपञ्चधा॥१६॥
Caturviṁśatyamī proktāḥ pratyekaṁ daśapañcadhā||16||
он без сомнения обретает плод, утверждённый в покрове гун. Эти двадцать четыре изложены — каждая пятнадцатью способами||16||
धारणाः क्ष्मादितत्त्वानां समासाद्योगिनां हिताः।
Dhāraṇāḥ kṣmāditattvānāṁ samāsādyogināṁ hitāḥ|
त्रयोदशात्मके भेदे षडन्याः संस्थिता यथा॥१७॥
Trayodaśātmake bhede ṣaḍanyāḥ saṁsthitā yathā||17||
дхараны таттв, начиная с земли, вкратце, на благо йогинам. В тринадцатичастном разделении шесть иных поставлены вот как||17||
योगिनामनुवर्ण्यन्ते तथा योगप्रसिद्धये।
Yogināmanuvarṇyante tathā yogaprasiddhaye|
देहं मुक्त्वा स्वरूपेण नान्यत् किञ्चिदिति स्मरेत्॥१८॥
Dehaṁ muktvā svarūpeṇa nānyat kiñciditi smaret||18||
они описываются йогинам ради достижения Йоги. Оставив тело, да помянет он: «в собственном облике нет ничего иного»||18||
सितपद्मासनासीनं मण्डलत्रितयोपरि।
Sitapadmāsanāsīnaṁ maṇḍalatritayopari|
एवमत्र स्थिरीभूते मासमात्रेण योगवित्॥१९॥
Evamatra sthirībhūte māsamātreṇa yogavit||19||
— сидящим на белом лотосовом седалище поверх троицы кругов. Когда это здесь утвердилось, всего за месяц знаток Йоги||19||
सर्वव्याधिविनिर्मुक्तो भवतीति किमद्भुतम्।
Sarvavyādhivinirmukto bhavatīti kimadbhutam|
षण्मासादस्य विज्ञानं जायते पृथिवीतले॥२०॥
Ṣaṇmāsādasya vijñānaṁ jāyate pṛthivītale||20||
становится свободен от всех недугов — что тут (iti kim) удивительного? Через шесть месяцев рождается его знание о поверхности земли||20||
अब्दाज्जरादिनिर्मुक्तस्त्रिभिः पुंस्तत्त्वदृग्भवेत्।
Abdājjarādinirmuktastribhiḥ puṁstattvadṛgbhavet|
हृदधः पङ्कजेऽत्रैव द्वादशार्धाङ्गुलाः तनुम्॥२१॥
Hṛdadhaḥ paṅkaje'traiva dvādaśārdhāṅgulāḥ tanum||21||
Через год он свободен от старости и прочего, через три становится зрящим таттву puruṣa. Ниже сердца, в том же лотосе, — тело в шесть пальцев||21||
हृदन्ते भावयेत्स्वान्यां षण्मासान्मृत्युजिद्भवेत्।
Hṛdante bhāvayetsvānyāṁ ṣaṇmāsānmṛtyujidbhavet|
त्रिभिरब्दैः समाप्नोति पुंस्तत्त्वेश्वरतुल्यताम्॥२२॥
Tribhirabdaiḥ samāpnoti puṁstattveśvaratulyatām||22||
на исходе сердца да представит он своё собственное: через шесть месяцев он становится победителем смерти. Через три года он достигает равенства с Владыкою таттвы puruṣa||22||
बिम्बादौ पूर्ववत्सर्वं तत्र सञ्चिन्तिते सति।
Bimbādau pūrvavatsarvaṁ tatra sañcintite sati|
फलमाप्नोत्यसन्देहात्पुरुषावरणस्थितम्॥२३॥
Phalamāpnotyasandehātpuruṣāvaraṇasthitam||23||
Когда там помыслен круг и прочее как и прежде, он без сомнения обретает весь плод (sarvam phalam), стоящий в покрове puruṣa||23||
एतद्वेदान्तविज्ञानं समासादुपवर्णितम्।
Etadvedāntavijñānaṁ samāsādupavarṇitam|
कपिलस्य पुरा प्रोक्तमेतद्विस्तरशो मया॥२४॥
Kapilasya purā proktametadvistaraśo mayā||24||
Это знание Веданты описано вкратце; прежде оно было изложено мною Kapila подробно||24||
शरत्सन्ध्याभ्रसङ्घाभं स्वदेहमनुचिन्तयन्।
Śaratsandhyābhrasaṅghābhaṁ svadehamanucintayan|
वीतरागत्वमाप्नोति षड्भिर्मासैर्न संशयः॥२५॥
Vītarāgatvamāpnoti ṣaḍbhirmāsairna saṁśayaḥ||25||
Помышляя своё тело подобным гряде осенних сумеречных облаков, он обретает бесстрастие через шесть месяцев, нет сомнения||25||
जरामरणनिर्मुक्तो वर्षेणैवोपजायते।
Jarāmaraṇanirmukto varṣeṇaivopajāyate|
त्र्यब्दाज्ज्ञानमवाप्नोति रागावरणजं महत्॥२६॥
Tryabdājjñānamavāpnoti rāgāvaraṇajaṁ mahat||26||
Через год он становится свободен от старости и смерти. Через три года он обретает великое знание, рождённое покровом влечения||26||
रक्तं सञ्चिन्तयेद्देहं सम्पूर्णाभ्रोपरिस्थितम्।
Raktaṁ sañcintayeddehaṁ sampūrṇābhroparisthitam|
मासषट्कमनुद्विग्नो वीतरागत्वसिद्धये॥२७॥
Māsaṣaṭkamanudvigno vītarāgatvasiddhaye||27||
Да помыслит он тело красным, стоящим поверх полной тучи, — шесть месяцев, невозмутимый, ради достижения бесстрастия||27||
स्मरन्संवत्सरे सम्यङ्मृत्युना न प्रपीड्यते।
Smaransaṁvatsare samyaṅmṛtyunā na prapīḍyate|
त्रिभिरब्दैर्जितद्वन्द्वो रागे च समतां व्रजेत्॥२८॥
Tribhirabdairjitadvandvo rāge ca samatāṁ vrajet||28||
Поминая (так) (smaran) как должно, через год он не бывает мучим смертью. Через три года, одолев двойственность, он приходит к равновесию и во влечении||28||
रक्तपद्मस्थितं रक्तं पञ्चपर्वं हृदावधि।
Raktapadmasthitaṁ raktaṁ pañcaparvaṁ hṛdāvadhi|
ध्यायन्फलमवाप्नोति पूर्वोक्तमखिलं क्रमात्॥२९॥
Dhyāyanphalamavāpnoti pūrvoktamakhilaṁ kramāt||29||
Созерцая красное, стоящее на красном лотосе, в пять суставов, вплоть до сердца, он обретает по порядку весь прежде сказанный плод||29||
बिम्बादि चात्र पूर्वोक्तमनुचिन्तयतो मुहुः।
Bimbādi cātra pūrvoktamanucintayato muhuḥ|
फलं भवति निःशेषं रञ्जकावृतिसम्भवम्॥३०॥
Phalaṁ bhavati niḥśeṣaṁ rañjakāvṛtisambhavam||30||
И у того, кто здесь снова и снова помышляет круг и прочее, как сказано прежде, становится полным плод, рождённый покровом окрашивающего||30||
हृदि पद्मं सितं ध्यायेद्द्व्यष्टपत्रं सकेसरम्।
Hṛdi padmaṁ sitaṁ dhyāyeddvyaṣṭapatraṁ sakesaram|
सर्वामृतमयं दिव्यं चन्द्रकल्पितकर्णिकम्॥३१॥
Sarvāmṛtamayaṁ divyaṁ candrakalpitakarṇikam||31||
Да созерцает он в сердце белый лотос о шестнадцати лепестках, с тычинками, состоящий из всего бессмертия, божественный, с завязью, слаженною из луны||31||
निश्चलं तत्र संयम्य चेतो निद्रान्तमात्मनः।
Niścalaṁ tatra saṁyamya ceto nidrāntamātmanaḥ|
ततो यत्पश्यते स्वप्ने तथ्यं तत्तस्य जायते॥३२॥
Tato yatpaśyate svapne tathyaṁ tattasya jāyate||32||
Удержав там неподвижно свой ум вплоть до сна, — то, что он затем увидит во сне, становится для него истинным||32||
एवमभ्यसतस्तस्य तद्धि पद्मोदितं फलम्।
Evamabhyasatastasya taddhi padmoditaṁ phalam|
सर्वं प्रजायते तस्य तत्कालक्रमयोगतः॥३३॥
Sarvaṁ prajāyate tasya tatkālakramayogataḥ||33||
У того, кто так упражняется, тот самый плод (tat hi phalam), рождённый лотосом, весь рождается у него по сопряжению с чередою тех сроков||33||
चतुरङ्गुलदेहादि सर्वत्रैवं विचिन्तयन्।
Caturaṅguladehādi sarvatraivaṁ vicintayan|
पूर्ववत्सर्वमाप्नोति विद्यातत्त्वसमुद्भवम्॥३४॥
Pūrvavatsarvamāpnoti vidyātattvasamudbhavam||34||
Помышляя везде вот так тело в четыре пальца и прочее, он обретает как и прежде всё, рождающееся из таттвы видьи||34||
हृदयादेकमेकं तु व्यतिक्रम्यार्धमङ्गुलम्।
Hṛdayādekamekaṁ tu vyatikramyārdhamaṅgulam|
पृथक्चक्रत्रयं ध्यायेद्रक्तनीलसितं क्रमात्॥३५॥
Pṛthakcakratrayaṁ dhyāyedraktanīlasitaṁ kramāt||35||
Отступая от сердца по полпальца на каждый (ekam ekam), да созерцает он порознь три круга — красный, тёмный и белый по порядку||35||
तत्रत्यद्व्येकपर्वं तु पुरुषं तत्समद्युतिम्।
Tatratyadvyekaparvaṁ tu puruṣaṁ tatsamadyutim|
बिम्बादिकं च यत्प्रोक्तं तत्त्वत्रयमिदं महत्॥३६॥
Bimbādikaṁ ca yatproktaṁ tattvatrayamidaṁ mahat||36||
А там puruṣa в два и в один сустав, с сиянием, ему равным; и круг и прочее, о чём сказано (yat proktam), — вот эта великая троица таттв||36||
त्रयोदशात्मकं भेदमेतदन्तं विदुर्बुधाः।
Trayodaśātmakaṁ bhedametadantaṁ vidurbudhāḥ|
एकादशप्रभेदेन तत्त्वद्वयमथोच्यते॥३७॥
Ekādaśaprabhedena tattvadvayamathocyate||37||
Мудрые знают тринадцатичастное различение кончающимся на этом. Теперь говорится о двоице таттв в одиннадцати различениях||37||
कण्ठकूपावधौ चक्रे पञ्चारे नाभिसंस्थितम्।
Kaṇṭhakūpāvadhau cakre pañcāre nābhisaṁsthitam|
ध्यायेत्स्वरूपमात्मीयं दीप्तनेत्रोपलब्धवत्॥३८॥
Dhyāyetsvarūpamātmīyaṁ dīptanetropalabdhavat||38||
В пятиспицевом круге, стоящем у пупа и доходящем до впадины горла, да созерцает он свой собственный облик — словно узренный пылающими очами||38||
क्षित्यादिकालतत्त्वान्ते यद्वस्तु स्थितमध्वनि।
Kṣityādikālatattvānte yadvastu sthitamadhvani|
सर्वं प्रसाध्य योगीन्द्रो न कालेनाभिभूयते॥३९॥
Sarvaṁ prasādhya yogīndro na kālenābhibhūyate||39||
Овладев всем — какая бы вещь (yat vastu) ни стояла на пути от земли и до таттвы времени, — владыка йогинов не одолевается временем||39||
बिम्बादिकेऽपि तत्रस्थे योगिनामनुचिन्तिते।
Bimbādike'pi tatrasthe yogināmanucintite|
भवतीति किमाश्चर्यमनायासेन तत्फलम्॥४०॥
Bhavatīti kimāścaryamanāyāsena tatphalam||40||
А когда йогины помыслят и круг и прочее, стоящее там, — плод того приходит без труда; что тут (iti kim) дивного?||40||
कण्ठाकाशे स्थिरं चेतः कुर्वन्योगी दिने दिने।
Kaṇṭhākāśe sthiraṁ cetaḥ kurvanyogī dine dine|
मायोत्थं फलमाप्नोति बिम्बादावपि तत्रगे॥४१॥
Māyotthaṁ phalamāpnoti bimbādāvapi tatrage||41||
Йогин, день за днём (dine dine) делая ум незыблемым в пространстве горла, обретает плод, рождённый māyā, — и когда круг и прочее там же||41||
कण्ठकूपविधानाभं राहुग्रस्तेन्दुबिम्बवत्।
Kaṇṭhakūpavidhānābhaṁ rāhugrastendubimbavat|
चिन्तयन्न पुनर्याति मायादेर्वशवर्तिताम्॥४२॥
Cintayanna punaryāti māyādervaśavartitām||42||
Помышляя (его) подобным устроению горловой впадины, как круг луны, поглощённый Rāhu, он не идёт более под власть māyā и прочего||42||
तदेव तत्र स्वर्भानुमुक्तवत्परिचिन्तयन्।
Tadeva tatra svarbhānumuktavatparicintayan|
तेजोदेहादिकं चापि प्राप्नोति परमेशताम्॥४३॥
Tejodehādikaṁ cāpi prāpnoti parameśatām||43||
Помышляя его же (tat eva) там освободившимся от Rāhu, а также (ca api) тело из света и прочее, он обретает высшее владычество||43||
मध्यन्दिनकराकारं लम्बकस्थं विचिन्तयेत्।
Madhyandinakarākāraṁ lambakasthaṁ vicintayet|
समस्तमन्त्रचक्रस्य रूपं यत्सामुदायिकम्॥४४॥
Samastamantracakrasya rūpaṁ yatsāmudāyikam||44||
Да помыслит он стоящим у нёбного язычка образ полуденного солнца — то, что есть совокупный облик всего круга мантр||44||
ततः कालक्रमाद्योगी मन्त्रत्वमधिगच्छति।
Tataḥ kālakramādyogī mantratvamadhigacchati|
अनुषङ्गफलं चात्र पूर्वोक्तं सर्वमिष्यते॥४५॥
Anuṣaṅgaphalaṁ cātra pūrvoktaṁ sarvamiṣyate||45||
Затем, по череде времён, йогин достигает состояния мантры. И здесь полагается весь прежде сказанный сопутствующий плод||45||
मूर्ति तत्रैव सञ्चिन्त्य मन्त्रेशत्वमवाप्नुयात्।
Mūrti tatraiva sañcintya mantreśatvamavāpnuyāt|
तदधो दीपकं तेजो ध्यात्वा तत्पतितां व्रजेत्॥४६॥
Tadadho dīpakaṁ tejo dhyātvā tatpatitāṁ vrajet||46||
Помыслив там же (tatra eva) облик, он обретёт состояние Mantreśa. Созерцая ниже того свет, подобный светильнику, он придёт к владычеству над тем||46||
सबाह्याभ्यन्तरं तस्मादधोर्ध्वं व्यापि च स्मरन्।
Sabāhyābhyantaraṁ tasmādadhordhvaṁ vyāpi ca smaran|
तेजो मन्त्रेश्वरेशानपदान्न च्यवते नरः॥४७॥
Tejo mantreśvareśānapadānna cyavate naraḥ||47||
Поминая оттуда тот свет и снаружи, и внутри, и объемлющим вниз и вверх, человек не отпадает (na cyavate) от места Mantreśvareśa||47||
बद्ध्वा पद्मासनं योगी पराबीजमनुस्मरन्।
Baddhvā padmāsanaṁ yogī parābījamanusmaran|
भ्रुवोर्मध्ये न्यसेच्चित्तं तद्बहिः किञ्चिदग्रतः॥४८॥
Bhruvormadhye nyaseccittaṁ tadbahiḥ kiñcidagrataḥ||48||
Связав лотосовый сед, йогин, поминая семя Parā, да поставит ум меж бровей, немного впереди, вовне него||48||
निमीलिताक्षो हृष्टात्मा शब्दालोकविवर्जिते।
Nimīlitākṣo hṛṣṭātmā śabdālokavivarjite|
पश्यते पुरुषं तत्र द्वादशाङ्गुलमायतम्॥४९॥
Paśyate puruṣaṁ tatra dvādaśāṅgulamāyatam||49||
С закрытыми глазами, с радостною душою, там, где нет ни звука, ни света, он узревает там puruṣa в двенадцать пальцев ростом||49||
तत्र चेतः स्थिरं कुर्यात्ततो मासत्रयोपरि।
Tatra cetaḥ sthiraṁ kuryāttato māsatrayopari|
सर्वावयवसम्पूर्णं तेजोरूपमचञ्चलम्॥५०॥
Sarvāvayavasampūrṇaṁ tejorūpamacañcalam||50||
Да сделает он ум незыблемым там; затем, по прошествии трёх месяцев, (видит его) полным во всех членах, обликом из света, недрожащим||50||
प्रसन्नमिन्दुसङ्काशं पश्यति दिव्यचक्षुषा।
Prasannamindusaṅkāśaṁ paśyati divyacakṣuṣā|
तं दृष्ट्वा पुरुषं दिव्यं कालज्ञानं प्रवर्तते॥५१॥
Taṁ dṛṣṭvā puruṣaṁ divyaṁ kālajñānaṁ pravartate||51||
ясным, подобным луне, — он видит его божественным оком. Увидев того божественного puruṣa, он начинает знать время||51||
अंशिरस्के भवेन्मृत्युः षण्मासाभ्यन्तरेण तु।
Aṁśiraske bhavenmṛtyuḥ ṣaṇmāsābhyantareṇa tu|
वञ्चनं तत्र कुर्वीत यत्नात्कालस्य योगवित्॥५२॥
Vañcanaṁ tatra kurvīta yatnātkālasya yogavit||52||
Если (явится) без головы, смерть придёт в шесть месяцев. Там знаток Йоги да со тщанием сотворит обман времени||52||
ब्रह्मरन्ध्रोपरि ध्यायेच्चन्द्रबिम्बमकल्मषम्।
Brahmarandhropari dhyāyeccandrabimbamakalmaṣam|
स्रवन्तममृतं दिव्यं स्वदेहापूरकं बहु॥५३॥
Sravantamamṛtaṁ divyaṁ svadehāpūrakaṁ bahu||53||
Да созерцает он поверх темянного отверстия круг луны, беспорочный, струящий обильное божественное бессмертие, наполняющее собственное тело||53||
तेनापूरितमात्मानं चेतोनालानुसर्पिणा।
Tenāpūritamātmānaṁ cetonālānusarpiṇā|
सबाह्याभ्यन्तरं ध्यायन्दशाहान्मृत्युजिद्भवेत्॥५४॥
Sabāhyābhyantaraṁ dhyāyandaśāhānmṛtyujidbhavet||54||
Созерцая себя наполненным им, текущим по стеблю ума, и снаружи, и внутри, через десять дней он становится победителем смерти||54||
महाव्याधिविनाशेऽपि योगमेनं समभ्यसेत्।
Mahāvyādhivināśe'pi yogamenaṁ samabhyaset|
प्रत्यङ्गव्याधिनाशाय प्रत्यङ्गाङ्गमनुस्मरन्॥५५॥
Pratyaṅgavyādhināśāya pratyaṅgāṅgamanusmaran||55||
И для уничтожения великого недуга да упражняется он в этой Йоге (enam yogam); а ради уничтожения недуга в отдельном члене — поминая член того члена||55||
धूमवर्णं यदा पश्येन्महाव्याधिस्तदा भवेत्।
Dhūmavarṇaṁ yadā paśyenmahāvyādhistadā bhavet|
कृष्णे कुष्ठमवाप्नोति नीले शीतलिकाभयम्॥५६॥
Kṛṣṇe kuṣṭhamavāpnoti nīle śītalikābhayam||56||
Когда он увидит цвет дыма, тогда будет великий недуг; при чёрном он обретает проказу, при тёмно-синем — страх лихорадки||56||
हीनचक्षुषि तद्रोगं नासाहीने तदात्मकम्।
Hīnacakṣuṣi tadrogaṁ nāsāhīne tadātmakam|
यद्यदङ्गं न पश्येत तत्र तद्व्याधिमादिशेत्॥५७॥
Yadyadaṅgaṁ na paśyeta tatra tadvyādhimādiśet||57||
Если ущерблено око — недуг его; если ущерблён нос — того же рода. Какого члена он не увидит, там да укажет он его недуг||57||
आत्मनो वा परेषां वा योगी योगपथे स्थितः।
Ātmano vā pareṣāṁ vā yogī yogapathe sthitaḥ|
वर्षैस्तु पञ्चभिः सर्वं विद्यातत्त्वान्तमीश्वरि॥५८॥
Varṣaistu pañcabhiḥ sarvaṁ vidyātattvāntamīśvari||58||
У себя или у других — йогин, стоящий на пути Йоги. А за пять лет — всё вплоть до таттвы видьи, о Владычица||58||
वेत्ति भुङ्क्ते च सततं न च तस्मात्प्रहीयते।
Vetti bhuṅkte ca satataṁ na ca tasmātprahīyate|
तत्रस्थे तेजसि ध्याते सर्वदेहविसर्पिणि॥५९॥
Tatrasthe tejasi dhyāte sarvadehavisarpiṇi||59||
он знает и вкушает непрестанно, и от того не отпадает. Когда стоящий там свет созерцается как растекающийся по всему телу||59||
पूर्वोक्तं सर्वमाप्नोति तत्कालक्रमयोगतः।
Pūrvoktaṁ sarvamāpnoti tatkālakramayogataḥ|
अथोर्ध्वव्यापिनि ध्याने तत्र तस्मादखण्डितः॥६०॥
Athordhvavyāpini dhyāne tatra tasmādakhaṇḍitaḥ||60||
он обретает всё прежде сказанное по сопряжению с чередою тех сроков. А когда созерцание — на нём же, объемлющем кверху, там, нерушимый от того||60||
सर्वं मन्त्रेश्वरेशत्वान्न भूयोऽपि निवर्तते।
Sarvaṁ mantreśvareśatvānna bhūyo'pi nivartate|
एवं ललाटदेशेऽपि महादीप्तमनुस्मरन्॥६१॥
Evaṁ lalāṭadeśe'pi mahādīptamanusmaran||61||
он более не отвращается (na nivartate) от владычества над Mantreśvara — от всего. Так же и в области лба, поминая великое сияние||61||
प्रपश्यत्यचिरादेव वर्णाष्टकयुतं क्रमात्।
Prapaśyatyacirādeva varṇāṣṭakayutaṁ kramāt|
इन्द्रनीलप्रतीकाशं शिखिकण्ठसमद्युति॥६२॥
Indranīlapratīkāśaṁ śikhikaṇṭhasamadyuti||62||
он вскоре же узревает по порядку (свет), соединённый с восьмерицею цветов: подобный сапфиру, с сиянием, как шея павлина||62||
राजावर्तनिभं चान्यत्तथा वैदूर्यसन्निभम्।
Rājāvartanibhaṁ cānyattathā vaidūryasannibham|
पुष्परागनिभं चान्यत्प्रवालकसमद्युति॥६३॥
Puṣparāganibhaṁ cānyatpravālakasamadyuti||63||
и иной — подобный лазуриту, и так же подобный берилу; и иной — подобный топазу, с сиянием, как у коралла||63||
पद्मरागप्रतीकाशमन्यच्चन्द्रसमद्युति।
Padmarāgapratīkāśamanyaccandrasamadyuti|
तां दृष्ट्वा परमां ज्योत्स्नां दिव्यज्ञानं प्रवर्तते॥६४॥
Tāṁ dṛṣṭvā paramāṁ jyotsnāṁ divyajñānaṁ pravartate||64||
иной — подобный рубину, иной — с сиянием, как у луны. Увидев тот высший лунный свет, он начинает знать божественно||64||
विहारपादचारादि ततः सर्वं प्रवर्तते।
Vihārapādacārādi tataḥ sarvaṁ pravartate|
अधोर्ध्वं व्यापिनि ध्याते न तस्माच्च्यवते पदात्॥६५॥
Adhordhvaṁ vyāpini dhyāte na tasmāccyavate padāt||65||
Затем начинается всё — странствование, хождение пешком и прочее. Когда (он) созерцается объемлющим вниз и вверх, человек не отпадает (na cyavate) от того места||65||
इत्येतत्सर्वमाख्यातं लक्ष्यभेदव्यवस्थितम्।
Ityetatsarvamākhyātaṁ lakṣyabhedavyavasthitam|
अधुना चित्तभेदोऽपि समासादुपदिश्यते॥६६॥
Adhunā cittabhedo'pi samāsādupadiśyate||66||
Так всё это (etat sarvam) изложено, установленное различением цели. Теперь и различение мысли преподаётся вкратце||66||
पिशाचानन्तपर्यन्तगुणाष्टकसमीहया।
Piśācānantaparyantaguṇāṣṭakasamīhayā|
तत्तद्रूपगुणं कुर्यात्सम्यगीशे स्थिरं मनः॥६७॥
Tattadrūpaguṇaṁ kuryātsamyagīśe sthiraṁ manaḥ||67||
По желанию восьмерицы свойств (существ) — от пишачей и до Ananta — да сделает он ум как должно незыблемым во Владыке, имеющем облик и свойство каждого из них||67||
इतीश्वरपदान्तस्य मार्गस्यास्य पृथक् पृथक्।
Itīśvarapadāntasya mārgasyāsya pṛthak pṛthak|
यथोपासा तथाख्याता योगिनां योगसिद्धये॥६८॥
Yathopāsā tathākhyātā yogināṁ yogasiddhaye||68||
Так изложено, каково почитание этого пути, кончающегося местом Īśvara, порознь, — ради достижения Йоги йогинами||68||
इति श्रीमालिनीविजयोत्तरे तन्त्रे धरणाधिकारः षोडशः॥१६॥
Iti śrīmālinīvijayottare tantre dharaṇādhikāraḥ ṣoḍaśaḥ||16||
Здесь кончается шестнадцатая глава, толкующая о дхаране, достопочтенной Mālinīvijayottaratantra||16||
← Глава 15 — Akṣadhāraṇādhikāraḥ · Глава 17 →
Санскрит (деванагари и IAST) перенесён без изменений с сайта Габриэля Pradīpaka: Глава 16 — Dharaṇādhikāraḥ. Английского изложения для этой главы у него нет — под каждой строфой стоит пометка «Untranslated yet». Перевод сделан здесь прямо с санскрита, при поддержке Claude Code, и опоры в чужом разборе у него нет: санскритское слово стоит над русским, чтобы читатель мог проверить каждое.