КШ · Mālinīvijayottaratantra · Словарь терминов · Поиск по сайту · Эта часть у источника
← Глава 13 — Bhūtajayādhikāraḥ · Глава 15 — Akṣadhāraṇādhikāraḥ →
На этой странице
Строфы 1–10 — санскрит · перевод
Строфы 11–20 — санскрит · перевод
Строфы 21–30 — санскрит · перевод
Строфы 31–40 — санскрит · перевод
Строфы 41–43.5 — санскрит · перевод
अथ चतुर्दशोऽधिकारः।
Atha Caturdaśo'dhikāraḥ|
И вот четырнадцатая глава|
अथ गन्धादिपूर्वाणां तन्मात्राणामनुक्रमात्।
Atha gandhādipūrvāṇāṁ tanmātrāṇāmanukramāt|
धारणाः सम्प्रवक्ष्यामि तत्फलानां प्रसिद्धये॥१॥
Dhāraṇāḥ sampravakṣyāmi tatphalānāṁ prasiddhaye||1||
А ныне я изложу вполне по порядку дхараны танматр, начиная с запаха, — ради достижения их плодов||1||
पीतकं गन्धतन्मात्रं तुर्याश्रं पर्वसंमितम्।
Pītakaṁ gandhatanmātraṁ turyāśraṁ parvasaṁmitam|
नासारन्ध्राग्रगं ध्यायेद्वज्रलाञ्छनलाञ्छितम्॥२॥
Nāsārandhrāgragaṁ dhyāyedvajralāñchanalāñchitam||2||
Да созерцает он танматру запаха жёлтою, четвероугольною, мерою в сустав, стоящею у края ноздри, помеченною знаком ваджры||2||
दशमाद्दिवसादूर्ध्वं योगिनोऽनन्यचेतसः।
Daśamāddivasādūrdhvaṁ yogino'nanyacetasaḥ|
कोऽपि गन्धः समायाति द्विधाभूतोऽप्यनेकधा॥३॥
Ko'pi gandhaḥ samāyāti dvidhābhūto'pyanekadhā||3||
С десятого дня и далее к йогину, чей ум не занят иным, приходит некий запах, и, будучи двояким, (становится) многообразным||3||
ततोऽस्य ऋतुमात्रेण शुधो गन्धः स्थिरीभवेत्।
Tato'sya ṛtumātreṇa śudho gandhaḥ sthirībhavet|
षड्भिर्मासैः स्वयं गन्धमय एव भविष्यति॥४॥
Ṣaḍbhirmāsaiḥ svayaṁ gandhamaya eva bhaviṣyati||4||
Затем всего за один срок чистый запах утвердится у него. Через шесть месяцев он и сам (svayam eva) станет состоящим из запаха||4||
यो यत्र रोचते गन्धस्तं तत्र कुरुते भृशम्।
Yo yatra rocate gandhastaṁ tatra kurute bhṛśam|
त्र्यब्दात्सिद्धिमवाप्नोति प्रेरितां पाञ्चभौतिकीम्॥५॥
Tryabdātsiddhimavāpnoti preritāṁ pāñcabhautikīm||5||
Какой запах кому где нравится (yatra rocate), тот он там творит в изобилии. Через три года он обретает устремлённое совершенство, принадлежащее пяти стихиям||5||
तदूर्ध्वमात्मनो रूपं तत्र सञ्चिन्तयेद्धृदि।
Tadūrdhvamātmano rūpaṁ tatra sañcintayeddhṛdi|
गन्धावरणविज्ञानं त्रिभिरब्दैरवाप्नुयात्॥६॥
Gandhāvaraṇavijñānaṁ tribhirabdairavāpnuyāt||6||
Выше того да помыслит он там, в сердце, свой собственный облик. Знание покрова запаха он обретёт через три года||6||
ईषद्दीप्तियुतं तत्र तन्मण्डलविवर्जितम्।
Īṣaddīptiyutaṁ tatra tanmaṇḍalavivarjitam|
ध्यायन्प्रपश्यते सर्वान्गन्धावरणवासिनः॥७॥
Dhyāyanprapaśyate sarvāngandhāvaraṇavāsinaḥ||7||
Созерцая его там с малым сиянием, без того круга, он узревает всех, кто обитает в покрове запаха||7||
धरातत्त्वोक्तबिम्बाभं तत्रैवमनुचिन्तयन्।
Dharātattvoktabimbābhaṁ tatraivamanucintayan|
तत्समानत्वमभ्येति पूर्ववद्द्वितये स्थिरे॥८॥
Tatsamānatvamabhyeti pūrvavaddvitaye sthire||8||
Помышляя там вот так (облик), подобный кругу, о котором сказано при таттве земли, он приходит к равенству с тем, как и прежде, когда двоица устойчива (dvitaye sthire)||8||
स्वरूपं तत्र सञ्चिन्त्य भासयन्तमधः स्थितम्।
Svarūpaṁ tatra sañcintya bhāsayantamadhaḥ sthitam|
तदीशत्वमवाप्नोति पूर्वोक्तेनैव वर्त्मना॥९॥
Tadīśatvamavāpnoti pūrvoktenaiva vartmanā||9||
Помыслив там собственный облик озаряющим и стоящим внизу, он обретает владычество над тем тем самым путём, что сказан прежде||9||
धरातत्त्वोक्तवत्सर्वमत ऊर्ध्वमनुस्मरन्।
Dharātattvoktavatsarvamata ūrdhvamanusmaran|
तद्रूपं फलमाप्नोति गन्धावरणसंस्थितम्॥१०॥
Tadrūpaṁ phalamāpnoti gandhāvaraṇasaṁsthitam||10||
Поминая отсюда и выше всё, как сказано при таттве земли, он обретает плод того облика, утверждённый в покрове запаха||10||
रसरूपामतो वक्ष्ये धारणां योगिसेविताम्।
Rasarūpāmato vakṣye dhāraṇāṁ yogisevitām|
यया सर्वरसावाप्तिर्योगिनः सम्प्रजायते॥११॥
Yayā sarvarasāvāptiryoginaḥ samprajāyate||11||
Далее я поведаю дхарану в облике вкуса, почитаемую йогинами, которою у йогина рождается обретение всех вкусов||11||
जलबुद्बुदसङ्काशं जिह्वायां चाग्रतः स्थितम्।
Jalabudbudasaṅkāśaṁ jihvāyāṁ cāgrataḥ sthitam|
चिन्तयेद्रसतन्मात्रं जिह्वाग्राधारमात्मनः॥१२॥
Cintayedrasatanmātraṁ jihvāgrādhāramātmanaḥ||12||
Да помыслит он танматру вкуса подобною водяному пузырьку, стоящею на языке впереди, с кончиком его языка как опорою||12||
सुशीतं षड्रसं चिन्त्यं तद्गतेनान्तरात्मना।
Suśītaṁ ṣaḍrasaṁ cintyaṁ tadgatenāntarātmanā|
ततोऽस्य मासमात्रेण रसास्वादः प्रवर्तते॥१३॥
Tato'sya māsamātreṇa rasāsvādaḥ pravartate||13||
Помышлять её должно как весьма прохладную и о шести вкусах, внутреннею самостью, в неё ушедшею. Затем всего за месяц у него начинается вкушение вкуса||13||
लवणादीन्परित्यज्य यदा मधुरतां गतः।
Lavaṇādīnparityajya yadā madhuratāṁ gataḥ|
तदा तन्निगिरन्योगी षण्मासान्मृत्युजिद्भवेत्॥१४॥
Tadā tannigiranyogī ṣaṇmāsānmṛtyujidbhavet||14||
Когда, оставив солёное и прочее, он придёт к сладости, — тогда, глотая её (tad nigiran), йогин через шесть месяцев становится победителем смерти||14||
जराव्याधिविनिर्मुक्तः कृष्णकेशोऽच्युतद्युतिः।
Jarāvyādhivinirmuktaḥ kṛṣṇakeśo'cyutadyutiḥ|
जीवेदाचन्द्रतारार्कमभ्यस्यंश्च क्वचित्क्वचित्॥१५॥
Jīvedācandratārārkamabhyasyaṁśca kvacitkvacit||15||
Избавленный от старости и недуга, черноволосый, с неубывающим сиянием, он живёт доколе стоят луна, звёзды и солнце, упражняясь то здесь, то там (kvacit kvacit)||15||
पूर्वोक्तबुद्बुदाकारं स्वरूपमनुचिन्तयन्।
Pūrvoktabudbudākāraṁ svarūpamanucintayan|
नीरावरणविज्ञानमाप्नोतीति किमद्भुतम्॥१६॥
Nīrāvaraṇavijñānamāpnotīti kimadbhutam||16||
Помышляя собственный облик в виде прежде сказанного пузырька, он обретает знание водного покрова — что тут (iti kim) удивительного?||16||
तमेव द्युतिसंयुक्तं ध्यायन्न्नाधारवर्जितम्।
Tameva dyutisaṁyuktaṁ dhyāyannnādhāravarjitam|
पद्येत वत्सरैः सर्वां रसावरणमाश्रिताम्॥१७॥
Padyeta vatsaraiḥ sarvāṁ rasāvaraṇamāśritām||17||
Созерцая его же (tam eva) соединённым с сиянием и лишённым опоры, он за (три) года достигнет всего, что держится в покрове вкуса||17||
जलतत्त्वोक्तबिम्बादि तदूर्ध्वमनुचिन्तयन्।
Jalatattvoktabimbādi tadūrdhvamanucintayan|
पूर्वोक्तं सर्वमाप्नोति रसावरणजं स्फुटम्॥१८॥
Pūrvoktaṁ sarvamāpnoti rasāvaraṇajaṁ sphuṭam||18||
Помышляя выше того круг и прочее, о чём сказано при таттве воды, он явственно обретает всё прежде сказанное, рождённое покровом вкуса||18||
अतो रूपवतीं वक्ष्ये दिव्यदृष्टिप्रदां शुभाम्।
Ato rūpavatīṁ vakṣye divyadṛṣṭipradāṁ śubhām|
धारणां सर्वसिद्ध्यर्थं रूपतन्मात्रमाश्रिताम्॥१९॥
Dhāraṇāṁ sarvasiddhyarthaṁ rūpatanmātramāśritām||19||
Далее я поведаю благую дхарану, обладающую образом, дарующую божественное зрение, — ради всякого совершенства, опирающуюся на танматру образа||19||
एकान्तस्थो यदा योगी विनिमीलितलोचनः।
Ekāntastho yadā yogī vinimīlitalocanaḥ|
शरत्सन्ध्याभ्रसङ्काशं यत्तु किञ्चित्प्रपश्यति॥२०॥
Śaratsandhyābhrasaṅkāśaṁ yattu kiñcitprapaśyati||20||
Когда йогин, пребывая в уединении с закрытыми глазами, видит нечто, подобное осеннему сумеречному облаку||20||
तत्र चेतः समाधाय यावदास्ते दशाहकम्।
Tatra cetaḥ samādhāya yāvadāste daśāhakam|
तावत्प्रपश्यते तत्र बिन्दून्सूक्ष्मतमानपि॥२१॥
Tāvatprapaśyate tatra bindūnsūkṣmatamānapi||21||
сосредоточив там ум, — сколько он пребудет так, десять дней, — столько он и узревает там точки, даже тончайшие||21||
केचित्तत्र सिता रक्ताः पीता नीलास्तथा परे।
Kecittatra sitā raktāḥ pītā nīlāstathā pare|
तान्दृष्ट्वा तत्र सन्दध्यान्मनोऽत्यन्तमनन्यधीः॥२२॥
Tāndṛṣṭvā tatra sandadhyānmano'tyantamananyadhīḥ||22||
Иные там белы, красны, желты, а другие — темны. Увидев их, да сосредоточит он там ум без остатка, не отвлекаясь мыслью||22||
षण्मासात्पश्यते तेषु रूपाणि सुबहून्यपि।
Ṣaṇmāsātpaśyate teṣu rūpāṇi subahūnyapi|
त्र्यब्दात्तान्येव तेजोभिः प्रदीप्तानि स्थिराणि च॥२३॥
Tryabdāttānyeva tejobhiḥ pradīptāni sthirāṇi ca||23||
Через шесть месяцев он видит в них весьма многие образы; через три года — их же, пылающие светами и устойчивые||23||
तान्यभ्यस्यंस्ततो द्व्यब्दाद्बिम्बाकाराणि पश्यति।
Tānyabhyasyaṁstato dvyabdādbimbākārāṇi paśyati|
ततोऽब्दात्पश्यते तेजः षण्मासात्पुरुषाकृति॥२४॥
Tato'bdātpaśyate tejaḥ ṣaṇmāsātpuruṣākṛti||24||
Упражняясь в них, затем через два года он видит их в виде кругов. Затем через год он видит свет, а через шесть месяцев — в образе человека||24||
त्रिमासाद्व्यापकं तेजो मासात्सर्वं विसर्पितम्।
Trimāsādvyāpakaṁ tejo māsātsarvaṁ visarpitam|
कालक्रमाच्च पूर्वोक्तं रूपावरणमाश्रितम्॥२५॥
Kālakramācca pūrvoktaṁ rūpāvaraṇamāśritam||25||
Через три месяца — свет объемлющий, через месяц — всё растёкшимся. И по череде времён — прежде сказанное, что держится в покрове образа||25||
तत्सर्वं फलमाप्नोति दिव्यदृष्टिश्च जायते।
Tatsarvaṁ phalamāpnoti divyadṛṣṭiśca jāyate|
इतीयं कल्पनाशून्या धारणा कृतकोदिता॥२६॥
Itīyaṁ kalpanāśūnyā dhāraṇā kṛtakoditā||26||
весь тот плод (tat sarvam phalam) он обретает, и рождается божественное зрение. Такова (iti iyam) изложенная дхарана, свободная от домысла и сотворённая||26||
दशपञ्चविधो भेदः स्वयमेवात्र जायते।
Daśapañcavidho bhedaḥ svayamevātra jāyate|
यतोऽस्यां निश्चयं कुर्यात्किमन्यैः शास्त्रडम्बरैः॥२७॥
Yato'syāṁ niścayaṁ kuryātkimanyaiḥ śāstraḍambaraiḥ||27||
Пятнадцатичастное различение рождается здесь само собою (svayam eva). Оттого да утвердится он в ней — к чему иная пышность писаний?||27||
अत स्पर्शवतीमन्यां कथयामि तवाधुना।
Ata sparśavatīmanyāṁ kathayāmi tavādhunā|
धारणां तु यया योगी वज्रदेहः प्रजायते॥२८॥
Dhāraṇāṁ tu yayā yogī vajradehaḥ prajāyate||28||
Далее поведаю тебе ныне иную дхарану, обладающую осязанием, которою йогин становится с телом из ваджры||28||
षट्कोणमण्डलान्तः स्थमात्मानं परिभावयेत्।
Ṣaṭkoṇamaṇḍalāntaḥ sthamātmānaṁ paribhāvayet|
रूक्षमञ्जनसङ्काशं प्रत्यंशं स्फुरिताकुलम्॥२९॥
Rūkṣamañjanasaṅkāśaṁ pratyaṁśaṁ sphuritākulam||29||
Да представит он себя стоящим внутри шестиугольного круга, сухим, подобным сурьме, в каждой части мерцающим и встревоженным||29||
ततोऽस्य दशभिर्देवि दिवसैस्त्वचि सर्वतः।
Tato'sya daśabhirdevi divasaistvaci sarvataḥ|
भवेत्पिपीलिकास्पर्शस्ततस्तमनुचिन्तयन्॥३०॥
Bhavetpipīlikāsparśastatastamanucintayan||30||
Затем через десять дней, о Богиня, у него по всей коже явится осязание, как от муравьёв; затем, помышляя то (tam anucintayan)||30||
वज्रदेहत्वमासाद्य पूर्वोक्तं पूर्ववल्लभेत्।
Vajradehatvamāsādya pūrvoktaṁ pūrvavallabhet|
पूर्वोक्तमण्डलाकारं पूर्वरूपं विचिन्तयन्॥३१॥
Pūrvoktamaṇḍalākāraṁ pūrvarūpaṁ vicintayan||31||
и обретя тело из ваджры, он получит прежде сказанное как и прежде. Помышляя прежний облик в виде прежде сказанного круга||31||
स्पर्शतत्त्वावृतिज्ञानं लभन्केन निवार्यते।
Sparśatattvāvṛtijñānaṁ labhankena nivāryate|
हीनमण्डलमात्मानं ध्यायेत्तत्पतिसिद्धये॥३२॥
Hīnamaṇḍalamātmānaṁ dhyāyettatpatisiddhaye||32||
и обретая знание покрова таттвы осязания, — кем он будет удержан? Да созерцает он себя без круга — ради достижения владычества над тем||32||
यया संसिद्धया सर्वस्पर्शवेदी भविष्यति।
Yayā saṁsiddhayā sarvasparśavedī bhaviṣyati|
कर्णौ पिधाय यत्नेन निमीलितविलोचनः॥३३॥
Karṇau pidhāya yatnena nimīlitavilocanaḥ||33||
которым, когда оно достигнуто, он станет ведающим всякое осязание. Со тщанием заткнув уши, с закрытыми глазами||33||
यं शृणोति महाघोषं चेतस्तत्रानुसन्धयेत्।
Yaṁ śṛṇoti mahāghoṣaṁ cetastatrānusandhayet|
दीप्यते जाठरो वह्निस्ततोऽस्य दशभिर्दिनैः॥३४॥
Dīpyate jāṭharo vahnistato'sya daśabhirdinaiḥ||34||
какой великий гул он услышит, на нём да сосредоточит он ум. Разгорается огонь чрева; затем у него через десять дней||34||
दूराच्छ्रवणविज्ञानं षण्मासादुपजायते।
Dūrācchravaṇavijñānaṁ ṣaṇmāsādupajāyate|
यस्तस्यान्ते ध्वनिर्मन्दः किञ्चित्किञ्चिद्विभाव्यते॥३५॥
Yastasyānte dhvanirmandaḥ kiñcitkiñcidvibhāvyate||35||
через шесть месяцев рождается способность слышать издалека. Тот тихий звук, что мало-помалу распознаётся в конце его (tasya ante)||35||
सकलात्मा स विज्ञेयस्तदभ्यासादनन्यधीः।
Sakalātmā sa vijñeyastadabhyāsādananyadhīḥ|
शब्दावरणविज्ञानमाप्नोति स्थिरतां गतम्॥३६॥
Śabdāvaraṇavijñānamāpnoti sthiratāṁ gatam||36||
его должно знать как Sakala. От упражнения в нём, не отвлекаясь мыслью, он обретает знание покрова звука, ставшее устойчивым||36||
यः पुनः श्रूयते शब्दस्तदन्ते शङ्खनादवत्।
Yaḥ punaḥ śrūyate śabdastadante śaṅkhanādavat|
प्रलयाकलरूपं तदभ्यस्यं तत्फलेप्सुभिः॥३७॥
Pralayākalarūpaṁ tadabhyasyaṁ tatphalepsubhiḥ||37||
А тот звук, что слышится в конце его, подобный гулу раковины, — то облик Pralayākala, и упражняться в нём должно тем, кто ищет его плода||37||
स एवातितरामन्यशब्दप्रच्छादको यदा।
Sa evātitarāmanyaśabdapracchādako yadā|
विज्ञानाकल इत्युक्तस्तदासावपराजिते॥३८॥
Vijñānākala ityuktastadāsāvaparājite||38||
Когда он же сверх меры заглушает иные звуки, — тогда он зовётся Vijñānākala, о Непобедимая||38||
मनोह्लादकरो योऽन्यस्तदन्ते संविभाव्यते।
Manohlādakaro yo'nyastadante saṁvibhāvyate|
स मन्त्र इति विज्ञेयो योगिभिर्योगकाङ्क्षिभिः॥३९॥
Sa mantra iti vijñeyo yogibhiryogakāṅkṣibhiḥ||39||
Тот иной, что распознаётся в конце его и творит отраду уму, — его должно знать как Mantra — йогинам, взыскующим Йоги||39||
ततस्तु श्रूयते योऽन्यः शान्तघण्टानिनादवत्।
Tatastu śrūyate yo'nyaḥ śāntaghaṇṭāninādavat|
स मन्त्रेश इति प्रोक्तः सर्वसिद्धिफलप्रदः॥४०॥
Sa mantreśa iti proktaḥ sarvasiddhiphalapradaḥ||40||
А тот иной, что слышится затем, подобный затихающему звону колокола, — он объявлен как Mantreśa, дарующий плод всех совершенств||40||
घण्टानादविरामान्ते यः शब्दः सम्प्रजायते।
Ghaṇṭānādavirāmānte yaḥ śabdaḥ samprajāyate|
मन्त्रेशेशपदं तद्धि सिद्धीनां कारणं महत्॥४१॥
Mantreśeśapadaṁ taddhi siddhīnāṁ kāraṇaṁ mahat||41||
Тот звук, что рождается по прекращении колокольного звона, — он и есть (tat hi) место Mantreśeśa, великая причина совершенств||41||
अनिलेनाहता वीणा यादृङ्नादं विमुञ्चति।
Anilenāhatā vīṇā yādṛṅnādaṁ vimuñcati|
तादृशो यो ध्वनिस्तत्र तं विद्याच्छाम्भवं पदम्॥४२॥
Tādṛśo yo dhvanistatra taṁ vidyācchāmbhavaṁ padam||42||
Какой звук издаёт вина, тронутая ветром, — таково звучание, что там; его да знает он как место Śambhu||42||
पृथग्वा क्रमशो वापि सर्वानेतान्समभ्यसेत्।
Pṛthagvā kramaśo vāpi sarvānetānsamabhyaset|
प्राप्नोति सर्ववित्सिद्धिः शब्दावरणमाश्रिताः॥४३॥
Prāpnoti sarvavitsiddhiḥ śabdāvaraṇamāśritāḥ||43||
इत्येताः कथिताः पञ्च तन्मात्राणां तु धारणाः।
Ityetāḥ kathitāḥ pañca tanmātrāṇāṁ tu dhāraṇāḥ|
Порознь или по порядку да упражняется он во всех этих. Он обретает совершенства всеведения, что держатся в покрове звука. Таковы изложенные пять дхаран танматр||43||
इति श्रीमालिनीविजयोत्तरे तन्त्रे तन्मात्रधारणाधिकारश्चतुर्दशः॥१४॥
Iti śrīmālinīvijayottare tantre tanmātradhāraṇādhikāraścaturdaśaḥ||14||
Здесь кончается четырнадцатая глава, толкующая о дхаранах танматр, достопочтенной Mālinīvijayottaratantra||14||
← Глава 13 — Bhūtajayādhikāraḥ · Глава 15 — Akṣadhāraṇādhikāraḥ →
Санскрит (деванагари и IAST) перенесён без изменений с сайта Габриэля Pradīpaka: Глава 14 — Tanmātradhāraṇādhikāraḥ. Английского изложения для этой главы у него нет — под каждой строфой стоит пометка «Untranslated yet». Перевод сделан здесь прямо с санскрита, при поддержке Claude Code, и опоры в чужом разборе у него нет: санскритское слово стоит над русским, чтобы читатель мог проверить каждое.