Kashmir Shaivism · Śivastotrāvalī · Glossary of terms · Site search · This part at the source
← Hymn 12 — Rahasyanirdeśanāma dvādaśaṁ stotram · Hymn 14 — Jayastotranāma caturdaśaṁ stotram →
सङ्ग्रहेन सुखदुःखलक्षणं मां प्रति स्थितमिदं शृणु प्रभो।
Saṅgrahena sukhaduḥkhalakṣaṇaṁ māṁ prati sthitamidaṁ śṛṇu prabho|
सौख्यमेष भवता समागमः स्वामिना विरह एव दुःखिता॥१३.१॥
Saukhyameṣa bhavatā samāgamaḥ svāminā viraha eva duḥkhitā||13.1||
O Lord, hear in brief this very thing, which stands with me as the mark of happiness and sorrow: happiness — this very meeting with You, the Lord; sorrow — only separation||13.1||
अन्तरप्यतितरामणीयसी या त्वदप्रथनकालिकास्ति मे।
Antarapyatitarāmaṇīyasī yā tvadaprathanakālikāsti me|
तामपीश परिमृज्य सर्वतः स्वं स्वरूपममलं प्रकाशय॥१३.२॥
Tāmapīśa parimṛjya sarvataḥ svaṁ svarūpamamalaṁ prakāśaya||13.2||
Lord, and that most subtle cloud of ignorance about You, that is within me, — wipe away from everywhere and reveal my own spotless nature||13.2||
तावके वपुषि विश्वनिर्भरे चित्सुधारसमये निरत्यये।
Tāvake vapuṣi viśvanirbhare citsudhārasamaye niratyaye|
तिष्ठतः सततमर्चतः प्रभुं जीवितं मृतमथान्यदस्तु मे॥१३.३॥
Tiṣṭhataḥ satatamarcataḥ prabhuṁ jīvitaṁ mṛtamathānyadastu me||13.3||
May there be for me, who stands and constantly worshipping the Lord in Your body, full of the universe, woven from the nectarous juice of Consciousness, indestructible — let there be whether life, whether death, whether something else||13.3||
ईश्वरोऽहमहमेव रूपवान्पण्डितोऽस्मि सुभगोऽस्मि कोऽपरः।
Īśvaro'hamahameva rūpavānpaṇḍito'smi subhago'smi ko'paraḥ|
मत्समोऽस्ति जगतीति शोभते मानिता त्वदनुरागिणः परम्॥१३.४॥
Matsamo'sti jagatīti śobhate mānitā tvadanurāgiṇaḥ param||13.4||
“I — the lord, I alone (aham eva) am beautiful, I am learned, I am fortunate, who else in the world is equal to me?” — thus shines pride, and only in one who is in love with Thee||13.4||
देवदेव भवदद्वयामृताख्यातिसंहरणलब्धजन्मना।
Devadeva bhavadadvayāmṛtākhyātisaṁharaṇalabdhajanmanā|
तद्यथास्थितपदार्थसंविदा मां कुरुष्व चरणार्चनोचितम्॥१३.५॥
Tadyathāsthitapadārthasaṁvidā māṁ kuruṣva caraṇārcanocitam||13.5||
God of gods, by that consciousness of things as they are, which is born from the destruction of ignorance of the nectar of non-duality with Thee, — make me fit for the worship of Thy feet||13.5||
ध्यायते तदनु दृश्यते ततः स्पृश्यते च परमेश्वरः स्वयम्।
Dhyāyate tadanu dṛśyate tataḥ spṛśyate ca parameśvaraḥ svayam|
यत्र पूजनमहोत्सवः स मे सर्वदास्तु भवतोऽनुभावतः॥१३.६॥
Yatra pūjanamahotsavaḥ sa me sarvadāstu bhavato'nubhāvataḥ||13.6||
Let mine always, by Thy power, may that great festival of worship, where is contemplated, then is seen, and afterwards also is touched the Self Supreme Lord||13.6||
यद्यथास्थितपदार्थदर्शनं युष्मदर्चनमहोत्सवश्च यः।
Yadyathāsthitapadārthadarśanaṁ yuṣmadarcanamahotsavaśca yaḥ|
युग्ममेतदितरेतराश्रयं भक्तिशालिषु सदा विजृम्भते॥१३.७॥
Yugmametaditaretarāśrayaṁ bhaktiśāliṣu sadā vijṛmbhate||13.7||
Vision of things as they are and the great festival of worshipping You — this pair, resting one upon the other, always unfolds in those full of devotion||13.7||
तत्तदिन्द्रियमुखेन सन्ततं युष्मदर्चनरसायनासवम्।
Tattadindriyamukhena santataṁ yuṣmadarcanarasāyanāsavam|
सर्वभावचषकेषु पूरितेष्वापिबन्नपि भवेयमुन्मदः॥१३.८॥
Sarvabhāvacaṣakeṣu pūriteṣvāpibannapi bhaveyamunmadaḥ||13.8||
May I be intoxicated, and unceasingly drink through these and those senses the intoxicating potion of worshipping You — from the filled cups of all things||13.8||
अन्यवेद्यमणुमात्रमस्ति न स्वप्रकाशमखिलं विजृम्भते।
Anyavedyamaṇumātramasti na svaprakāśamakhilaṁ vijṛmbhate|
यत्र नाथ भवतः पुरे स्थितं तत्र मे कुरु सदा तवार्चितुः॥१३.९॥
Yatra nātha bhavataḥ pure sthitaṁ tatra me kuru sadā tavārcituḥ||13.9||
Lord, where there is not even an atom of what is knowable by another, where everything unfolds as self-luminous — in that Your city grant me, who worships You, a place forever||13.9||
दासधाम्नि विनियोजितोऽप्यहं स्वेच्छयैव परमेश्वर त्वया।
Dāsadhāmni viniyojito'pyahaṁ svecchayaiva parameśvara tvayā|
दर्शनेन न किमस्मि पात्रितः पादसंवहनकर्मणापि वा॥१३.१०॥
Darśanena na kimasmi pātritaḥ pādasaṁvahanakarmaṇāpi vā||13.10||
The Supreme Lord, though I am appointed by Thee — by Thy will alone — to the station of a servant, — why then am I not deemed worthy neither of beholding, nor even of the work of massaging Thy feet?||13.10||
शक्तिपातसमये विचारणं प्राप्तमीश न करोषि कर्हिचित्।
Śaktipātasamaye vicāraṇaṁ prāptamīśa na karoṣi karhicit|
अद्य मां प्रति किमागतं यतः स्वप्रकाशनविधौ विलम्बसे॥१३.११॥
Adya māṁ prati kimāgataṁ yataḥ svaprakāśanavidhau vilambase||13.11||
Lord, at the time of the descent of Power fitting would be an inquiry — but You do not make it ever. What then today has come to me, that You delay with the matter of Your manifestation?||13.11||
तत्र तत्र विषये बहिर्विभात्यन्तरे च परमेश्वरीयुतम्।
Tatra tatra viṣaye bahirvibhātyantare ca parameśvarīyutam|
त्वां जगत्त्रितयनिर्भरं सदा लोकयेय निजपाणिपूजितम्॥१३.१२॥
Tvāṁ jagattritayanirbharaṁ sadā lokayeya nijapāṇipūjitam||13.12||
Indeed I see always Thee, full of the three worlds, together with the Supreme Mistress, — in this and that object, shining outside and within, worshipped by one’s own hand||13.12||
स्वामिसौधमभिसन्धिमात्रतो निर्विबन्धमधिरुह्य सर्वदा।
Svāmisaudhamabhisandhimātrato nirvibandhamadhiruhya sarvadā|
स्यां प्रसादपरमामृतासवापानकेलिपरिलब्धनिर्वृतिः॥१३.१३॥
Syāṁ prasādaparamāmṛtāsavāpānakeliparilabdhanirvṛtiḥ||13.13||
May I always, by mere intention alone unobstructed having ascended to the palace of the Lord, having found peace in the play of drinking the intoxicating nectar of supreme grace||13.13||
यत्समस्तसुभगार्थवस्तुषु स्पर्शमात्रविधिना चमत्कृतिम्।
Yatsamastasubhagārthavastuṣu sparśamātravidhinā camatkṛtim|
तां समर्पयति तेन ते वपुः पूजयन्त्यचलभक्तिशालिनः॥१३.१४॥
Tāṁ samarpayati tena te vapuḥ pūjayantyacalabhaktiśālinaḥ||13.14||
Therefore that Your body in all delightful things by mere touch alone bestows that delight, — him they honor those who are full of unwavering devotion||13.14||
स्फारयस्यखिलमात्मना स्फुरन्विश्वमामृशसि रूपमामृशन्।
Sphārayasyakhilamātmanā sphuranviśvamāmṛśasi rūpamāmṛśan|
यत्स्वयं निजरसेन घुर्णसे तत्समुल्लसति भावमण्डलम्॥१३.१५॥
Yatsvayaṁ nijarasena ghurṇase tatsamullasati bhāvamaṇḍalam||13.15||
You reveal everything by Yourself, shining; You touch the universe, touching Your own form. Because You Yourself revolve with Your own taste, — therefore it blazes forth the circle of things||13.15||
योऽविकल्पमिदमर्थमण्डलं पश्यतीश निखिलं भवद्वपुः।
Yo'vikalpamidamarthamaṇḍalaṁ paśyatīśa nikhilaṁ bhavadvapuḥ|
स्वात्मपक्षपरिपूरिते जगत्यस्य नित्यसुखिनः कुतो भयम्॥१३.१६॥
Svātmapakṣaparipūrite jagatyasya nityasukhinaḥ kuto bhayam||13.16||
The Lord, who sees the whole this circle of objects without differentiating thought — like Your body, — to him, eternally blissful in the world, filled with the side of one’s own self, whence could fear arise?||13.16||
कण्ठकोणविनिविष्टमीश ते कालकूटमपि मे महामृतम्।
Kaṇṭhakoṇaviniviṣṭamīśa te kālakūṭamapi me mahāmṛtam|
अप्युपात्तममृतं भवद्वपुर्भेदवृत्ति यदि रोचते न मे॥१३.१७॥
Apyupāttamamṛtaṁ bhavadvapurbhedavṛtti yadi rocate na me||13.17||
The Lord, even the poison kālakūṭa, lodged in the corner of Your throat, — for me is great nectar; but even the obtained nectar is not pleasing to me, if Your body in it — with the activity of distinction||13.17||
त्वत्प्रलापमयरक्तगीतिकानि त्य युक्तवदनोपशोभितः।
Tvatpralāpamayaraktagītikāni tya yuktavadanopaśobhitaḥ|
स्यामथापि भवदर्चनक्रियाप्रेयसीपरिगताशयः सदा॥१३.१८॥
Syāmathāpi bhavadarcanakriyāpreyasīparigatāśayaḥ sadā||13.18||
May I be adorned with lips, ever engaged in loving songs of prattle about Thee, — and (atha api) always with a heart embraced by that beloved which is the act of worshipping Thee||13.18||
ईहितं न बत पारमेश्वरं शक्यते गणयितुं तथा च मे।
Īhitaṁ na bata pārameśvaraṁ śakyate gaṇayituṁ tathā ca me|
दत्तमप्यमृतनिर्भरं वपुः स्वं न पातुमनुमन्यते तथा॥१३.१९॥
Dattamapyamṛtanirbharaṁ vapuḥ svaṁ na pātumanumanyate tathā||13.19||
Ah, not can be counted the desires of the Supreme Lord! And likewise with me: even given His own body, full of nectar, He thus does not allow to drink||13.19||
त्वामगाधमविकल्पमद्वयं स्वं स्वरूपमखिलार्थघस्मरम्।
Tvāmagādhamavikalpamadvayaṁ svaṁ svarūpamakhilārthaghasmaram|
आविशन्नहमुमेश सर्वदा पूजयेयमभिसंस्तुवीय च॥१३.२०॥
Āviśannahamumeśa sarvadā pūjayeyamabhisaṁstuvīya ca||13.20||
Lord Umā, may I worship and praise always, entering into Thee — bottomless, without discriminating thought, non-dual, one’s own nature, devouring all things||13.20||
← Hymn 12 — Rahasyanirdeśanāma dvādaśaṁ stotram · Hymn 14 — Jayastotranāma caturdaśaṁ stotram →
Sanskrit (Devanāgarī and IAST) has been carried over unchanged from the website of Gabriel Pradīpaka: Hymn 13 — Saṅgrahastotranāma trayodaśaṁ stotram. Stanzas 13.1–13.20 have been translated directly from Sanskrit, for this website: there is no exposition at the source that could serve as a basis for them.