Kashmir Shaivism · Śivastotrāvalī · Glossary of terms · Site search · This part at the source
← Hymn 11 — Autsukyaviśvasitanāmaikādaśaṁ stotram · Hymn 13 — Saṅgrahastotranāma trayodaśaṁ stotram →
सहकारि न किञ्चिदिष्यते भवतो न प्रतिबन्धकं दृषि।
Sahakāri na kiñcidiṣyate bhavato na pratibandhakaṁ dṛṣi|
भवतैव हि सर्वमाप्लुतं कथमद्यापि तथापि नेक्षसे॥१२.१॥
Bhavataiva hi sarvamāplutaṁ kathamadyāpi tathāpi nekṣase||12.1||
For Your vision no aid is needed any auxiliary and there is no obstacle. For by You alone everything is flooded, — how then do You even now still not see?||12.1||
अपि भावगणादपीन्द्रियप्रचयादप्यवबोधमध्यतः।
Api bhāvagaṇādapīndriyapracayādapyavabodhamadhyataḥ|
प्रभवन्तमपि स्वतः सदा परिपश्येयमपोढविश्वकम्॥१२.२॥
Prabhavantamapi svataḥ sadā paripaśyeyamapoḍhaviśvakam||12.2||
May I always contemplate Him who arises and from the multitude of things, and from the gathering of the senses, and from the midst of consciousness, — and yet Himself from Himself, having cast off the universe||12.2||
कथं ते जायेरन्कथमपि च ते दर्शनपथं व्रजेयुः केनापि प्रकृतिमहताङ्केन खचितः।
Kathaṁ te jāyerankathamapi ca te darśanapathaṁ vrajeyuḥ kenāpi prakṛtimahatāṅkena khacitaḥ|
तथोत्थायोत्थाय स्थलजलतृणादेरखिलतः पदार्थद्यान्सृष्टिस्रवदमृतपूरैर्विकिरसि॥१२.३॥
Tathotthāyotthāya sthalajalatṛṇāderakhilataḥ padārthadyānsṛṣṭisravadamṛtapūrairvikirasi||12.3||
How they would be born and how indeed (katham api) would they go out onto the path of vision? Marked with some (kena api) sign, great by its very nature, Thou thus, rising and rising, scatterest forth those things — dry land, water, grass, and so forth, from everywhere, — with streams of nectar flowing from creation — the stanza is obscure: the subject of the first half remains unnamed — (sṛṣṭi-sravat-amṛta-pūraiḥ)||12.3||
साक्षत्कृत भवद्रूपप्रसृतामृततर्पिताः।
Sākṣatkṛta bhavadrūpaprasṛtāmṛtatarpitāḥ|
उन्मूलिततृषो मत्ता विचरन्ति यथारुचि॥१२.४॥
Unmūlitatṛṣo mattā vicaranti yathāruci||12.4||
Those who have directly seen, satiated with the nectar flowing from Your form, with thirst uprooted, intoxicated, — they wander as they please||12.4||
न तदा न सदा न चैकदेत्यपि सा यत्र न कालधीर्भवेत्।
Na tadā na sadā na caikadetyapi sā yatra na kāladhīrbhavet|
तदिदं भवदीयदर्शनं न च नित्यं न च कथ्यतेऽन्यथा॥१२.५॥
Tadidaṁ bhavadīyadarśanaṁ na ca nityaṁ na ca kathyate'nyathā||12.5||
Neither “then”, nor “always”, nor “once”: there not is and that thought of time. This very vision of You is not eternal, and otherwise not will you call it||12.5||
त्वद्विलोकनसमुत्कचेतसो योगसिद्धिरियती सदास्तु मे।
Tvadvilokanasamutkacetaso yogasiddhiriyatī sadāstu me|
यद्विशेयमभिसन्धिमात्रतस्त्वत्सुधासदनमर्चनाय ते॥१२.६॥
Yadviśeyamabhisandhimātratastvatsudhāsadanamarcanāya te||12.6||
Let there be for me always such perfection of yoga — for one whose mind soars from beholding Thee: that by mere intention alone I might enter Thy nectarous abode — to worship Thee||12.6||
निर्विकल्पभवदीयदर्शनप्रप्तिफुल्लमनसां महात्मनाम्।
Nirvikalpabhavadīyadarśanapraptiphullamanasāṁ mahātmanām|
उल्लसन्ति विमलानि हेलया चेष्टितानि च वचांसि च स्फुटम्॥१२.७॥
Ullasanti vimalāni helayā ceṣṭitāni ca vacāṁsi ca sphuṭam||12.7||
In great souls, whose minds have blossomed fromthe attained vision of You without differentiating thought, playfully and clearly shine pure deeds and words||12.7||
भवन्भवदीयपादयोर्निवसन्नन्तर एव निर्भयः।
Bhavanbhavadīyapādayornivasannantara eva nirbhayaḥ|
भवभूमिषु तासु तास्वहं प्रभुमर्चेयमनर्गलक्रियः॥१२.८॥
Bhavabhūmiṣu tāsu tāsvahaṁ prabhumarceyamanargalakriyaḥ||12.8||
Being and living within Thy feet, fearless, — may I worship the Lord on these and those stages of existence, with actions unhindered||12.8||
भवदङ्घ्रिसरोरुहोदरे परिलीनो गलितपरैषणः।
Bhavadaṅghrisaroruhodare parilīno galitaparaiṣaṇaḥ|
अतिमात्रमधूपयोगतः परितृप्तो विचरेयमिच्छया॥१२.९॥
Atimātramadhūpayogataḥ paritṛpto vicareyamicchayā||12.9||
Dissolved in the lotus cup of Your feet, with other desires fallen away, completely satiated by the honey drunk beyond measure, — may I wander at will||12.9||
यस्य दम्भादिव भवत्पूजासङ्कल्प उत्थितः।
Yasya dambhādiva bhavatpūjāsaṅkalpa utthitaḥ|
तस्याप्यवश्यमुदितं सन्निधानं तवोचितम्॥१२.१०॥
Tasyāpyavaśyamuditaṁ sannidhānaṁ tavocitam||12.10||
In whom the intention to worship You arose as if from hypocrisy, — and in him surely arose the presence, worthy of You (tava ucitam)||12.10||
भगवन्नितरानपेक्षिणा नितरामेकरसेन चेतसा।
Bhagavannitarānapekṣiṇā nitarāmekarasena cetasā|
सुलभं सकलोपशायिनं प्रभुमातृप्ति पिबेयमस्मि किम्॥१२.११॥
Sulabhaṁ sakalopaśāyinaṁ prabhumātṛpti pibeyamasmi kim||12.11||
The Lord, with consciousness, dependent on nothing else and entirely of a single flavor, — what prevents me from drinking to satiety the easily accessible Lord, reclining in all?||12.11||
त्वया निराकृतं सर्वं हेयमेतत्तदेव तु।
Tvayā nirākṛtaṁ sarvaṁ heyametattadeva tu|
त्वन्मयं समुपादेयमित्ययं सारसङ्ग्रहः॥१२.१२॥
Tvanmayaṁ samupādeyamityayaṁ sārasaṅgrahaḥ||12.12||
All, that by Thee rejected, — that indeed should be discarded; but the very same, consisting of Thee, should be accepted. Thus this whole compendium of essence||12.12||
भवतोऽन्तरचारि भावजातं प्रभुवन्मुख्यतयैव पूजितं तत्।
Bhavato'ntaracāri bhāvajātaṁ prabhuvanmukhyatayaiva pūjitaṁ tat|
भवतो बहिरप्यभावमात्रा कथमीशान्भवेत्समर्च्यते वा॥१२.१३॥
Bhavato bahirapyabhāvamātrā kathamīśānbhavetsamarcyate vā||12.13||
That multitude of things, which moves within You, is honored as the principal — like the Lord Himself. The Sovereign, and outside You how could there be even a measure of non-being — and how could it be worshipped?||12.13||
निःशब्दं निर्विकल्पं च निर्व्याक्षेपमथानिसम्।
Niḥśabdaṁ nirvikalpaṁ ca nirvyākṣepamathānisam|
क्षोभेऽप्यध्यक्षमी क्षेयं त्र्यक्ष त्वामेव सर्वतः॥१२.१४॥
Kṣobhe'pyadhyakṣamī kṣeyaṁ tryakṣa tvāmeva sarvataḥ||12.14||
Three-eyed, may I see You alone from everywhere — soundlessly, without discriminating thought and without distraction, unceasingly, directly even in turmoil||12.14||
प्रकटय निजधाम देव यस्मिंस्त्वमसि सदा परमेश्वरीसमेतः।
Prakaṭaya nijadhāma deva yasmiṁstvamasi sadā parameśvarīsametaḥ|
प्रभुचरणरजःसमानकक्ष्याः किमविश्वासपदं भान्ति भृत्याः॥१२.१५॥
Prabhucaraṇarajaḥsamānakakṣyāḥ kimaviśvāsapadaṁ bhānti bhṛtyāḥ||12.15||
O God, reveal Your own abode, in which You always together with the Supreme Mistress. Do servants, who are of the same rank as the dust from the feet of the Master, appear as a place of distrust?||12.15||
दर्शनपथमुपयातोऽप्यपसरसि कुतो ममेश भृत्यस्य।
Darśanapathamupayāto'pyapasarasi kuto mameśa bhṛtyasya|
क्षणमात्रकमिह न भवसि कस्य न जन्तोर्दृशोर्विषयः॥१२.१६॥
Kṣaṇamātrakamiha na bhavasi kasya na jantordṛśorviṣayaḥ||12.16||
Lord, having come onto the path of sight, why do You depart from me, Your servant? Of what creature here are You even for a moment not the object of the eyes?||12.16||
ऐक्यसंविदमृताच्छधारया सन्ततप्रसृतया कदा विभो।
Aikyasaṁvidamṛtācchadhārayā santataprasṛtayā kadā vibho|
प्लावनात्परमभेदमानयंस्त्वां निजं च वपुराप्नुयां मुदम्॥१२.१७॥
Plāvanātparamabhedamānayaṁstvāṁ nijaṁ ca vapurāpnuyāṁ mudam||12.17||
When, the All-pervading One, from flooding with the continuously flowing clear stream of the nectar of the consciousness of unity, having brought Thee and one’s own body to the highest non-distinction (param abhedam), shall I obtain joy?||12.17||
अहमित्यमुतोऽवरुद्धलोकाद्भवदीयात्प्रतिपत्तिसारतो मे।
Ahamityamuto'varuddhalokādbhavadīyātpratipattisārato me|
अणुमात्रकमेव विश्वनिष्ठं घटतां येन भवेयमर्चिता ते॥१२.१८॥
Aṇumātrakameva viśvaniṣṭhaṁ ghaṭatāṁ yena bhaveyamarcitā te||12.18||
Let from this of Yours “self” (aham iti), by which the world is sealed off, from the very essence of comprehension may be formed in me even but a grain of that which rests upon the universe, — by which I might become Thou honoured — as in 5.24, “arcitā” stands in the feminine form — (arcitā)||12.18||
अपरिमितरूपमहं तं तं भावं प्रतिक्षणं पश्यन्।
Aparimitarūpamahaṁ taṁ taṁ bhāvaṁ pratikṣaṇaṁ paśyan|
त्वामेव विश्वरूपं निजनाथं साधु पश्येयम्॥१२.१९॥
Tvāmeva viśvarūpaṁ nijanāthaṁ sādhu paśyeyam||12.19||
Seeing every moment this and that thing in immeasurable forms, — may I see properly You alone, having the form of the universe, my own Lord||12.19||
भवदङ्गगतं तमेव कस्मान्न मनः पर्यटतीष्टमर्थमर्थम्।
Bhavadaṅgagataṁ tameva kasmānna manaḥ paryaṭatīṣṭamarthamartham|
प्रकृतिक्षतिरस्ति नो तथास्य मम चेच्छा परिपूर्यते परैव॥१२.२०॥
Prakṛtikṣatirasti no tathāsya mama cecchā paripūryate paraiva||12.20||
Why the mind does not go around that very desired object after object (artham artham), that lies in Your body? Loss to nature from that we have none, and my desire is fulfilled by the highest||12.20||
शतशः किल ते तवानुभावाद्भगवन्केऽप्यमुनैव चक्षुषा ये।
Śataśaḥ kila te tavānubhāvādbhagavanke'pyamunaiva cakṣuṣā ye|
अपि हालिकचेष्टया चरन्तः परिपश्यन्ति भवद्वपुः सदाग्रे॥१२.२१॥
Api hālikaceṣṭayā carantaḥ paripaśyanti bhavadvapuḥ sadāgre||12.21||
The Lord, by hundreds, they say, there are (ke api) those, who by Thy power with these very eyes, and while ploughing walking, always see before themselves Thy body||12.21||
न सा मतिरुदेति या न भवति त्वदिच्छामयी सदा शुभमथेतरद्भगवतैवमाचर्यते।
Na sā matirudeti yā na bhavati tvadicchāmayī sadā śubhamathetaradbhagavataivamācaryate|
अतोऽस्मि भवदात्मको भुवि यथा तथा सञ्चरन्स्थि तोऽनिशमबाधितत्वदमलङ्घ्रिपूजोत्सवः॥१२.२२॥
Ato'smi bhavadātmako bhuvi yathā tathā sañcaransthi to'niśamabādhitatvadamalaṅghripūjotsavaḥ||12.22||
Not arises that thought, which would not be consisting of Your will; always — auspicious whether or otherwise — is accomplished by the Lord in this way. Therefore I consist of You and, on earth as so wandering, I stand unceasingly in the festival of worship of Your immaculate feet, which is unobstructed||12.22||
भवदीयगभीरभाषितेषु प्रतिभा सम्यगुदेतु मे पुरोऽतः।
Bhavadīyagabhīrabhāṣiteṣu pratibhā samyagudetu me puro'taḥ|
तदनुष्ठितशक्तिरप्यतस्तद्भवदर्चाव्यसनं च निर्विरामम्॥१२.२३॥
Tadanuṣṭhitaśaktirapyatastadbhavadarcāvyasanaṁ ca nirvirāmam||12.23||
Let from now on before me my properly may arise insight into Your profound utterances, and from it — also the power to accomplish them, and unremitting devotion to worshipping You||12.23||
व्यवहारपदेऽपि सर्वदा प्रतिभात्वर्थकलाप एष माम्।
Vyavahārapade'pi sarvadā pratibhātvarthakalāpa eṣa mām|
भवतोऽवयवो यथा न तु स्वत एवादरणीयतां गतः॥१२.२४॥
Bhavato'vayavo yathā na tu svata evādaraṇīyatāṁ gataḥ||12.24||
Let it be in the state of common usage always all this aggregate of objects appears to me as Your part — and not (na tu) as that which has become worthy of reverence by itself||12.24||
मनसि स्वरसेन यत्र तत्र प्रचरत्यप्यहमस्य गोचरेषु।
Manasi svarasena yatra tatra pracaratyapyahamasya gocareṣu|
प्रसृतोऽप्यविलोल एव युष्मत्परिचर्याचतुरः सदा भवेयम्॥१२.२५॥
Prasṛto'pyavilola eva yuṣmatparicaryācaturaḥ sadā bhaveyam||12.25||
Though the mind with its own taste and runs here and there (yatra tatra), though I am also spread through its domains, — may I be always unwavering and skillful in serving You||12.25||
भगवन्भवदिच्छयैव दासस्तव जातोऽस्मि परस्य नात्र शक्तिः।
Bhagavanbhavadicchayaiva dāsastava jāto'smi parasya nātra śaktiḥ|
कथमेष तथापि वक्त्रबिम्बं तव पश्यामि न जातु चित्रमेतत्॥१२.२६॥
Kathameṣa tathāpi vaktrabimbaṁ tava paśyāmi na jātu citrametat||12.26||
O Lord, by Your will alone I have become Your servant; power of another here there is none. How then yet I never do not see the orb of Your face? This indeed is a wonder||12.26||
समुत्सुकास्त्वां प्रति ये भवन्तं प्रत्यर्थरूपादवलोकयन्ति।
Samutsukāstvāṁ prati ye bhavantaṁ pratyartharūpādavalokayanti|
तेषामहो किं तदुपस्थितं स्यात्किं साधनं वा फलितं भवेत्तत्॥१२.२७॥
Teṣāmaho kiṁ tadupasthitaṁ syātkiṁ sādhanaṁ vā phalitaṁ bhavettat||12.27||
Those, who, yearning for You, see You in the form of every thing, — ah, what for them could remain unattained? What means or what fruit is not (na bhavet) produced?||12.27||
भावा भावतया सन्तु भवद्भावेन मे भव।
Bhāvā bhāvatayā santu bhavadbhāvena me bhava|
तथा न किञ्चिदप्यस्तु न किञ्चिद्भवतोऽन्यथा॥१२.२८॥
Tathā na kiñcidapyastu na kiñcidbhavato'nyathā||12.28||
Let things be things; become for me the being of You. And then let there be not anything — nothing, other than You||12.28||
यन्न किञ्चिदपि तन्न किञ्चिदप्यस्तु किञ्चिदपि किञ्चिदेव मे।
Yanna kiñcidapi tanna kiñcidapyastu kiñcidapi kiñcideva me|
सर्वथा भवतु तावता भवान्सर्वतो भवति लब्धपूजितः॥१२.२९॥
Sarvathā bhavatu tāvatā bhavānsarvato bhavati labdhapūjitaḥ||12.29||
Let that, which is nothing, be for me nothing, and anything at all — anything at all. However it may be — by this alone You from everywhere are obtained and honored||12.29||
← Hymn 11 — Autsukyaviśvasitanāmaikādaśaṁ stotram · Hymn 13 — Saṅgrahastotranāma trayodaśaṁ stotram →
Sanskrit (Devanāgarī and IAST) has been carried over unchanged from the website of Gabriel Pradīpaka: Hymn 12 — Rahasyanirdeśanāma dvādaśaṁ stotram. Stanzas 12.1–12.29 have been translated directly from the Sanskrit, for this site: there is no exposition at the source that could serve as a basis for them.