Kashmir Shaivism · Śivastotrāvalī · Glossary of terms · Site search · This part at the source
← Hymn 9 — Svātantryavijayākhyaṁ navamaṁ stotram · Hymn 11 — Autsukyaviśvasitanāmaikādaśaṁ stotram →
न सोढव्यमवश्यं ते जगदेकप्रभोरिदम्।
Na soḍhavyamavaśyaṁ te jagadekaprabhoridam|
माहेश्वराश्च लोकानामितरेषां समाश्च यत्॥१०.१॥
Māheśvarāśca lokānāmitareṣāṁ samāśca yat||10.1||
To thee, the sole Lord of the world, certainly not should be endured this very: that the people of the Great Lord and are equal to other people||10.1||
ये सदैवानुरागेण भवत्पादानुगामिनः।
Ye sadaivānurāgeṇa bhavatpādānugāminaḥ|
यत्र तत्र गता भोगांस्ते कांश्चिदुपभुञ्जते॥१०.२॥
Yatra tatra gatā bhogāṁste kāṁścidupabhuñjate||10.2||
Those, who always with love follow Your footsteps, — wherever they may go, they enjoy some pleasures||10.2||
भर्ता कालान्तको यत्र भवांस्तत्र कुतो रुजः।
Bhartā kālāntako yatra bhavāṁstatra kuto rujaḥ|
तत्र चेतरभोगाशा का लक्ष्मीर्यत्र तावकी॥१०.३॥
Tatra cetarabhogāśā kā lakṣmīryatra tāvakī||10.3||
Where You — the lord, destroying time itself, there whence could diseases arise? And what there hope for other pleasures, where — Your fortune?||10.3||
क्षनमात्रसुखेनापि विभुर्येनासि लभ्यसे।
Kṣanamātrasukhenāpi vibhuryenāsi labhyase|
तदैव सर्वः कालोऽस्य त्वदानन्देन पूर्यते॥१०.४॥
Tadaiva sarvaḥ kālo'sya tvadānandena pūryate||10.4||
All-pervading, it is You who are to be attained even by the happiness of a single moment — by that very thing immediately all the time of this person is filled with Your bliss||10.4||
आनन्दरसबिन्दुस्ते चन्द्रमा गलितो भुवि।
Ānandarasabinduste candramā galito bhuvi|
सूर्यस्तथा ते प्रसृतः संहारी तेजसः कणः॥१०.५॥
Sūryastathā te prasṛtaḥ saṁhārī tejasaḥ kaṇaḥ||10.5||
The moon — is Your drop of the juice of bliss, fallen to the earth; and the sun — likewise a spread-out spark of Your heat, bringing destruction||10.5||
बलिं यामस्तृतीयाय नेत्रायास्मै तव प्रभो।
Baliṁ yāmastṛtīyāya netrāyāsmai tava prabho|
अलौकिकस्य कस्यापि माहात्म्यस्यैकलक्ष्मणे॥१०.६॥
Alaukikasya kasyāpi māhātmyasyaikalakṣmaṇe||10.6||
O Lord, we offer a sacrifice to this Your third eye — the sole mark of a certain (kasya api) otherworldly greatness||10.6||
तेनैव दृष्टोऽसि भवद्दर्शनाद्योऽतिहृष्यति।
Tenaiva dṛṣṭo'si bhavaddarśanādyo'tihṛṣyati|
कथञ्चिद्यस्य वा हर्षः कोऽपि तेन त्वमीक्षितः॥१०.७॥
Kathañcidyasya vā harṣaḥ ko'pi tena tvamīkṣitaḥ||10.7||
By you (tena eva) seen he who from beholding You does not remember himself for joy; and he who has any at all joy — by him You are seen||10.7||
येषां प्रसन्नोऽसि विभो यैर्लब्धं हृदयं तव।
Yeṣāṁ prasanno'si vibho yairlabdhaṁ hṛdayaṁ tava|
आकृष्य त्वत्पुरात्तैस्तु बाह्यमाभ्यन्तरीकृतम्॥१०.८॥
Ākṛṣya tvatpurāttaistu bāhyamābhyantarīkṛtam||10.8||
All-pervading, those, to whom You are gracious, they, by whom is obtained Your heart, — they indeed, having drawn out the external from Your city, made it internal||10.8||
त्वदृते निखिलं विश्वं समदृग्यातमीक्ष्यताम्।
Tvadṛte nikhilaṁ viśvaṁ samadṛgyātamīkṣyatām|
ईश्वरः पुनरेतस्य त्वमेको विषमेक्षणः॥१०.९॥
Īśvaraḥ punaretasya tvameko viṣamekṣaṇaḥ||10.9||
Without You all the universe is seen as having come to an even gaze; but You — the sole Lord of it, gazing unevenly — «viṣamekṣaṇa» at once “gazing unevenly” and “three-eyed”: the third eye makes the count odd — (viṣama-īkṣaṇaḥ)||10.9||
आस्तां भवत्प्रभावेण विना सत्तैव नास्ति यत्।
Āstāṁ bhavatprabhāveṇa vinā sattaiva nāsti yat|
त्वद्दूषणकथा येषां त्वदृते नोपपद्यते॥१०.१०॥
Tvaddūṣaṇakathā yeṣāṁ tvadṛte nopapadyate||10.10||
Let us leave aside that, which without Your power has no being at all: for those even speech that censures You, without You does not come to be||10.10||
बाह्यान्तरान्तरायालीकेवले चेतसि स्थितिः।
Bāhyāntarāntarāyālīkevale cetasi sthitiḥ|
त्वयि चेत्स्यान्मम विभो किमन्यदुपयुज्यते॥१०.११॥
Tvayi cetsyānmama vibho kimanyadupayujyate||10.11||
All-pervading, if my abiding will be in Thee — in the consciousness, remaining alone, free from obstacles external and internal, — what else is still needed?||10.11||
अन्ये भ्रमन्ति भगवन्नात्मन्येवातिदुःस्थिताः।
Anye bhramanti bhagavannātmanyevātiduḥsthitāḥ|
अन्ये भ्रमन्ति भगवन्नात्मन्येवातिसुस्थिताः॥१०.१२॥
Anye bhramanti bhagavannātmanyevātisusthitāḥ||10.12||
Some wander, O Lord, in the very self, being exceedingly ill-established; others wander, O Lord, in the very self, being exceedingly well-established||10.12||
अपीत्वापि भवद्भक्तिसुधामनवलोक्य च।
Apītvāpi bhavadbhaktisudhāmanavalokya ca|
त्वामीश त्वत्समाचारमात्रात्सिद्ध्यन्ति जन्तवः॥१०.१३॥
Tvāmīśa tvatsamācāramātrātsiddhyanti jantavaḥ||10.13||
The Lord, even without having drunk the nectar of devotion to Thee and without having seen Thee, creatures attain perfection from mere association with Thee||10.13||
भृत्या वयं तव विभो तेन त्रिजगतां यथा।
Bhṛtyā vayaṁ tava vibho tena trijagatāṁ yathā|
बिभर्ष्यात्मानमेवं ते भर्त्तव्या वयमप्यलम्॥१०.१४॥
Bibharṣyātmānamevaṁ te bharttavyā vayamapyalam||10.14||
All-pervading, we — Thy servants. Therefore, as Thou sustainest Thyself in the three worlds, so also us Thee fully should sustain||10.14||
परानन्दामृतमये दृष्टोऽपि जगदात्मनि।
Parānandāmṛtamaye dṛṣṭo'pi jagadātmani|
त्वयि स्पर्शरसेऽत्यन्ततरसुत्कण्ठितोऽस्मि ते॥१०.१५॥
Tvayi sparśarase'tyantatarasutkaṇṭhito'smi te||10.15||
Though You are seen in the self of the world, consisting of the nectar of supreme bliss, — I immeasurably languish for You, for the juice of touching You||10.15||
देव दुःखान्यशेषाणि यानि संसारिणामपि।
Deva duḥkhānyaśeṣāṇi yāni saṁsāriṇāmapi|
घृत्याख्यभवदीयात्मयुतान्यायान्ति सह्यताम्॥१०.१६॥
Ghṛtyākhyabhavadīyātmayutānyāyānti sahyatām||10.16||
O God, all those sufferings, whatever there are of those wandering in the cycle, — having united with that self of Yours called steadfastness, become bearable||10.16||
सर्वज्ञे सर्वशक्तौ च त्वय्येव सति चिन्मये।
Sarvajñe sarvaśaktau ca tvayyeva sati cinmaye|
सर्वथाप्यसतो नाथ युक्तास्य जगतः प्रथा॥१०.१७॥
Sarvathāpyasato nātha yuktāsya jagataḥ prathā||10.17||
Lord, since there is You Yourself (tvayi eva) — all-knowing, all-powerful and consisting of Consciousness, — then it is fitting the manifestation of this world, in all respects non-existent||10.17||
त्वत्प्राणिताः स्फुरन्तीमे गुणा लोष्टोपमा अपि।
Tvatprāṇitāḥ sphurantīme guṇā loṣṭopamā api|
नृत्यन्ति पवनोद्धूताः कार्पासाः पिचवो यथा॥१०.१८॥
Nṛtyanti pavanoddhūtāḥ kārpāsāḥ picavo yathā||10.18||
Enlivened by Thee, they shine these guṇas, though they are like clods of earth, — they dance, lifted by the wind, like cotton fluffs||10.18||
यदि नाथ गुणेष्वात्माभिमानो न भवेत्ततः।
Yadi nātha guṇeṣvātmābhimāno na bhavettataḥ|
केन हीयेत जगतस्त्वदेकात्मतया प्रथा॥१०.१९॥
Kena hīyeta jagatastvadekātmatayā prathā||10.19||
O Lord, if there were not (na bhavet) in the guṇas the notion of oneself as the self, — by what then would diminish the manifestation of the world as one with Your self?||10.19||
वन्द्यास्तेऽपि महीयांसः प्रलयोपगता अपि।
Vandyāste'pi mahīyāṁsaḥ pralayopagatā api|
त्वत्कोपपावकस्पर्शपूता ये परमेश्वर॥१०.२०॥
Tvatkopapāvakasparśapūtā ye parameśvara||10.20||
The Supreme Lord, worthy of worship and those great ones, who, even having gone into dissolution, are purified by the touch of the fire of Your wrath||10.20||
महाप्रकाशवपुषि विस्पष्टे भवति स्थिते।
Mahāprakāśavapuṣi vispaṣṭe bhavati sthite|
सर्वतोऽपीश तत्कस्मात्तमसि प्रसराम्यहम्॥१०.२१॥
Sarvato'pīśa tatkasmāttamasi prasarāmyaham||10.21||
When clearly stands the body of the great Light — and stands everywhere, — the Lord, why then do I wander in darkness?||10.21||
अविभागो भवानेव स्वरूपममृतं मम।
Avibhāgo bhavāneva svarūpamamṛtaṁ mama|
तथापि मर्त्यधर्माणामहमेवैकमास्पदम्॥१०.२२॥
Tathāpi martyadharmāṇāmahamevaikamāspadam||10.22||
You Yourself, undivided, — my immortal own nature. And yet I — the sole abode of mortal qualities||10.22||
महेश्वरेति यस्यास्ति नामकं वाग्विभूषणम्।
Maheśvareti yasyāsti nāmakaṁ vāgvibhūṣaṇam|
प्रणामाङ्कश्च शिरसि स एवैकः प्रभावितः॥१०.२३॥
Praṇāmāṅkaśca śirasi sa evaikaḥ prabhāvitaḥ||10.23||
He alone and is endowed with power, he who has the ornament of speech — the name “Maheśvara”, and on the head the mark of homage||10.23||
सदसच्च भवानेव येन तेनाप्रयासतः।
Sadasacca bhavāneva yena tenāprayāsataḥ|
स्वरसेनैव भगवंस्तथा सिद्धिः कथं न मे॥१०.२४॥
Svarasenaiva bhagavaṁstathā siddhiḥ kathaṁ na me||10.24||
O Lord, since You Yourself — both the existent and the non-existent, then why without effort, by merely one’s own taste, does not come to me such perfection?||10.24||
शिवदासः शिवैकात्मा किं यन्नासादयेत्सुखम्।
Śivadāsaḥ śivaikātmā kiṁ yannāsādayetsukham|
तर्प्योऽस्मि देवमुख्यानामपि येनामृतासवैः॥१०.२५॥
Tarpyo'smi devamukhyānāmapi yenāmṛtāsavaiḥ||10.25||
What would not attain the servant of Śiva, who has one self with Śiva, — what happiness? For I am to be saturated with those intoxicating nectars, with which even the foremost of gods||10.25||
हृन्नाभ्योरन्तरालस्थः प्राणिनां पित्तविग्रहः।
Hṛnnābhyorantarālasthaḥ prāṇināṁ pittavigrahaḥ|
ग्रससे त्वं महावह्निः सर्वं स्थावरजङ्गमम्॥१०.२६॥
Grasase tvaṁ mahāvahniḥ sarvaṁ sthāvarajaṅgamam||10.26||
Standing with a body of bile in the interval between the heart and the navel of living beings, — Thou, great fire, devourest all the immovable and the movable||10.26||
← Hymn 9 — Svātantryavijayākhyaṁ navamaṁ stotram · Hymn 11 — Autsukyaviśvasitanāmaikādaśaṁ stotram →
Sanskrit (Devanāgarī and IAST) has been carried over unchanged from the website of Gabriel Pradīpaka: Hymn 10 — Avicchedabhaṅgākhyaṁ daśamaṁ stotram. Stanzas 10.1–10.26 have been translated directly from the Sanskrit, for this site: there is no exposition at the source on which one could rely for them.