Kashmir Shaivism · Śivastotrāvalī · Glossary of terms · Site search · This part at the source
← Hymn 5 — Svabalanideśanākhyaṁ pañcamaṁ stotram · Hymn 7 — Vidhuravijayanāmadheyaṁ saptamaṁ stotram →
क्षणमात्रमपीशान वियुक्तस्य त्वया मम।
Kṣaṇamātramapīśāna viyuktasya tvayā mama|
निबिडं तप्यमानस्य सदा भूया दृशः पदम्॥६.१॥
Nibiḍaṁ tapyamānasya sadā bhūyā dṛśaḥ padam||6.1||
Lord, to me, separated from Thee even for a moment and fiercely burning, — be always that which the eyes see||6.1||
वियोगसारे संसारे प्रियेण प्रभुणा त्वया।
Viyogasāre saṁsāre priyeṇa prabhuṇā tvayā|
अवियुक्तः सदैव स्यां जगतापि वियोजितः॥६.२॥
Aviyuktaḥ sadaiva syāṁ jagatāpi viyojitaḥ||6.2||
In the cycle, whose essence is separation, may I be always unseparated from Thee, the beloved Lord, — even if separated from all the world||6.2||
कायवाङ्मनसैर्यत्र यामि सर्वं त्वमेव तत्।
Kāyavāṅmanasairyatra yāmi sarvaṁ tvameva tat|
इत्येष परमार्थोऽपि परिपूर्णोऽस्तु मे सदा॥६.३॥
Ityeṣa paramārtho'pi paripūrṇo'stu me sadā||6.3||
“Wherever I may go with body, speech, and mind, all that — Thou Thyself” — let this highest truth and be for me always full||6.3||
निर्विकल्पो महानन्दपूर्णो यद्वद्भवांस्तथा।
Nirvikalpo mahānandapūrṇo yadvadbhavāṁstathā|
भवत्स्तुतिकरी भूयादनुरूपैव वाङ्मम॥६.४॥
Bhavatstutikarī bhūyādanurūpaiva vāṅmama||6.4||
As Thou — without discriminating thought, full of great bliss, so too may it become and my speech, offering praise to Thee, worthy of Thee||6.4||
भवदावेशतः पश्यन्भावं भावं भवन्मयम्।
Bhavadāveśataḥ paśyanbhāvaṁ bhāvaṁ bhavanmayam|
विचरेयं निराकाङ्क्षः प्रहर्षपरिपूरितः॥६.५॥
Vicareyaṁ nirākāṅkṣaḥ praharṣaparipūritaḥ||6.5||
From entering into Thee seeing each thing as consisting of Thee, may I wander without desires, filled with delight||6.5||
भगवन्भवतः पूर्णं पश्येयमखिलं जगत्।
Bhagavanbhavataḥ pūrṇaṁ paśyeyamakhilaṁ jagat|
तावतैवास्मि सन्तुष्टस्ततो न परिखिद्यसे॥६.६॥
Tāvataivāsmi santuṣṭastato na parikhidyase||6.6||
Lord, may I see the entire world full of You. With this alone I am satisfied — therefore do not trouble Yourself||6.6||
विलीयमानास्त्वय्येव व्योम्नि मेघलवा इव।
Vilīyamānāstvayyeva vyomni meghalavā iva|
भावा विभान्तु मे शश्वत्क्रमनैर्मल्यगामिनः॥६.७॥
Bhāvā vibhāntu me śaśvatkramanairmalyagāminaḥ||6.7||
May they shine for me things, dissolving in You alone (tvayi eva), like shreds of clouds in the sky, — gradually going toward purity forever||6.7||
स्वप्रभाप्रसरध्वस्तापर्यन्तध्वान्तसन्ततिः।
Svaprabhāprasaradhvastāparyantadhvāntasantatiḥ|
सन्ततं भातु मे कोऽपि भवमध्याद्भवन्मणिः॥६.८॥
Santataṁ bhātu me ko'pi bhavamadhyādbhavanmaṇiḥ||6.8||
May shine to me unceasingly from the midst of existence some Your jewel, which by the flood of its own light has shattered the endless succession of darkness||6.8||
कां भूमिकां नाधिशेषे किं तत्स्याद्यन्न ते वपुः।
Kāṁ bhūmikāṁ nādhiśeṣe kiṁ tatsyādyanna te vapuḥ|
श्रान्तस्तेनाप्रयासेन सर्वतस्त्वामवाप्नुयाम्॥६.९॥
Śrāntastenāprayāsena sarvatastvāmavāpnuyām||6.9||
On which step do You not recline? What is that, which is not Your body? Therefore I, weary, may attain You from everywhere, without effort||6.9||
भवदङ्गपरिष्वङ्गसम्भोगः स्वेच्छयैव मे।
Bhavadaṅgapariṣvaṅgasambhogaḥ svecchayaiva me|
घटतामियति प्राप्ते किं नाथ न जितं मया॥६.१०॥
Ghaṭatāmiyati prāpte kiṁ nātha na jitaṁ mayā||6.10||
May there befall for me the enjoyment of embracing Your body — by Your will alone. Lord, when so much is attained as this, what is not conquered by me?||6.10||
प्रकटीभव नान्याभिः प्रार्थनाभिः कदर्थनाः।
Prakaṭībhava nānyābhiḥ prārthanābhiḥ kadarthanāḥ|
कुर्मस्ते नाथ ताम्यन्तस्त्वामेव मृगयामहे॥६.११॥
Kurmaste nātha tāmyantastvāmeva mṛgayāmahe||6.11||
Appear! We do not annoy Thee with other requests, Lord: languishing, we seek Thee alone||6.11||
← Hymn 5 — Svabalanideśanākhyaṁ pañcamaṁ stotram · Hymn 7 — Vidhuravijayanāmadheyaṁ saptamaṁ stotram →
Sanskrit (Devanagari and IAST) has been carried over unchanged from the website of Gabriel Pradīpaka: Hymn 6 — Adhvavisphuraṇākhyaṁ ṣaṣṭhaṁ stotram. Stanzas 6.1–6.11 have been translated directly from Sanskrit for this site: there is no exposition to rely on for them at the source.